സുനിൽരാജ്സത്യ
ഒരു വിത്തുനീപാകി അതു
മരമാകുമ്പോൾ,
ഒരു മകൾ നിനക്കെന്ന് ഞാൻ പറയും.
ആ മരം താങ്ങായി തണലായി നിന്നുടെ
ജീവശ്വാസത്തിനും ഉയിരു നൽകും!
ഒരു മരച്ചില്ലയിൽ കാറ്റും കിളികളും,
കലപിലകൂട്ടും കവിത ചൊല്ലും.
വേനലിൽ കുളിരേകും
മഴയത്ത് കുടയാകും-
വേദനിക്കുമ്പോൾ താങ്ങി നിർത്തും!
ഒരു മരം വരമാണ്
സുഖമുള്ള കനവാണ്
ആശിക്കുവോരുടെ ആശ്രമവും.
ആശ്രയിക്കാമിതു തലമുറകൾ തോറും-
പാലിച്ചു ലാളിച്ചു പോറ്റി നിന്നാൽ!
ഒരുമരം പുഷ്പിച്ച പൂക്കൾ വേണ്ടേ?
അതിലിളം തേനിന്റെ രുചികളുണ്ടേ..!
പൂപിന്നെ കായായി പാകമായി-
ഫലമായി പശിയാറ്റാൻ തന്നിടില്ലേ..!?
ഒരു മരം വരമാണ് എന്നു പാടാം.
ആ മരം തണലാണ് എന്നുകാണാം!
ആ തണൽ ഭൂമിയെ കാത്തുകൊള്ളും,
ആ ഭൂമി നമ്മുടെ സ്വർഗ്ഗമാകും!!
സുനിൽരാജ്സത്യ
മലയാളി മനസ്സ് — ആരോഗ്യ വീഥി 
“ഇന്നത്തെ ചിന്താവിഷയം” 
മെയ്ദിന ഓർമ്മകൾ
കാഷ്മീർത്താഴ്വര – കണ്ണീർത്താഴ്വര
♥️പിറന്നാൾ ആശംസകൾ 
—20-4-2025.
വാർത്തകൾ ഒറ്റനോട്ടത്തിൽ
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
(മേരി ജോസി മലയിൽ,
ചിരിപ്പിക്കാം!