മലയാളി മനസ്സ് ഓണം സ്‌പെഷ്യൽ രചനാ മത്സരത്തിൽ, സുജ പാറുകണ്ണിൽ, സഹീറ എം, രാജൻ പടുതോൾ, സാന്ദ്ര നിർമ്മൽ എന്നിവർ ഒന്നും, രണ്ടും, മൂന്നും, നാലും സ്ഥാനങ്ങൾ കരസ്ഥമാക്കി.

മലയാളി മനസ്സ് യു എസ് എ, ഓണത്തോടനുബന്ധിച്ച്‌ നടത്തിയ “ഈ ഓണത്തിന് മാവേലി നിങ്ങളുടെ വീട്ടിൽ വന്നാൽ എന്തായിരിക്കും നിങ്ങളുടെ പ്രതികരണം ..? എന്ന വിഷയത്തെ ആസ്പദമാക്കി നടത്തിയ രചനാ മത്സരത്തിൽ ഒന്നാം സ്ഥാനം സുജ പാറുകണ്ണിൽ, രണ്ടാം സ്ഥാനം സഹീറ എം, മൂന്നാം സ്ഥാനം രാജൻ പടുതോൾ നാലാം സ്ഥാനം സാന്ദ്ര നിർമ്മൽ എന്നിവർ കരസ്ഥമാക്കി.

ബെന്നി സെബാസ്റ്റ്യൻ, ദീപ ആർ അടൂർ, സജി ടി. പാലക്കാട്, മഹിമ കുര്യൻ, ടിന്റോ കെ ജോസഫ്, റോമി ബെന്നി, ഷാഫിയ ഷംസുദ്ദീൻ, ശ്രീജ മനോജ് അമ്പലപ്പുഴ, ഡോ. ഉണ്ണി ആവട്ടി, ദീപ നായർ എന്നിവർ തൊട്ടടുത്ത മാർക്കുകൾ നേടി പ്രോത്സാഹന സമ്മാനങ്ങൾക്ക് അർഹരായി.

തന്റെ തൊണ്ണൂറ്റിയൊന്നാം വയസ്സിലും, പ്രായത്തെയും, അവശയതയെയും അവഗണിച്ച്, മലയാളിമനസിനോടുള്ള പ്രത്യേക താല്പര്യം മൂലം മത്സരത്തിൽ ആവേശപൂർവ്വം പങ്കെടുത്ത മുൻ KSEB എഞ്ചനീയർ ടി.ആർ. ജോണിക്ക് പ്രത്യേക പുരസ്ക്കാരം നൽകുന്നതായിരിക്കും.

ഏറ്റവുമധികം വായനക്കാരുള്ള രചനകൾക്ക് ഡോ. ഉണ്ണി ആവട്ടി, ഷാജി ഏബ്രഹാം, റോമി ബെന്നി, ദീപ നായർ, അജി സുരേന്ദ്രൻ എന്നിവരും,

ഏറ്റവും അധികം വായനക്കാരുടെ അഭിപ്രായം കമന്റായി ലഭിച്ചതിനുള്ള സമ്മാനം, ഡോ. ഉണ്ണി ആവട്ടി, ദീപ നായർ, റോമി ബെന്നി, അജി സുരേന്ദ്രൻ, രവി കൊമ്മേരി എന്നിവരും കരസ്ഥമാക്കി. ഇവർക്കുള്ള ക്യാഷ് പ്രൈസ് ജനുവരിയിൽ നടക്കുന്ന മലയാളി മനസ്സിന്റെ അഞ്ചാം വാർഷിക സമ്മേളന വേദിയി വച്ച് നൽകുന്നതായിരിക്കും. സ്ഥലവും, തീയതിയും പിന്നീട് അറിയിക്കുന്നാണ്.

ഒന്ന്, രണ്ട്, മൂന്ന്, നാല് സ്ഥാനങ്ങൾ കരസ്ഥമാക്കിയവർക്കുള്ള ക്യാഷ് പ്രൈസ് സ്പോൺസർ ചെയ്തിരിക്കുന്നത്, ഫിലഡൽഫിയ, ബെൻസേലം ഏരിയയിലെ പ്രമുഖ റെഡിമെയ്ഡ് വസ്ത്രവ്യാപാര സ്ഥാപനമായ പോപ്പുലർ സിൽക്ക്സ് ഉടമ ജെയിംസ് ഡാനിയേൽ, പ്രോസ്ത്സാഹാന സമ്മാനം നേടിയവർക്കുള്ള ക്യാഷ് പ്രൈസ് സ്പോൺസർ ചെയ്തിരിക്കുന്നത്, കോൾഡ്‌വെൽ ബാങ്കേഴ്സ് റിയൽ എസ്റ്റേറ്റ് ഗ്രൂപ്പിലെ പ്രമുഖ റിയൽറ്റർ, വിനു വർഗ്ഗീസ്, ഏറ്റവും കൂടുതൽ വായനക്കാരുള്ള രചനകൾക്ക് സമ്മാനാർഹരായിട്ടുള്ളവർക്കുള്ള ക്യാഷ് പ്രൈസ് നൽകുന്നത് ട്രൈസ്റ്റേറ്റ് ഏരിയയിലും സമീപ പ്രദേശങ്ങളിലും വിവിധതരം ഭക്ഷണങ്ങളുമായി രുചിക്കൂട്ടുകളുടെ കലവറ തീർക്കുന്ന ‘ പെപ്പർ പാലസ് ഫില്ലി, ഏറ്റവും കൂടുതൽ വായനക്കാരുടെ മികച്ച അഭിപ്രായങ്ങൾ കമന്റ് രൂപത്തിൽ ലഭിച്ച രചനകൾക്ക് സമ്മാനാർഹരായിട്ടുള്ളവർക്ക് ക്യാഷ് പ്രൈസ് നൽകുന്നത്, അപ്പർഡാർബി കേന്ദ്രീകരിച്ചു നടത്തുന്ന ‘സ്പീഡി കാർ സെയ്ൽസ് ‘ എന്ന പ്രമുഖ സ്ഥാപനത്തിന്റെ ഉടമ ബിജു ചാക്കോ എന്നിവരാണ്.

വളരെ ചുരുങ്ങിയ സമയപരിധിക്കുള്ളിൽ നടത്തിയ ഈ മത്സരത്തിൽ പങ്കെടുത്തവരിൽ നിന്നും ലഭിച്ച രചനകളിനിന്നും, പ്രസിദ്ധീകരണയോഗ്യമായി തിരഞ്ഞെടുത്ത 38 രചനകളായിരുന്നു മത്സരത്തിന് ഉണ്ടായിരുന്നത്. മലയാളി മനസ്സ് അഡ്മിൻ ഗ്രൂപ്പ് അംഗങ്ങളായ നൈനാൻ വാകത്താനം, മേരി ജോസ്സി മലയിൽ, നിർമ്മല അമ്പാട്ട്, സൈമ ശങ്കർ, റിറ്റ മാനുവൽ, സിസി ബിനോയ്, റീന നൈനാൻ, ജിഷ ദിലീപ് എന്നിവരുടെ നേതൃത്വത്തിലുള്ള അഡ്മിൻ പാനലാണ് മത്സരത്തിന് നേതൃത്വം നൽകിയത്.

മത്സരത്തിൽ പങ്കെടുത്തവർക്കും , സമ്മാനാർഹരായവർക്കും, സമ്മാനങ്ങൾ സ്പോൺസർ ചെയ്തവർക്കും, മത്സരത്തിന് നേതൃത്വം നൽകിയ അഡ്മിൻ പാനലിനും മലയാളി മനസ് മാനേജുമെന്റിന്റെ പ്രത്യേകം നന്ദി.