ദുബായ്: കഴിഞ്ഞ ഫെബ്രുവരി 28ന് ശേഷം താമസ വിസയുടെ കാലാവധി കഴിഞ്ഞ് നാട്ടിൽ കുടുങ്ങിയവർക്ക് ഈ മാസം 31നകം യു.എ.ഇ.യിലേക്ക് തിരിച്ചെത്താൻ അനുമതി നൽകി. ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട്സ് സെക്യൂരിറ്റി (ഐ.സി.പി.) അധികൃതരാണ് ഇക്കാര്യം അറിയിച്ചത്.
പശ്ചിമേഷ്യൻ സംഘർഷത്തെ തുടർന്ന് ചില വിമാനത്താവളങ്ങൾ അടച്ചതിനെ തുടർന്ന് വിവിധ രാജ്യങ്ങളിൽ കുടുങ്ങിയവർക്കാണ് ഈ ഇളവ് നൽകുന്നത്.
തിരിച്ചുവരുന്നതിനായി പുതിയ എൻട്രി പെർമിറ്റിന് അപേക്ഷിക്കേണ്ടതില്ലെന്നും സേവനം പൂർണ്ണമായും സൗജന്യമായിരിക്കുമെന്നും അധികൃതർ വ്യക്തമാക്കി.
നിശ്ചിത സമയത്തിനകം യു.എ.ഇ.യിലേക്ക് മടങ്ങിവരാൻ കഴിയുന്നവർക്ക് മാത്രമാണ് ഈ സൗകര്യം ബാധകമാകുക എന്നും ഐ.സി.പി. അറിയിച്ചു.
