👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2025 | മെയ് 18 | ഞായർ

ആരോഗ്യവും ചർമ്മ സംരക്ഷണവും :

ആരോഗ്യകരമായ തിളങ്ങുന്ന ചർമ്മത്തിന് പോഷകാഹാരവും ഭക്ഷണക്രമവും പ്രത്യേകം ശ്രദ്ധിക്കേണ്ടതുണ്ട്.

മലിനീകരണം, സൂര്യപ്രകാശം, സമ്മർദ്ദം, അനാരോഗ്യകരമായ ജീവിതശൈലി എന്നിവ ചർമ്മത്തിന്റെ ആരോഗ്യത്തിന് ഹാനികരമാണ്.

നമ്മുടെ മൊത്തം ശരീരഭാരത്തിൻ്റെ ഏഴിലൊന്ന് വരുന്ന ചർമ്മം, തണുപ്പ്, രോഗാണുക്കൾ, ദോഷകരമായ വസ്തുക്കൾ എന്നിവയിൽ നിന്ന് നമ്മെ സംരക്ഷിക്കുന്നതിൽ ഏറ്റവും പ്രധാനമായ പങ്കുവഹിക്കുന്നു.

സെലിനിയം, സിങ്ക്, ഒമേഗ -3 കൊഴുപ്പുകൾ, വിറ്റാമിൻ എ, സി, ഇ തുടങ്ങിയ പോഷകങ്ങൾ ചർമ്മത്തിന്റെ മൊത്തത്തിലുള്ള ആരോഗ്യം നിലനിർതുന്നതിൽ മുൻപന്തിയിൽ നിൽക്കുന്നു . തിളങ്ങുന്ന ചർമ്മത്തിന് ആവശ്യമായ ഭക്ഷണങ്ങൾ എന്തൊക്കെയാണെന്ന് നോക്കാം.

സൂര്യകാന്തി: ചൈതന്യമുള്ള ചർമ്മത്തിനും അതിനാവശ്യമായ കൊളാജൻ ഉൽപാദനത്തിനും സൂര്യകാന്തി വിത്തുകൾ നല്ലതാണ്.. ഇവയിൽ അവശ്യ പോഷകങ്ങൾ, വിറ്റാമിനുകൾ, സെലിനിയം, സിങ്ക്, പ്രോട്ടീൻ എന്നിവ അടങ്ങിയിട്ടുണ്ട്.

വാൽനട്ട്: ഒമേഗ -3, സിങ്ക്‌, വിറ്റമിൻ ഇ, സെലീനിയം ഉൾപ്പെടെയുള്ള അവശ്യ ഫാറ്റി ആസിഡുകളും ആന്റിഓക്സിഡന്റുകളും ധാരാളമായി അടങ്ങിയിരിക്കുന്നതിനാൽ വാൽനട്ട് ചർമ്മത്തിലെ വീക്കം കുറച്ച് ആവശ്യമായ പോഷണം നൽകുന്നു.

കൊഴുപ്പുള്ള മത്സ്യം: സാൽമൺ, അയല, മത്തി തുടങ്ങിയ കൊഴുപ്പുള്ള മത്സ്യങ്ങളിൽ ഒമേഗ -3 ഫാറ്റി ആസിഡുകൾ, വിറ്റമിൻ ഇ, സിങ്ക്‌ എന്നിവ ധാരാളമായി അടങ്ങിയിട്ടുണ്ട്. ഇത് ചർമ്മത്തിന്റെ ഇലാസ്തികതയും ജലാംശവും നിലനിർത്താൻ സഹായിക്കുന്നു. ഇവയുടെ ആന്റി ഇൻഫ്ളമേറ്ററി ഗുണങ്ങൾ യു വി ഇൻഡ്യൂസ്ഡ് സെൻസിറ്റിവിറ്റിക്കെതിരെ ചർമ്മത്തെ ശക്തിപ്പെടുത്തുന്നു.

മധുരക്കിഴങ്ങ്: തിളങ്ങുന്ന ആരോഗ്യമുള്ള ചർമ്മത്തിന് മധുരക്കിഴങ്ങ് നിങ്ങളുടെ ഭക്ഷണത്തിൽ ഉൾപ്പെടുത്താം. ഇവയിൽ സസ്യങ്ങളിൽ നിന്നും ലഭിക്കുന്ന പ്രധാന പോഷകമായ ബീറ്റാ കരോട്ടിൻ ധാരാളമായി അടങ്ങിയിട്ടുണ്ട്. ഇത് സൂര്യതാപം, കോശങ്ങളുടെ കേടുപാടുകൾ, വരണ്ടതും ചുളിവുകൾ ഉള്ളതുമായ ചർമ്മം എന്നിവ തടയാൻ സഹായിക്കുന്നു.

കുരുമുളക്: ബീറ്റാ കരോട്ടിൻ്റെ അസാധാരണമായ സ്രോതസ്സായ കുരുമുളക് ചർമ്മത്തിന് തിളക്കം നൽകാൻ കഴിവുള്ള മികച്ച ഭക്ഷണമാണ്. ചർമ്മത്തിൻ്റെ ദൃഢതയും ശക്തിയും നിലനിർത്തുന്നതിന് ആവശ്യമായ കൊളാജൻ ഉൽപാദനത്തിൽ പ്രധാന പങ്കുവഹിക്കുന്ന വിറ്റാമിൻ സിയുടെ ഉറവിടമാണിത്.

അവോക്കാഡോ: നിങ്ങളുടെ ചർമ്മത്തിന് ഏറ്റവും മികച്ച ഭക്ഷണമാണ് നിങ്ങൾ തിരയുന്നതെങ്കിൽ, അവോക്കാഡോകൾ തിരഞ്ഞെടുക്കാം. അവോക്കാഡോയിൽ അടങ്ങിയിരിക്കുന്ന കൊഴുപ്പുകൾ വിറ്റമിൻ ഇ, സി, എന്നിവ ആന്റിഓക്സിഡന്റ് ആയി പ്രവർത്തിച്ച് ചർമ്മത്തിൻ്റെ വഴക്കവും ഈർപ്പവും നിലനിർത്തുകയും അൾട്രാ വയലറ്റ് വികിരണങ്ങളിൽ നിന്നും സംരക്ഷണം നൽകുകയും ചെയ്യുന്നു. അങ്ങനെ അകാല വാർദ്ധക്യം തടയുന്നു.

ബ്രോക്കോളി: വിറ്റാമിനുകൾ എ, സി എന്നിവയും സിങ്ക് പോലുള്ള ധാതുക്കളും അടങ്ങിയ ചർമ്മത്തെ പോഷിപ്പിക്കുന്ന പവർഹൗസാണിത്. ഇതിൽ ല്യൂട്ടിൻ, സൾഫോറാഫെയ്ൻ എന്നിവ അടങ്ങിയിട്ടുണ്ട്. ഇത് ഓക്‌സിഡേറ്റീവ് നാശത്തിൽ നിന്ന് ചർമ്മത്തിന് സംരക്ഷണം നൽകുന്നു, കൂടാതെ കാൻസർ വിരുദ്ധ ഫലങ്ങളുമുണ്ട്.

സോയ: ഈസ്ട്രജനെ നിയന്ത്രിക്കുന്നതിന് പേരുകേട്ട സോയയുടെ ഐസോഫ്ലവോണുകൾ ചർമ്മത്തിന്റെ ചുളിവുകൾ കുറയ്ക്കാനും ഇലാസ്തികത വർദ്ധിപ്പിക്കാനും സഹായിക്കുന്നു. ആർത്തവവിരാമത്തിനു ശേഷമുള്ള ചർമ്മത്തിൻ്റെ വരൾച്ച തടഞ്ഞ് മിനുസമാർന്നതും പ്രതിരോധശേഷിയുള്ളതുമായ ചർമ്മത്തിന് ആവശ്യമായ കൊളാജൻ സോയയിൽ ധാരാളമുണ്ട്.

തക്കാളി: വിറ്റമിൻ സി, ലൈക്കോപീൻ, ല്യൂട്ടിൻ എന്നിവയാൽ സമ്പുഷ്ടമാണ് തക്കാളി. ബീറ്റാ കരോട്ടിൻ, ല്യൂട്ടിൻ, ലൈക്കോപീൻ എന്നിവ സൂര്യാഘാതത്തിൽ നിന്ന് സംരക്ഷിക്കുകയും ചുളിവുകൾ തടയുകയും ചെയ്യുന്നു.

ഡാർക്ക് ചോക്ലേറ്റ്: ഇതിൽ അടങ്ങിയിരിക്കുന്ന കൊക്കോ ഒരു ആൻ്റിഓക്‌സിഡൻ്റാണ്. ഇത് രക്തയോട്ടം വർദ്ധിപ്പിച്ച് കട്ടികൂടിയതും ജലാംശം കുറഞ്ഞതുമായ പരുക്കൻ ചർമ്മത്തെ മെച്ചപ്പെടുത്തുന്നു.

തണ്ണിമത്തൻ: 90 ശതമാനത്തിലധികം ജലാംശമുള്ള തണ്ണിമത്തൻ. വിറ്റാമിൻ സി, ലൈക്കോപീൻ, ബീറ്റാ കരോട്ടിൻ എന്നിവയാൽ സമ്പന്നമാണ്. തണ്ണിമത്തൻ ചർമ്മത്തിന്റെ ആരോഗ്യം സംരക്ഷിക്കുകയും പ്രായമാകുന്നതിന്റെ ലക്ഷണങ്ങളെ ചെറുക്കുകയും ചെയ്യുന്നു. ഇതിലെ L-citrulline എന്ന അമിനോ ആസിഡ് രക്തചംക്രമണം വർദ്ധിപ്പിച്ച് ചർമ്മത്തെ പോഷിപ്പിക്കുന്നു.