യുഎഇ: ഇന്ന് അന്തരിച്ച അൽ ഐൻ മേഖലയിലെ അബുദാബി ഭരണാധികാരിയുടെ പ്രതിനിധി ഷെയ്ഖ് തഹ്നൂൻ ബിൻ മുഹമ്മദ് അൽ നഹ്യാൻ്റെ വേർപാടിൽ യുഎഇ പ്രസിഡൻ്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അനുശോചനം രേഖപ്പെടുത്തി. മെയ് 1 ബുധനാഴ്ച മുതൽ ഏഴ് ദിവസത്തേക്ക് യുഎഇയിലുടനീളം പതാകകൾ പകുതി താഴ്ത്തിക്കെട്ടിക്കൊണ്ടുള്ള ദുഃഖാചരണത്തിനായ് രാഷ്ട്രപതി കോടതി ഔദ്യോഗികമായി പ്രഖ്യാപിച്ചു.
സമീപ വർഷങ്ങളിൽ, രാജ്യത്തുടനീളമുള്ള വിവിധ പരിപാടികളിൽ ഷെയ്ഖ് തഹ്നൂൻ യുഎഇ പ്രസിഡൻ്റിനെ അനുഗമിക്കുന്നത് കാണാമായിരുന്നു. ഷെയ്ഖ് തഹ്നൂൻ മുമ്പ് അബുദാബി നാഷണൽ ഓയിൽ കമ്പനിയുടെ (അഡ്നോക്) ചെയർമാനും അബുദാബി എക്സിക്യൂട്ടീവ് കൗൺസിൽ ഡെപ്യൂട്ടി ചെയർമാനുമായിരുന്നു.
യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം, പ്രസിഡൻ്റിനെയും അൽ നഹ്യാൻ കുടുംബത്തെയും യുഎഇ ജനതയെയും അനുശോചനം അറിയിച്ചു. കൂടാതെ മറ്റ് യുഎഇ എമിറേറ്റ്സിലെ മുഴുവൻ ഭരണാധികാരികളും അനുഗ്രാചനം അറിയിച്ചിട്ടുണ്ട്.
