കോട്ടയം: പനച്ചിക്കാട് വെള്ളുത്തുരുത്തിയിൽ ഇരുചക്ര വാഹനങ്ങൾ കൂട്ടിയിടിച്ച് യുവാവ് മരിച്ചു. വെള്ളുത്തുരുത്തി തെക്കേമുറി മോഹൻദാസിന്റെ മകൻ ടി.പി ആരോമൽ(20) ആണ് മരിച്ചത്.
ഇന്നലെ രാത്രി എട്ട് മണിയോടെയായിരുന്നു അപകടം. പരുത്തുംപാറയിലെ സ്വകാര്യ മൊബൈൽഫോൺ കടയിൽ ജീവനക്കാരനായിരുന്നു ആരോമൽ. ജോലികഴിഞ്ഞ് വീട്ടിലേയ്ക്കു മടങ്ങുന്നതിനിടെയായിരുന്നു അപകടം. ആരോമൽ സഞ്ചരിച്ച ബൈക്ക് എതിർ ദിശയിൽ നിന്നും എത്തിയ സ്കൂട്ടറിൽ ഇടിയ്ക്കുകയായിരുന്നു.
പരിക്കേറ്റ ആരോമലിനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണം സംഭവിച്ചു. സംസ്കാരം ഇന്ന് നവംബർ 17 തിങ്കളാഴ്ച വൈകിട്ട് മൂന്നിനു വീട്ടുവളപ്പിൽ. അമ്മ സിന്ധുമോഹൻ, സഹോദരങ്ങൾ : വിഷ്ണു, ജിഷ്ണു.
