ഉണർന്നില്ല വിഷുവിനു
കാലത്തെണീറ്റില്ല
കണി കാണുവാനുള്ള
സമയമായി
കണിയൊരുക്കാതെ കിടക്കുമ്പോൾ
കിടക്കയിൽ
നാണയ ത്തുട്ടുകൾ കരുതി വെച്ചു
കാലത്ത് കണി കാണാമെന്റെ
കമലാക്ഷി
കൊച്ചുമോൾ കവിളിലോ
ഒന്നുനുള്ളി
കുളി കഴിഞ്ഞീറനുടുത്തു വന്നപ്പോളോ
ഓൺലൈനിൽ
ഉണ്ണി കണി നിരത്തി
ജീവനില്ലാത്തൊരു എ ഐ
കണികളെൻ
കണ്ണിന്റെ കുളിരുകൾ
കരിച്ചു തീർത്തു
സദ്യ യൊരുക്കണ്ടേയെന്നു
ചോദിച്ചപ്പോൾ
വേണ്ടന്നെ! ഓൺലൈനിൽ സദ്യ കിട്ടും
കയ്യിലിരുന്നൊരു നാണയ ത്തുട്ടുകൾ
കണ്ണുനീർ നനവോടെ
തറയിൽ വീണു
കൈ നീട്ടവും ഇനി ഓൺലൈനിലാവും
തളരുന്നു മനഃമീ ഭ്രമയുഗത്തിൽ.
സർവ്വം ഓൺലൈൻ….
നല്ലെഴുത്ത് ❤️