പത്തനംതിട്ട –കേരള സ്റ്റേറ്റ് ലീഗല് സര്വീസസ് അതോറിറ്റിയുടെയും പത്തനംതിട്ട ജില്ലാ ലീഗല് സര്വീസസ് അതോറിറ്റിയുടെയും ജില്ലയിലെ വിവിധ താലൂക്ക് ലീഗല് സര്വീസസ് കമ്മിറ്റികളുടെയും ആഭിമുഖ്യത്തില് നടത്തുന്ന നാഷണല് ലോക് അദാലത്ത് ജൂണ് എട്ടിന് നടക്കും. പത്തനംതിട്ട ജില്ലാ കോടതി സമുച്ചയത്തിലും തിരുവല്ല, റാന്നി, അടൂര് കോടതി സമുച്ചയങ്ങളിലുമാണ് അദാലത്ത്.
ജില്ലയിലെ വിവിധ ദേശസാല്കൃത ബാങ്കുകളുടെയും സ്വകാര്യ ധനകാര്യ സ്ഥാപനങ്ങള് ഉള്പ്പെടെ മറ്റ് ബാങ്കുകളുടെയും പരാതികള്, കോടതിയുടെ പരിഗണനയിലില്ലാത്ത വ്യക്തികളുടെ പരാതികള്, ജില്ലാ നിയമസേവന അതോറിറ്റി മുമ്പാകെ നല്കിയ പരാതികള്, താലൂക്ക് നിയമസേവന കമ്മിറ്റികള് മുമ്പാകെ നല്കിയ പരാതികള്, നിലവില് കോടതിയില് പരിഗണനയിലുളള സിവില് കേസുകള്, ഒത്തുതീര്പ്പാക്കാവുന്ന ക്രിമിനല് കേസുകള്, മോട്ടോര് വാഹന അപകട,തര്ക്ക,പരിഹാര കേസുകള്, ബിഎസ്എന്എല്, വാട്ടര് അതോറിറ്റി, വൈദ്യുതി ബോര്ഡ്, രജിസ്ട്രേഷന് വകുപ്പുകള് മുമ്പാകെയുളള പരാതികള്, റീജിയണല് ട്രാന്സ്പോര്ട്ട് ഓഫീസ് മുമ്പാകെയുളള കേസുകള്, കുടുംബകോടതിയില് പരിഗണനയിലുളള കേസുകള് എന്നിവ അദാലത്തില് പരിഗണിക്കും. ഫോണ് : 0468 2220141.
