സ്ലാറ്റിംഗ്ടൺ, പെൻസിൽവാനിയ — പെൻസിൽവാനിയയിലെ ലീഹയ് കൗണ്ടിയിലെ ഒരു മനുഷ്യൻ തൻ്റെ റൂംമേറ്റിനെ കൊന്ന് ഛിന്നഭിന്നമാക്കിയതിന് ശേഷം അവശിഷ്ടങ്ങൾ മൂന്ന് വ്യത്യസ്ത സ്ഥലങ്ങളിൽ ഉപേക്ഷിച്ചതിന് സ്ലേറ്റിംഗ്ടണിലെ മുപ്പത്തിമൂന്നുകാരനായ ജോഷ്വ മോസറിനെതിരെ ക്രിമിനൽ നരഹത്യ, മൃതദേഹം ദുരുപയോഗം ചെയ്യൽ, തെളിവ് നശിപ്പിക്കൽ എന്നീ കുറ്റങ്ങൾ ചുമത്തി ജയിലിലടച്ചു.
തൻ്റെ ജന്മദിന പാർട്ടിയിൽ പങ്കെടുക്കാത്തതിനെ തുടർന്ന് ഹിറ്റിംഗറിനെ കാണാതായതായി റിപ്പോർട്ട് ചെയ്യപ്പെട്ടതായി ലെഹി കൗണ്ടി ഡിസ്ട്രിക്റ്റ് അറ്റോർണി ഗാവിൻ ഹോളിഹാൻ വെള്ളിയാഴ്ച ഉച്ചയ്ക്ക് വാർത്താ സമ്മേളനത്തിൽ പറഞ്ഞു.
സ്ലേറ്റിംഗ്ടണിലെ 699 വെസ്റ്റ് ഫ്രാങ്ക്ലിൻ സ്ട്രീറ്റിലുള്ള മോസറിൻ്റെ വീട്ടിലേക്ക് അദ്ദേഹം അടുത്തിടെ താമസം മാറിയിരുന്നു, അവിടെയാണ് ഹിറ്റിംഗറിനെ അവസാനമായി കണ്ടതെന്ന് ഹോളിഹാൻ പറഞ്ഞു.
പെൻസിൽവാനിയ സ്റ്റേറ്റ് പോലീസിൻ്റെ നേതൃത്വത്തിൽ നടത്തിയ അന്വേഷണത്തിൽ മോസറിൻ്റെ വീടിനായുള്ള തിരച്ചിൽ വാറൻ്റിലേക്ക് നയിച്ചു, അവിടെ “രക്തവും മുടിയും മറ്റ് തെളിവുകളും” ബേസ്‌മെൻ്റിൽ നിന്ന് കണ്ടെത്തി,ആദ്യ വാറണ്ടിലെ അന്വേഷണത്തിൽ സംഭവം മറച്ചുവെക്കാനുള്ള ശ്രമങ്ങൾ നടന്നു. രണ്ടാമത്തെ വാറണ്ട് തിരച്ചിലിൽ കട്ടിംഗ് ഉപകരണങ്ങൾ, രക്തരൂക്ഷിതമായ വസ്ത്രങ്ങൾ എന്നിവയും അതിലേറെയും കണ്ടെത്തുന്നതിലേക്ക് നയിച്ചു. തുടർന്ന് നടത്തിയ അന്വേഷണത്തിൽ സ്ലേറ്റ് ബെൽറ്റിന് ചുറ്റുമുള്ള മൂന്ന് വ്യത്യസ്ത സ്ഥലങ്ങളിൽ ഹിറ്റിംഗറുടെ ശരീരഭാഗങ്ങൾ കണ്ടെത്തി.
മോസറുടെ വസതിയിൽ നിന്ന് വളരെ അകലെയല്ലാത്ത ഫെയർവ്യൂ സെമിത്തേരിയിൽ നിന്ന് മൂന്ന് പ്ലാസ്റ്റിക് ബാഗുകൾ കണ്ടെത്തി, അതിൽ “ഡേവിഡ് ഹെറ്റിംഗറുടെ ശരീരഭാഗങ്ങളും ഛിന്നഭിന്നമായ ഭാഗങ്ങളും ഉൾപ്പെടുന്നു,” ഹോളിഹാൻ പറഞ്ഞു. മോസറിന്റെ വസതിക്ക് സമീപമുള്ള ലീഹയ് റിവറിന് സമാന്തരമായ ഡി&എൽ ട്രെയലിലും വാഷിംഗ്ടൺ ടൗൺഷിപ്പിലെ വെൽഷ്‌ടൗൺ റോഡിലെ ഒരു ക്വാറിയിലും വ്യാഴാഴ്ച കൂടുതൽ തെളിവുകൾ കണ്ടെത്തി. “ആ കണ്ടുപിടിത്തങ്ങൾ ഡേവിഡ് ഹെറ്റിംഗറിൻ്റെ കൂടുതൽ ഛേദിക്കപ്പെട്ട ശരീരഭാഗങ്ങളായിരുന്നു,” ഹോളിഹാൻ പറഞ്ഞു
സ്ലേറ്റിംഗ്ടൺ പോലീസിനൊപ്പം, ലീഹയ് , മൺറോ, കാർബൺ കൗണ്ടികളിലെ ഡിസ്ട്രിക്റ്റ് അറ്റോർണി ഓഫീസുകൾക്കൊപ്പം സംസ്ഥാന പോലീസിൻ്റെ ഒന്നിലധികം യൂണിറ്റുകളും, വൈറ്റ്ഹാൾ ഡൈവ് ടീമും അന്വേഷണത്തിനായി വിന്യസിക്കപ്പെട്ടു.
താൻ ഹിറ്റിംഗറിനെ ബേസ്‌മെൻ്റിൽ കഴുത്ത് ഞെരിച്ച് തലയിൽ ചുറ്റിക കൊണ്ട് അടിച്ച് കൊലപ്പെടുത്തിയതായി മോസർ അന്വേഷണ ഉദ്യോഗസ്ഥരോട് പറഞ്ഞു.
തുടർന്ന്, സ്ലേറ്റിംഗ്ടണിലെയും വാഷിംഗ്ടൺ ടൗൺഷിപ്പിലെയും മൂന്ന് വ്യത്യസ്ത സ്ഥലങ്ങളിൽ വെച്ച് ഹിറ്റിംഗറിനെ ഛേദിക്കുകയും ശരീരഭാഗങ്ങൾ ഉപേക്ഷിക്കുകയും ചെയ്തതായി മോസർ അവരോട് പറഞ്ഞതായി പോലീസ് പറയുന്നു.
കുറ്റകൃത്യത്തിനുള്ള കാരണം വെളിപ്പെടുത്തിയിട്ടില്ല. മരണത്തിൻ്റെ രീതി കൊലപാതകമാണെങ്കിലും മരണകാരണം ഔദ്യോഗികമായി നിർണയിച്ചിട്ടില്ലെന്ന് ലീഹായ് കൗണ്ടി കൊറോണർ പറഞ്ഞു. നരഹത്യക്കുറ്റം ചുമത്തിയ മോസറിന് ഇന്ന് രാവിലെ ജാമ്യം നിഷേധിച്ചു.
