അരീക്കോട് ടൗണിൽനിന്ന് 22 ഗ്രാം എംഡിഎംഎയുമായി യുവാവിനെ പോലീസ് പിടികൂടി, എടവണ്ണപ്പാറ ചീടിക്കുഴി റോഡ് പുതിയതൊടി പി.സി. ഷാക്കിർ ജമാൽ(28) ആണ് അറസ്റ്റിലായത്.
മലപ്പുറം എക്സൈസ് എൻഫോഴ്സ്മെൻ്റ് ആൻഡ് ആന്റി നർകോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടറും സംഘവും ഉത്തരമേഖലാ കമ്മിഷണർ സ്ക്വാഡ് അംഗങ്ങളായ എക്സൈസ് ഇൻസ്പെക്ടർ, സിവിൽ എക്സൈസ് ഓഫീസർ എന്നിവരും ചേർന്നാണ് ഇയാളെ പിടികൂടിയത്.
എൻഡിപിഎസ് നിയമപ്രകാരം കേസ് രജിസ്റ്റർ ചെയ്ത് കോടതിയിൽ ഹാജരാക്കി റിമാൻഡ് ചെയ്തു.
