🌹 ചിന്താ പ്രഭാതം 🌹 – 2024 | ഓഗസ്റ്റ് | 03 | ശനി ✍ ബേബി മാത്യു അടിമാലി

നമ്മുടെ ഒരു പുഞ്ചിരിക്ക്‌ ഈ ലോകത്തെ കുറച്ചെങ്കിലും വെളിച്ചമുള്ളതാക്കാൻ കഴിയുന്നുവെങ്കിൽ നാം എന്തിന്‌ ഇത്രയും ബലം പിടിച്ചിരിക്കണം.

നമ്മുടെ ഒരു നന്മക്ക്‌ ഈ ലോകത്തിൽ ഇത്രയേറെ വിലയുണ്ടെങ്കിൽ നാം എന്തിന്‌ അത്‌ ചെയ്യാതിരിക്കണം. നന്മയുടെ വഴിയാണ് ലക്ഷ്യമെങ്കിൽ നമ്മുടെ ചിന്തകളെ എപ്പോഴും ക്രിയാത്മകവും നന്മയുടെ സൗരഭ്യമുള്ളവയുമായി നാം മാറ്റണം.

സന്തോഷകരമായത് സ്വീകരിയ്ക്കാനും, പകർന്നുനൽകാനും മനസ്സിന്റെ വാതിലുകളെപ്പോഴും തുറന്നുവെയ്ക്കാൻ കഴിയണം. ഒരു ചെറിയ പുഞ്ചിരി കൊണ്ടോ, സാന്ത്വനമൂറുന്ന ഒരു വാക്ക് കൊണ്ടോ ആനന്ദമാവുന്ന സുഗന്ധത്തെ വ്യാപിപ്പിയ്ക്കാൻ നമുക്ക് കഴിയും.

നല്ലത് ചിന്തിക്കാനും നല്ലത് പ്രവർത്തിക്കാനും നന്മയുടെ പ്രകാശം പരത്താനും നാം ശ്രമിക്കുക. ദുഷ്ട ചിന്തകളെ ഉൾക്കൊള്ളാതെ ശുഭാപ്തിവിശ്വാസമുള്ള ചിന്തകൾക്ക് മനസ്സിൽ ബോധപൂർവ്വം സ്ഥാനം നൽകുക.

സ്നേഹം നിറഞ്ഞ മനസ്സുമായി നമുക്കീ നല്ല ദിവസത്തെ വരവേൽക്കാം.
ആത്മവിശ്വാസവും, പ്രചോദനം പകരുന്നതുമായ ചിന്തകളെ കൂട്ടുപിടിച്ചു ശോഭനമായൊരു ഭാവി പടുത്തുയർത്താൻ പരിശ്രമിക്കാം

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍