👬👫കുട്ടീസ് കോർണർ 👬👫 (അറുപത്തിയേഴാം വാരം) ✍അവതരണം: സൈമ ശങ്കർ, മൈസൂർ

ഹായ് കുട്ടീസ്!!
ഈ ആഴ്ച നമുക്ക് A)തീപ്പെട്ടി ചിത്രം കണ്ടൊരു വിശദീകരണം, B) പദ ലളിതം (വാക്കുകളെ കുറിച്ചൊരു വിശദീകരണം), C) സ്ഥലനാമ കഥകൾ പിന്നെ കുറച്ചു D)കടംകഥകളും, കൂടാതെ ഈ ആഴ്ചയും എളുപ്പത്തിൽ (E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ കുട്ടീസ് ഒഴിവു സമയങ്ങളിൽ അവ വരച്ചു നോക്കണെ ..

എന്ന് സ്വന്തം
ശങ്കരിയാന്റി.

A) തീപ്പെട്ടി ചിത്രം (12)

ടെലിവിഷൻ

ടെലിവിഷന്റെ ചിത്രമുള്ള തീപ്പെട്ടി ചേർക്കുന്നു.

ടെലിവിഷൻ സംപ്രേഷണ കേന്ദ്രത്തിൽ നിന്നും വൈദ്യുതി കാന്തിക തരംഗ രൂപത്തിൽ പ്രക്ഷേപണം ചെയ്യുന്ന വിവരങ്ങളെ സ്വീകരിച്ച് അവയെ വീണ്ടും ചിത്രങ്ങളും ശബ്ദങ്ങളും ആയി മാറ്റാനുപയോഗിക്കുന്ന ഉപകരണമാണ് ടെലിവിഷൻ. സ്കോട്ടിഷ് എഞ്ചിനീയർ ആയ ജോൺ ലോഗി ബേർഡ് ആണ്‌ ടെലിവിഷൻ കണ്ടുപിടിച്ചത്.

കേൾവിയുടെ ലോകത്തുനിന്നും നമ്മൾ ദൃശ്യങ്ങളുടെ വലിയ ലോകത്തേക്കുള്ള യാത്ര തുടങ്ങുന്നത് ടെലിവിഷനിൽ നിന്നാണ്. ടെലിവിഷൻ വരുന്നതിനു മുൻപുള്ള ലോകം അനുഭവിച്ചിട്ടില്ലാത്തവരാണ് നമ്മളിൽ പലരും. റേഡിയോ തരുന്ന ശബ്ദചിത്രങ്ങളിലൂടെ ലോകകപ്പ് മുതൽ ലോകമഹായുദ്ധംവരെ കണ്ട കാലം. അതിന്റെ യഥാർഥ ചിത്രം മനസ്സിലാക്കാൻ ചിലപ്പോൾ ദിവസങ്ങൾക്ക് ശേഷം പത്രത്തിൽ ചിത്രം അച്ചടിച്ചു വരുന്നതുവരെ കാക്കേണ്ടിവരും. അതും ബ്ലാക്ക് ആൻഡ് വൈറ്റിൽ. ഈ കാലത്തേക്കാണ് ടെലിവിഷൻ പിറന്നുവീണത്.

ലോകത്ത് ആദ്യം വ്യാപകമായി ഉപയോഗിക്കാൻ തുടങ്ങിയ ടെലിവിഷൻ കാഥോഡ് റേ ട്യൂബ് അടിസ്ഥാനമാക്കിയുള്ള സി.ആർ.ടി. ടെലിവിഷനാണ്. പിക്ചർ ട്യൂബ് എന്നറിയപ്പെടുന്ന ഒരു വാക്വം ട്യൂബ്. അതിൽ നിന്ന് വരുന്ന ഇലക്ട്രോൺ ബീമുകൾ ഫ്ളൂറസന്റ് സ്ക്രീനിൽ ദൃശ്യങ്ങളെത്തിക്കും. ഡയനോര, കെൽട്രോൺ, ഇസി, ഒനിഡ, വീഡിയോകോൺ എന്നിങ്ങനെ സി.ആർ.ടി. ടെലിവിഷനുകളുടെ നീണ്ട നിര തന്നെ നമുക്കു മുന്നിലുണ്ടായിരുന്നു.

ആദ്യത്തെ ടെലിവിഷനായ മെക്കാനിക്കൽ ടെലിവിഷനിൽനിന്നും കാതലായ മാറ്റമുണ്ട് സി.ആർ.ടി ടെലിവിഷന്. 1928 മുതൽ 1934 വരെയുള്ള കാലഘട്ടമാണ് മെക്കാനിക്കൽ ടെലിവിഷൻ കാലഘട്ടം. യു.എസ്, യു.കെ, റഷ്യ എന്നീ രാജ്യങ്ങൾ കടന്ന് മെക്കാനിക്കൽ ടെലിവിഷൻ പോയിട്ടില്ല എന്നുതന്നെ പറയാം. റേഡിയോ സംവിധാനത്തിനൊപ്പം ദൃശ്യം കാണാനുള്ള ഒരു സംവിധാനമായിരുന്നു ഇത്. നിയോൺ ട്യൂബും ദൃശ്യങ്ങൾ ലെൻസുപയോഗിച്ച് വലുതായി കാണുന്നതായിരുന്നു മെക്കാനിക്കൽ ടെലിവിഷൻ.

B) പദ ലളിതം

പ്രാകൃതൻ

ചിലയാളുകളെ പ്രാകൃത നെന്ന് വിശേഷിപ്പിക്കാറുണ്ട്. അവരുടെ പരിഷ്ക്കാരമില്ലായ്മയാണ് ആ വിളിക്ക് അടിസ്ഥാനം.അപ്പോൾ പ്രാകൃതൻ പരിഷ്ക്കാരമില്ലാത്തവൻ ആണോ?. അല്ല. പ്രകൃതി ഉപേക്ഷിക്കാത്തവനാണ് ‘ അതായത് ‘ നീണ്ട നാളത്തെ വളർച്ചയിലെ ചില അടയാളങ്ങൾ ഇന്നും സൂക്ഷിക്കുന്നവൻ. ആ അർത്ഥത്തിൽ എല്ലാവരും പ്രാകൃതർ ആണ്. അല്ലാതെ പരിഷ്ക്കാരമില്ലാത്തവൻ അല്ല പ്രാകൃതൻ.

C) സ്ഥലനാമ കഥകൾ

കുട്ടീസ് ഈ ആഴ്ചയിലും ചില സ്ഥലങ്ങൾക്ക് എങ്ങനെ ആ പേര് വന്നു എന്ന് കൗതുകത്തോടെ വായിച്ചറിഞ്ഞോളൂ

അങ്ങാടിക്കൽ

പത്തനംതിട്ടജില്ലയിൽ കൊടുമണ്ണിനടുത്ത് സ്ഥതി ചെയ്യുന്ന സ്ഥലമാണ്
അങ്ങാടിക്കൽ.
കൽ എന്ന പദത്തിന് അടുത്തുള്ളതെന്ന് അർത്ഥം. അങ്ങാടിയുടെ അടുത്ത പ്രദേശം. പണ്ട് കാലത്ത് കേരളത്തിലെ പ്രസിദ്ധമായ ചന്തകളിൽ ഒന്നായിരുന്നു അനന്തരാമപുരം(പറക്കോട്)ചന്ത. ആനയെ വരെ ഇവിടെ കച്ചവടം ചെയ്തിരുന്നു. കോന്നി മുതലായ കിഴക്കൻ സ്ഥലങ്ങളിൽ നിന്ന് പറക്കോട് ചന്തയിലേക്ക് സാധനങ്ങൾ കൊണ്ടുവന്നിരുന്നവർ ഒരു പക്ഷെ ചന്തയ്ക്ക് അടുത്ത് വിശ്രമിച്ചിരുന്ന സ്ഥലമാവാം അങ്ങാടിക്കൽ.

D) കടങ്കഥകൾ (23)

ഒരു തൊഴുത്തിൽ രണ്ടുവരി വെള്ളക്കുതിര.

പല്ലുകൾ

2) ഒരു മണി നെല്ലോണ്ടറ നിറഞ്ഞു *.

വിളക്കിന്റെ പ്രകാശം

3) ഒരു മുറം മലരിലൊരു തേങ്ങാക്കൊത്ത്.

ചന്ദ്രക്കല

4) ഒരെരുത്തിൽ നിറച്ചു വെള്ളക്കാള.

പല്ലുകൾ

5) ഒറ്റക്കണ്ണൻ കുതിച്ചു പാഞ്ഞു.

തീവണ്ടി

6) ഒറ്റക്കാലൻ ചന്തയ്ക്ക് പോയി.

കുട

7) ഒറ്റത്തടി മരമാണേ, വേരില്ലാ മരമാണേ, തുഞ്ചത്തു കാണുന്നതെന്തിലയോ, പൂവോ?

കൊടിമരം

8) ഓടി നടക്കും തീയുണ്ട.

മിന്നാമിനുങ്ങ്

9) ഓടും കുതിര ചാടും കുതിര വെള്ളം കണ്ടാൽ നിൽക്കും കുതിര.

ചെരുപ്പ്

10) കട കട കുടു കുടു നടുവിലൊരു പാതാളം.

ആട്ടു കല്ല്

കുട്ടീസ് കോർണർ (അറുപത്തിയേഴാം വാരം) അവതരണം: സൈമ ശങ്കർ, മൈസൂർ

A) തീപ്പെട്ടി ചിത്രം (12)

B) പദ ലളിതം

C) സ്ഥലനാമ കഥകൾ

E) എളുപ്പത്തിൽ ഒരു ചിത്രം വരയ്ക്കാം (51)

അവതരണം: സൈമ ശങ്കർ, മൈസൂർ

ചിന്താ പ്രഭാതം – 2025 | മാർച്ച് 23 | ഞായർ ബേബി മാത്യു അടിമാലി

“ഇന്നത്തെ ചിന്താവിഷയം” – 2025 | മാർച്ച് 23 | ഞായർ പ്രൊഫസ്സർ എ.വി. ഇട്ടി മാവേലിക്കര

മിശിഹായുടെ സ്നേഹിതർ (11) ‘വിശുദ്ധനായ സെബസ്ത്യാനോസ് ‘ അവതരണം: നൈനാൻ വാകത്താനം

4 COMMENTS

LEAVE A REPLY Cancel reply

Most Popular

മോഹൻലാൽ നടത്തിയ ഉഷ:പൂജയുടെ വിവരങ്ങൾ ചോർന്ന സംഭവത്തിൽ തിരുവിതാംകൂർ ദേവസ്വം ബോർഡ് അന്വേഷണം ആരംഭിച്ചു.

തൊടുപുഴയിലേത് ക്വട്ടേഷന്‍ കൊലപാതകം; ബിജുവിന്‍റെ മൃതദേഹം മാന്‍ഹോളില്‍.

ചാമ്പ്യൻമാരെ തോൽപ്പിച്ച് ബാംഗ്ലൂർ തുടങ്ങി. 7 വിക്കറ്റിന്റെ വിജയം.

സന്ദര്‍ശന വിസയില്‍ ജിദ്ദയിലെത്തിയ കോഴിക്കോട് സ്വദേശി മരിച്ചു.

Recent Comments

EDITOR PICKS

മോഹൻലാൽ നടത്തിയ ഉഷ:പൂജയുടെ വിവരങ്ങൾ ചോർന്ന സംഭവത്തിൽ തിരുവിതാംകൂർ ദേവസ്വം ബോർഡ് അന്വേഷണം ആരംഭിച്ചു.

തൊടുപുഴയിലേത് ക്വട്ടേഷന്‍ കൊലപാതകം; ബിജുവിന്‍റെ മൃതദേഹം മാന്‍ഹോളില്‍.

ചാമ്പ്യൻമാരെ തോൽപ്പിച്ച് ബാംഗ്ലൂർ തുടങ്ങി. 7 വിക്കറ്റിന്റെ വിജയം.

POPULAR POSTS

2014 ൽ കാണാതായ യുവതിയെ തേടി കോയമ്പത്തൂർ ക്രൈം ബ്രാഞ്ച് പത്തനംതിട്ടയില്‍ എത്തി

മണി ഗെയിമിംഗ് സ്ഥാപനങ്ങളുടെ 357 വെബ്‌സൈറ്റുകൾ ബ്ലോക്ക് ചെയ്തു

അതിക്രൂര കൊലപാതകം…; ഭാര്യക്ക് മറ്റു ബന്ധങ്ങളുണ്ടെന്ന സംശയം; മൂന്നര വയസുള്ള മകനെ കഴുത്തറുത്ത് കൊന്നു.

POPULAR CATEGORY

ABOUT US

FOLLOW US