അടച്ചിട്ട മുറിയിൽ ചിറക് കത്തിച്ച
ശലഭങ്ങളോട്
ഏത് ചോദ്യത്തിനുത്തരമാണ് നിങ്ങൾ
തേടുന്നത്.
ഏത് കണക്കിലാണ്
ചിതറി പോയ കുഞ്ഞു കണ്ണിലെ
സ്വപ്നങ്ങളെ
ലഘൂകരിക്കുന്നത്.
വെടിയുണ്ട പാഞ്ഞ് പോയ
കുഞ്ഞു ഹൃദയത്തിൽ
കണ്ടുവോ നിങ്ങൾ
അതിർത്തിയില്ലാത്ത ജാതിയില്ലാത്ത
മതമില്ലാത്ത ദൈവത്തെ
ഇല്ല കഴിയില്ല നിങ്ങൾക്ക്
ചേർത്തടയ്ക്കാൻ
ചോരപ്പാടുണങ്ങാത്ത
ഈ ജനൽ പാളികൾ തുറന്ന് തന്നെ
ഇരിയ്ക്കും
ചോദ്യങ്ങളായി നിവർന്ന് നിൽക്കും
കാലത്തിനപ്പുറത്തേയ്ക്കും
👏
നന്നായിട്ടുണ്ട്