തിരുവനന്തപുരം: യാത്രക്കാര്ക്ക് കൂടുതല് സൗകര്യപ്രദമായ സേവനങ്ങള് ഉറപ്പാക്കുന്നതിനായി പുതിയ പദ്ധതികളുമായി കെഎസ്ആര്ടിസി. ബസ്സുകളില് പാസഞ്ചര് ഇന്ഫര്മേഷന് സിസ്റ്റം അവതരിപ്പിക്കാന് കെഎസ്ആര്ടിസി തീരുമാനിച്ചു.
ഈ സംവിധാനത്തിലൂടെ ബസ്സുകളിലെ യാത്രക്കാര്ക്ക് തല്സമയ സ്റ്റോപ്പ് വിവരങ്ങളും ബസ്സ് സമയ വിവരങ്ങളും ലഭ്യമാകും. കൂടാതെ പ്രധാന വാര്ത്തകള്, അറിയിപ്പുകള്, സന്ദേശങ്ങള്, വിനോദ പരിപാടികള് എന്നിവയും യാത്രക്കാര്ക്ക് ഈ സംവിധാനത്തിലൂടെ ലഭ്യമാക്കും.
കെഎസ്ആര്ടിസി യാത്രക്കാര്ക്കായി ഒരുക്കിയിരിക്കുന്ന വിവിധ സേവനങ്ങളും സൗകര്യങ്ങളും സംബന്ധിച്ച വിവരങ്ങളും ഈ പാസഞ്ചര് ഇന്ഫര്മേഷന് സിസ്റ്റത്തിലൂടെ പ്രദര്ശിപ്പിക്കും. ആദ്യഘട്ടത്തില് സംസ്ഥാനത്തെ 500 ബസുകളിലാണ് പദ്ധതി നടപ്പിലാക്കുന്നത്. പിന്നീട് കൂടുതല് ബസ്സുകളിലേക്ക് ഈ സംവിധാനം വ്യാപിപ്പിക്കാന് നടപടികള് പുരോഗമിക്കുകയാണെന്ന് കെഎസ്ആര്ടിസി അധികൃതര് അറിയിച്ചു.
