എറണാകുളം: പുരോഗമന കലാ സാഹിത്യ സംഘം അരൂർ ഏരിയാ സെക്രട്ടറിയും മാധ്യമ പ്രവർത്തകനുമായ രമേശ് അരൂരിന്റെ ‘കായൽ ഹൃദയം’ എന്ന ഗ്രന്ഥം പ്രൗഢ ഗംഭീരമായ സദസ്സിൽ സി.പി.ഐ (എം) സംസ്ഥാന സമിതി അംഗം സ: സി.ബി ചന്ദ്രബാബുവും ജില്ലാ ലൈബ്രറി കൗൺസിൽ പ്രസിഡണ്ട് അലിയാർ മാക്കിയിലും കലാ-സാംസ്കാരിക പ്രവർത്തകരും ചേർന്ന് പ്രകാശനം ചെയ്തു.
പ്രമുഖ എഴുത്തുകാരൻ ഫ്രാൻസീസ് നെറോണ ഗ്രന്ഥ പ്രകാശന സമ്മേളനം ഉദ്ഘാടനം നിർവ്വഹിച്ചു. അരൂർ എംഎൽഎ ദലീമ അദ്ധ്യക്ഷത വഹിച്ച ചടങ്ങിൽ കെ.പി അജിത്കുമാർ, പി.കെ സാബു , കരുവ മോഹൻ, ഹേമ തൃക്കാക്കര, ആർ. ജീവൻ, ഗീത പുഷ്കരൻ, കുമാരി വിജയ , എംപി ലത, ശ്രീദേവി കെ.എസ്, ബിന്ദുവയലാർ, ഇ.എം സജിമോൻ, കെ.കെ അജയ്ഘോഷ്, സുമേഷ് നാരായണൻ എന്നിവർ സംസാരിച്ചു.
