👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2025 | മെയ് 17 | ശനി

ഗ്രാമ്പൂ :

കറികൾക്ക് രുചിയും മണവും കൂട്ടാൻ നമ്മൾ ഗ്രാമ്പു ചേർക്കാറുണ്ട്. Syzygium aromaticum എന്നാണ് ഗ്രാമ്പുവിന്റെ ശാസ്ത്രീയ നാമം. പ്രോട്ടീൻ, കാർബോഹൈഡ്രേറ്റ്, ഡയറ്ററി ഫൈബർ എന്നിവ കൂടാതെ മഗ്നീഷ്യം, പൊട്ടാസ്യം, അയൺ, കാൽസ്യം എന്നീ ധാതുക്കളും അടങ്ങിയ ഗ്രാമ്പുവിന്റെ ആരോഗ്യ ഗുണങ്ങൾ അറിയാം.

ഗ്രാമ്പുവിന്റെ ആന്റി ബാക്ടീരിയൽ ഗുണങ്ങൾ കോളറ പോലുള്ള രോഗങ്ങളെ അകറ്റുന്നു. ‌ ദഹനത്തിനും ഇത് ഏറെ ഉത്തമമാണ്.
‌ കാൻസർ കോശങ്ങളുടെ വളർച്ച തടയുന്നതിനാൽ ശ്വാസകോശാർബുദം ചെറുക്കാൻ ഇത് ഏറെ ഉത്തമമാണ്.
പ്രമേഹമുൾപ്പെടെയുള്ള നിരവധി രോഗങ്ങൾക്കും ചർമ്മ സംരക്ഷണത്തിന്റെ ഭാഗമായി മുഖക്കുരുവിനും കറുത്ത പാടുകൾക്കും പാരമ്പര്യ ഔഷധമായി വീട്ടിലെ അടുക്കളകളിൽ ഗ്രാമ്പൂ ഉപയോഗിക്കുന്നു.
ഉദരത്തിലെ വ്രണങ്ങളെ തടയുന്നു. ഗ്രാമ്പൂവിലടങ്ങിയ സംയുക്തങ്ങൾ അൾസർ ഭേദമാക്കുന്നു. മ്യൂക്കസിന്റെ ഉൽപ്പാദനം കൂട്ടുക വഴിയാണ് ഇത് സാധ്യമാകുന്നത്.

മോണരോഗങ്ങൾ തടയുകയും പല്ലു വേദന അകറ്റാൻ സഹായിക്കുകയും ചെയ്യുന്നു.. ജലദോഷം, പനി, ചുമ എന്നിവക്കുള്ള ഉത്തമ ഔഷധമാണ് ഗ്രാമ്പു. ഇതിലടങ്ങിയിരിക്കുന്ന ആന്റിസെപ്റ്റിക് അനാൽജെസിക് ഗുണങ്ങൾ മുറിവുകൾ ഉണക്കുന്നതോടൊപ്പം ശ്വാസകോശത്തിലെ അണുബാധകളും സുഖപ്പെടുത്തുന്നു.

തലവേദനയ്ക്കുള്ള പാർശ്വഫലങ്ങൾ ഇല്ലാത്ത ഒരു വേദന സംഹാരിയാണിത്.
ഹോർമോണുകളുടെ ഉത്പാദനത്തിനു സഹായിക്കുന്നതിനാൽ ഗ്രാമ്പൂ ഇട്ട ചായ, ഞരമ്പുകളെ ശാന്തമാക്കാനും ഉത്കണ്ഠ, സ്‌ട്രെസ് എന്നിവ കുറയ്ക്കാനും സഹായിക്കുന്നു.

ഗ്രാമ്പൂവിന്റെ സത്തിൽ ഫിനോളിക് സംയുക്തങ്ങളായ ഐസോഫ്ലേവോണുകൾ, ഫ്ലേവനോയ്ഡുകള്‍ ഇവയുണ്ട്. ഇവ എല്ലുകളെ ആരോഗ്യമുള്ളതാക്കുന്നു. റുമാറ്റിക് ആർത്രൈറ്റിസിന്റെ ലക്ഷണങ്ങളെയും വേദനയും കുറയ്ക്കുന്നു.

ദിനേന ഒന്നോ രണ്ടോ ഗ്രാമ്പു കഴിക്കുന്നത് രോഗപ്രതിരോധ ശേഷി വര്‍ധിപ്പിക്കുമെന്ന് പഠനങ്ങൾ തെളിയിക്കുന്നു.

ഗ്രാമ്പുവിന് ഏറെ ആരോഗ്യ ഗുണങ്ങളുണ്ടെങ്കിലും ഇതിന്റെ അമിതമായ ഉപയോഗം കരള്‍ രോഗങ്ങള്‍ക്ക് കാരണമാകുമെന്ന് ഡോ.ജഗദീഷ് ജെ ഹിരേമത്ത് പറയുന്നു. കരള്‍ രോഗങ്ങളുള്ളവര്‍ ഇക്കാര്യത്തില്‍ കൂടുതല്‍ ശ്രദ്ധിക്കേണ്ടതുണ്ട്. ഗര്‍ഭിണികള്‍ ഇവ ധാരാളമായി കഴിക്കുന്നതില്‍ ഏറെ ശ്രദ്ധിക്കണമെന്ന് ഡോക്‌ടര്‍മാര്‍ അഭിപ്രായപ്പെടുന്നു.