കണ്ണൂർ –കണ്ണൂരിൽ ബോംബ് പൊട്ടി ഒരാൾ മരിച്ചു. തേങ്ങ പെറുക്കാൻ പോയ കൂടത്തളം സ്വദേശി വേലായുധൻ(75) നാണ് ബോംബ് പൊട്ടി മരിച്ചത്. സംഭവം ആളൊഴിഞ്ഞ പറമ്പിലാണ് നടന്നത്.
തേങ്ങ പെറുക്കാന് വീടിനോട് ചേര്ന്നുള്ള പറമ്പിലേക്ക് ഇന്ന് ഉച്ചയോടെ വേലായുധന് പോയ സമയത്താണ് അപകടം ഉണ്ടായത്. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. ബോംബ് ആണെന്ന് അറിയാതെ തുറന്നപ്പോഴാണ് അപകടം ഉണ്ടായതെന്നാണ് പ്രാഥമിക നിഗമനം.
തലശേരി പൊലീസ് സ്റ്റേഷന് പരിധിയിലാണ് സംഭവം. നാടന് ബോംബ് ആണോ എന്നതടക്കം പൊലീസ് പരിശോധിച്ച് വരികയാണ്. എങ്ങനെയാണ് പറമ്പില് ബോംബ് വന്നതടക്കം അന്വേഷിക്കുമെന്നും തലശേരി പൊലീസ് അറിയിച്ചു.
