🌹 ചിന്താ പ്രഭാതം 🌹 – 2025 | ഫെബ്രുവരി 07 | വെള്ളി ✍ ബേബി മാത്യു അടിമാലി

നമ്മുടെ അടുത്ത് എന്താണോ ഉള്ളത് അതെ നമുക്ക് പങ്കുവെക്കാൻ കഴിയു

സന്തോഷവാൻ സന്തോഷം പകുത്ത് നല്കി കൊണ്ടിരിക്കും. ദുഃഖിതൻ ദുഃഖം പങ്കിട്ടു കൊണ്ടിരിക്കും.
ജ്ഞാനി എന്നും വിജ്ഞാനംപങ്കിട്ടു കൊണ്ടിരിക്കും. ഭീരു എപ്പോഴും ഭയം പങ്കിട്ടു കൊണ്ടിരിക്കും. വെറുക്കപ്പെട്ടവൻ വെറുപ്പ് പങ്കിട്ടു കൊണ്ടിരിക്കും.

നമ്മുടെ ജീവിതത്തിൽ എന്തു ലഭിച്ചാലും മനസ്സിലത് സംസ്കരിക്കാൻ പഠിക്കണം. ഇല്ലെങ്കിലോ. ?

ഭക്ഷണം ദഹിച്ചില്ലെങ്കിൽ രോഗിയായ് തീരും. പണം ദഹിച്ചില്ല എങ്കിൽ അഹങ്കാരികളായി മാറും. നിന്ദ ദഹിച്ചില്ല എങ്കിൽ പകയായി മാറും. വാക്കുകൾ ദഹിച്ചില്ല എങ്കിൽ കലഹമായി മാറും. ദുഃഖം ദഹിച്ചില്ല എങ്കിൽ നിരാശയായി മാറും. സുഖം ദഹിച്ചില്ല എങ്കിൽ കുറ്റവാളിയായി മാറും.

സ്നേഹം ..സന്തോഷം.. ഉത്സാഹം ..ഉന്മേഷം.. ശുഭചിന്തകൾ എന്നിവ മറ്റുള്ളവരുമായി പങ്കിടൂ. ജീവിതം ഉല്ലാസമായി മാറ്റൂ.

ഒത്തിരി ഇഷ്ടത്തോടെ……