👬👫കുട്ടീസ് കോർണർ 👬👫 (അറുപത്തിയൊമ്പതാം വാരം) ✍അവതരണം: സൈമ ശങ്കർ, മൈസൂർ

ഹായ് കുട്ടീസ്!!
ഈ ആഴ്ച നമുക്ക് (A) തീപ്പെട്ടി ചിത്രം കണ്ടൊരു വിശദീകരണം, B പദലളിതം (വാക്കുകളെ കുറിച്ചൊരു വിശദീകരണം), C) സ്ഥലനാമ കഥകൾ പിന്നെ കുറച്ചു D) കടംകഥകളും, കൂടാതെ ഈ ആഴ്ചയും എളുപ്പത്തിൽ (E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ കുട്ടീസ് ഒഴിവു സമയങ്ങളിൽ അവ വരച്ചു നോക്കണെ ..

എന്ന് സ്വന്തം
ശങ്കരിയാന്റി.

A) തീപ്പെട്ടി ചിത്രം (14)

തുളസി

തുളസിയുടെ ചിത്രമുള്ള തീപ്പെട്ടി ചേർക്കുന്നു.

ലാമിയേസി (Lamiaceae) സസ്യകുടുംബത്തിൽപ്പെടുന്ന ഔഷധ സസ്യമാണ് തുളസി സംസ്കൃതത്തിൽ മാൻജരി, കൃഷ്ണതുളസി, സുരസാ, ഗ്രാമ്യാ, സുരഭി, ബഹുമഞ്ജരി, ഭൂതഘ്നി എന്നീ പേരുകളിൽ അറിയപ്പെടുന്നു. ഇന്ത്യയിൽ എല്ലായിടങ്ങളിലും കണ്ടുവരുന്ന തുളസി ഔഷധ സസ്യമായും പുണ്യ സസ്യമായും വീട്ടുമുറ്റത്തും ക്ഷേത്രപരിസരത്തും നട്ടുവളർത്താറുണ്ട്. പരക്കെ അറിയപ്പെടുന്ന വാസനയുള്ള സസ്യമാണ് തുളസി. തെക്കേ ഏഷ്യയിൽ ഇതൊരു ഔഷധ സസ്യമായിഅറിയപ്പെടുന്നു . ചരകസംഹിതയിൽ പരാമർശമുള്ള തുളസി, പിരിമുറുക്കം കുറയ്ക്കാനുള്ള കഴിവുള്ള ഔഷധമാണ്‌. കറുത്ത തുളസിക്കും വെളുത്ത തുളസിക്കും യഥാക്രമം കൃഷ്ണ തുളസിയെന്നും, രാമതുളസിയെന്നും പറയുന്നു. ഇതിൽ കൃഷ്ണതുളസിക്കാണ് ഔഷധഗുണം കൂടുതലുള്ളത്. ഒരു ആയുർവേദ ഔഷധം കൂടിയാണിത്. ഭാരതത്തിലെ പല ആചാരങ്ങളിലും തുളസി ഉപയോഗിച്ചുവരുന്നു. പൂജകൾക്കും മാല കോർക്കാനും ഉപയോഗിക്കുന്ന ഇവ കേരളത്തിലെ മിക്ക ഹൈന്ദവ ഗൃഹങ്ങളിലും മുറ്റത്ത്‌ പ്രത്യേകമായി കെട്ടുന്ന തുളസിത്തറയിൽ നടാറുണ്ട് സംസ്കൃതത്തിൽ തുളസി എന്നാൽ സാമ്യമില്ലാത്തത് എന്നാണർത്ഥം. ഹിന്ദുമത വിശ്വാസികൾ തുളസിയെ പാവനസസ്യമായി കരുതി ആദരിക്കുന്നു. മഹാവിഷ്ണുവിന്റെ പത്നിയായ ലക്ഷ്മീ ദേവിയാണ് ഭൂമിയിൽ തുളസിച്ചെടിയായി അവതരിച്ചിരിക്കുന്നതെന്നാണ് ഹൈന്ദവ വിശ്വാസം.

B) പദ ലളിതം

അകമ്പടി

നമുക്ക്‌ അകമ്പടിയെന്ന പദത്തെക്കുറിച്ച് ചിന്തിക്കാം. ചിലപ്പോൾ അകമ്പിടി യെന്നെഴുതാറുണ്ട്. എന്താണ് അകമ്പടി?. പടിയെന്നാൽ ശമ്പളമെന്നർത്ഥം. ശമ്പളം പറ്റി കൊണ്ട് അകത്തു ചെയ്യുന്ന ജോലി .എന്നാൽ ഇന്നോ പുറകിൽ നടക്കലായിഅകമ്പടി. അകമ്പടി സേവിക്കുകയെന്ന പ്രയോഗം ഭാഷയിൽ നിലവിൽ ഉണ്ട്.

C) സ്ഥലനാമ കഥകൾ

കുട്ടീസ് ഈ ആഴ്ചയിലും ചില സ്ഥലങ്ങൾക്ക് എങ്ങനെ ആ പേര് വന്നു എന്ന് കൗതുകത്തോടെ വായിച്ചറിഞ്ഞോളൂ

കടുവാത്തോട്

കൊല്ലം ജില്ലയിൽ പത്തനാപുരം നിയോജക മണ്ഡലത്തിൽ ഉൾപ്പെട്ട സ്ഥലം.സ്ഥലനാമത്തെ കുറിച്ച് പല കഥകളും പറഞ്ഞു കേൾക്കുന്നു.പലതും രസകരങ്ങളും.അവയിൽ ഒന്ന് കടുവയെ കണ്ട തോട് കടുവാത്തോട് ആയി എന്നാണ്. ഭൂമിശാസ്ത്രപരമായി ചിന്തിക്കുമ്പോൾ കടു വാ തോട്__ കടുവാതോടായതാവാം.കടു യെന്ന പദത്തിന് വലിയ എന്നാണ് അർത്ഥം.വലിയ വാ യുള്ള തോട് എന്ന ർഥം.ഇപ്പോഴും ജംഗ്‌ഷന് സ്മിപത്ത് കൂടി ഒഴുകുന്ന തോടിന് മുകളിൽ നിന്ന് നോക്കുമ്പോൾ താഴ്ച്ച കുടുതൽ ആണ്. പിന്നീട് ഈ പേര് സ്ഥലനാമമായതാവാം.

D) കടങ്കഥകൾ (25)

1)കറുത്ത മതിലിന് നാല് കാല്.

ആന

2)കറുത്തവൻ കുളിച്ചപ്പോൾ വെളുത്തവനായി.

ഉഴുന്ന്

3)കാടുവെട്ടി, ഓടുവെട്ടി, വെള്ളവെട്ടി, വെള്ളം കണ്ടു.

തേങ്ങ

4)കാട്ടിലെ മരം നാട്ടിലെ കണക്കപ്പിള്ള.

നാഴി

5)കാട്ടിൽ കിടന്നവൻ കൂട്ടായി വന്നു.

കട്ടിൽ

6)കാട്ടുപുല്ല് വീട്ടുസഭയിൽ.

പുൽപ്പായ

7)കാലകത്തിയാൽ തല പിളരും.

കത്രിക

8)കാലേൽ പിടിച്ചാൽ തോളേൽ കേറും.

കുട

9)കാൽ കറുപ്പും മുക്കാൽ ചുവപ്പും.

കുന്നിക്കുരു

10)കാള കിടക്കും കയറോടും.

മത്തൻ

കുട്ടീസ് കോർണർ (അറുപത്തിയൊമ്പതാം വാരം) അവതരണം: സൈമ ശങ്കർ, മൈസൂർ

A) തീപ്പെട്ടി ചിത്രം (14)

B) പദ ലളിതം

C) സ്ഥലനാമ കഥകൾ

E) എളുപ്പത്തിൽ ഒരു ചിത്രം വരയ്ക്കാം (53)

അവതരണം: സൈമ ശങ്കർ,മൈസൂർ

ഒന്റാരിയോ ബൈബിൾ കൺവെൻഷൻ ഓഗസ്റ്റ് 19, 20, 21 തിയ്യതികളിൽ (ഷിബു കിഴക്കേകുറ്റ്)

എം എ ബേബി ബി എ സുനിൽ വല്ലാത്തറ ഫ്ലോറിഡാ

സ്റ്റാർ എന്റർടൈൻമെന്റ് സിനി സ്റ്റാർ നൈറ്റ് 2025 ടീമിന് വിസ ലഭ്യമായി.

4 COMMENTS

LEAVE A REPLY Cancel reply

Most Popular

ഒന്റാരിയോ ബൈബിൾ കൺവെൻഷൻ ഓഗസ്റ്റ് 19, 20, 21 തിയ്യതികളിൽ (ഷിബു കിഴക്കേകുറ്റ്)

മുൻ ഇന്ത്യൻ ക്രിക്കറ്റ് താരം കേദാർ ജാദവ് ബിജെപിയിൽ.

Recent Comments

EDITOR PICKS

ഒന്റാരിയോ ബൈബിൾ കൺവെൻഷൻ ഓഗസ്റ്റ് 19, 20, 21 തിയ്യതികളിൽ (ഷിബു കിഴക്കേകുറ്റ്)

മുൻ ഇന്ത്യൻ ക്രിക്കറ്റ് താരം കേദാർ ജാദവ് ബിജെപിയിൽ.

POPULAR POSTS

മുൻ ഇന്ത്യൻ ക്രിക്കറ്റ് താരം കേദാർ ജാദവ് ബിജെപിയിൽ.

ഓടിക്കൊണ്ടിരുന്ന ട്രെയിനിന്റെ ബോഗികൾ വേർപ്പെട്ടു.

POPULAR CATEGORY

ABOUT US

FOLLOW US