കോഴിക്കോട് വടകരയിൽ ആണ് അഞ്ചാം ക്ലാസുകാരന് നേരെ തെരുവുനായ ആക്രമണം ഉണ്ടായത്. വടകര കൊക്കഞ്ഞാത്ത് റോഡ് സ്വദേശി വിയാൻ വിജിത്തിന് നേരെയാണ് തെരുവുനായ്ക്കൾ കൂട്ടമായി ആക്രമിക്കാൻ ശ്രമിച്ചത്. വിയാൻ വീട്ടുമുറ്റത്ത് നിൽക്കുമ്പോഴാണ് തെരുവുനായ്ക്കൾ കുരച്ചുകൊണ്ട് ചാടിയത്.
വിയാൻ ധൈര്യം സംഭരിച്ചു കൊണ്ട് കയ്യിലുണ്ടായിരുന്ന സ്കൂൾ ബാഗ് നായ്ക്കൾക്ക് നേരെ എറിഞ്ഞപ്പോളാണ് തെരുവുനായകൾ പിന്മാറിയത്. ശേഷം വിയാൻ ഓടി അടുത്തുള്ള മതിലിൽ കയറി നിൽക്കുകയായിരുന്നു.
