🎬📽🎥സിനിമ ലോകം🎬📽🎥 ✍സജു വർഗീസ് (ലെൻസ്മാൻ)

ദുല്‍ഖര്‍ സല്‍മാന്റെ പുതിയ മലയാള ചിത്രം
‘ഐ ആം ഗെയിം’

ദുല്‍ഖര്‍ സല്‍മാന്റെ പുതിയ മലയാള ചിത്രത്തിന്റെ ടൈറ്റില്‍ പോസ്റ്റര്‍ പുറത്തുവന്നിരിക്കുകയാണ്. ‘ഐ ആം ഗെയിം’ എന്നാണ് ചിത്രത്തിന്റെ പേര്. മുറിവേറ്റ ഒരു കൈയില്‍ ബോളും മറു കൈയില്‍ ചീട്ടും പിടിച്ചു നില്‍ക്കുന്ന ദുല്‍ഖറിനെയാണ് പോസ്റ്ററില്‍ കാണാനാവുക. നഹാസ് ഹിദായത്ത് ആണ് ചിത്രം സംവിധാനം ചെയ്യുന്നത്. ദുല്‍ഖറിന്റെ കരിയറിലെ 40-ാമത്തെ ചിത്രം കൂടിയാണിത്. ദുല്‍ഖറും ജോം വര്‍ഗീസും ചേര്‍ന്നാണ് ചിത്രം നിര്‍മിക്കുന്നത്. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലാണ് ചിത്രം റിലീസ് ചെയ്യുന്നത്. ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസ് ആണ് ചിത്രം അവതരിപ്പിക്കുന്നത്. ആര്‍ഡിഎക്സ് എന്ന ചിത്രത്തിന് ശേഷം നഹാസ് ഹിദായത്ത് ഒരുക്കുന്ന ചിത്രം കൂടിയാണിത്. സജീര്‍ ബാബ, ബിലാല്‍ മൊയ്തു, ഇസ്മയില്‍ അബൂബക്കര്‍ എന്നിവര്‍ ചേര്‍ന്നാണ് ചിത്രത്തിന് തിരക്കഥയൊരുക്കുന്നത്.

ഷെയിന്‍ നിഗം നായകനായെത്തുന്ന ‘ഹാല്‍’
ഏപ്രില്‍ 24 ന്

ഷെയിന്‍ നിഗം നായകനായെത്തുന്ന, വീര സംവിധാനം ചെയ്യുന്ന ‘ഹാല്‍’ എന്ന ചിത്രത്തിന്റെ റിലീസ് ഡേറ്റ് പ്രഖ്യാപിച്ചു. ഷെയിന്‍ നിഗത്തിന്റെ കരിയറിലെ തന്നെ ഏറ്റവും ചിലവേറിയ ചിത്രങ്ങളില്‍ ഒന്നായെത്തുന്ന ചിത്രം ഏപ്രില്‍ 24നാണ് വേള്‍ഡ് വൈഡ് റിലീസിനായി ഒരുങ്ങുന്നത്. സാക്ഷി വൈദ്യയാണ് ചിത്രത്തില്‍ നായികയായി എത്തുന്നത്. ജോണി ആന്റണി, നിഷാന്ത് സാഗര്‍, മധുപാല്‍, ജോയ് മാത്യു തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. മലയാളത്തിന് പുറമെ ഹിന്ദി, തെലുങ്ക്, തമിഴ്, കന്നഡ എന്നീ ഭാഷകളിലായി ഒരേ സമയം റിലീസ് ചെയ്യുന്ന ചിത്രം ഒരു കംപ്ലീറ്റ് കളര്‍ഫുള്‍ എന്റര്‍ടെയ്നര്‍ ആയിരിക്കുമെന്നാണ് സൂചന. സംഗീതത്തിന് പ്രാധാന്യം നല്‍കി എത്തുന്ന ചിത്രം ജെ വി ജെ പ്രൊഡക്ഷന്‍സിന്റെ ബാനറിലാണ് ഒരുങ്ങുന്നത്. ഹാലിന്റെ രചന നിര്‍വഹിച്ചിരിക്കുന്നത് നിഷാദ് കോയയാണ്. പ്രമുഖ ബോളിവുഡ് ഗായകന്‍ ആത്തിഫ് അസ്ലം ആദ്യമായി ഒരു മലയാള ചിത്രത്തിനായി പാടുന്നു എന്ന പ്രത്യേകത കൂടി ഹാലിനുണ്ട്. തിങ്ക് മ്യസിക്കാണ് മ്യൂസിക് പാര്‍ട്നര്‍.

ആസിഫ് അലി ചിത്രം
‘ആഭ്യന്തര കുറ്റവാളി’ യുടെ ടീസര്‍

നവാഗതനായ സേതുനാഥ് പത്മകുമാര്‍ കഥ, തിരക്കഥ, സംവിധാനം നിര്‍വ്വഹിക്കുന്ന ആസിഫ് അലി ചിത്രം ‘ആഭ്യന്തര കുറ്റവാളി’യുടെ ടീസര്‍ പുറത്തെത്തി. വിവാഹശേഷം യുവദമ്പതികളുടെ ജീവിതത്തില്‍ ഉണ്ടാവുന്ന പ്രശ്നങ്ങളാണ് ചിത്രത്തിന്റെ പശ്ചാത്തലമെന്നാണ് ടീസര്‍ നല്‍കുന്ന സൂചന. 55 സെക്കന്‍ഡ് ദൈര്‍ഘ്യമുള്ള ടീസര്‍ ആണ് പുറത്തെത്തിയിരിക്കുന്നത്. മൂന്ന് ഷെഡ്യൂളുകളായി നാല്‍പ്പത്തിയഞ്ചില്‍ പരം ദിവസങ്ങളുടെ ചിത്രീകരണമാണ് സിനിമയ്ക്കായി നടന്നത്. തൃശൂര്‍ ജില്ലയിലെയും ഇടുക്കിയിലെയും വിവിധ സ്ഥലങ്ങളിലായാണ് ചിത്രീകരണം നടന്നത്. നൈസാം സലാം പ്രൊഡക്ഷന്‍സിന്റെ ബാനറില്‍ നൈസാം സലാമാണ് ചിത്രം നിര്‍മ്മിക്കുന്നത്. റിയലിസ്റ്റിക് കോമഡി ഫാമിലി എന്റര്‍ടെയിനര്‍ ജോണറാണ് ആഭ്യന്തര കുറ്റവാളിയുടേത്. പുതുമുഖ താരം തുളസിയാണ് ചിത്രത്തിലെ നായികാ കഥാപാത്രത്തെ അവതരിപ്പിക്കുന്നത്. മറ്റു പ്രധാന കഥാപാത്രങ്ങളെ ജഗദീഷ്, ഹരിശ്രീ അശോകന്‍, സിദ്ധാര്‍ഥ് ഭരതന്‍, അസീസ് നെടുമങ്ങാട്, ജോജി, വിജയകുമാര്‍, ബാലചന്ദ്രന്‍ ചുള്ളിക്കാട്, ആനന്ദ് മന്മഥന്‍, പ്രേം നാഥ്, ശ്രേയ രുക്മിണി, നീരജാ രാജേന്ദ്രന്‍, റിനി ഉദയകുമാര്‍, ശ്രീജാ ദാസ് എന്നിവര്‍ അവതരിപ്പിക്കുന്നു. ഏപ്രില്‍ 3 ന് ആഭ്യന്തര കുറ്റവാളി തിയറ്ററുകളില്‍ എത്തും.

റിയോ രാജ്, ഗോപിക രമേശ് എന്നിവർ പ്രധാന കഥാപാത്രങ്ങളാകുന്ന
‘സ്വീറ്റ്ഹാര്‍ട്ട്’

റിയോ രാജ്, ഗോപിക രമേശ് എന്നിവരെ പ്രധാന കഥാപാത്രങ്ങളാക്കി സ്വിനീത് എസ്. സുകുമാര്‍ ആദ്യമായി സംവിധാനം ചെയ്യുന്ന ‘സ്വീറ്റ്ഹാര്‍ട്ട്’ സിനിമയുടെ ട്രെയിലര്‍ എത്തി. നടന്‍ രണ്‍ജി പണിക്കര്‍ ചിത്രത്തിലൊരു പ്രധാന വേഷം ചെയ്യുന്നുണ്ട്. യുവന്‍ ശങ്കര്‍ രാജയാണ് നിര്‍മാണം. ചിത്രത്തിന്റെ സംഗീതം നിര്‍വഹിക്കുന്നതും യുവന്‍ തന്നെ. റെഡിന്‍ കിങ്സ്ലി, അരുണാചലേശ്വരന്‍, ഫൗസീ എന്നിവരാണ് മറ്റ് അഭിനേതാക്കള്‍. ചിത്രം മാര്‍ച്ച് 14ന് തിയറ്ററുകളിലെത്തും. സ്വിനീത് സ്വന്തം തിരക്കഥയില്‍ സംവിധാനം ചെയ്ത ഈ ചിത്രം ആധുനിക പ്രണയം പര്യവേക്ഷണം ചെയ്യുന്ന ഒരു നാടകമായിട്ടാണ് വിശേഷിപ്പിക്കുന്നത്. റെഡിന്‍ കിംഗ്സ്ലി, തുളസി, അരുണാചലേശ്വരന്‍ പാ, സുരേഷ് ചക്രവര്‍ത്തി, ഫൗസി എന്നിവരും ചിത്രത്തിലെ അഭിനേതാക്കളില്‍ ഉള്‍പ്പെടുന്നു. ചിത്രത്തില്‍ അഭിനയിക്കുന്നതിനു പുറമേ, മദന്‍ കാര്‍ക്കി, വിഘ്നേഷ് രാമകൃഷ്ണ, ആര്‍വിയു, എംസി സന്ന, കെലിത്തി, ഗാന ഫ്രാന്‍സിസ് എന്നിവരോടൊപ്പം റിയോ രാജ് ഒരു ഗാനരചയിതാവായും പ്രവര്‍ത്തിക്കുന്നു.

ജി. ആര്‍ ഇന്ദുഗോപന്റെ നോവൽ ‘വിലായത്ത് ബുദ്ധ’ സിനിമയാവുന്നു. നായകൻ – പൃഥ്വിരാജ്

ജി. ആര്‍ ഇന്ദുഗോപന്റെ നോവലായ ‘വിലായത്ത് ബുദ്ധ’ സിനിമയാവുന്നു എന്ന വാര്‍ത്തകള്‍ വന്നതുമുതല്‍ സിനിമലോകം വളരെ പ്രതീക്ഷയിലാണ്. വിലായത്ത് ബുദ്ധയുടെ ചിത്രീകരണം പൂര്‍ത്തിയായെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തു വരുന്നത്. അന്തരിച്ച സംവിധായകന്‍ സച്ചി ആയിരുന്നു സിനിമ സംവിധാനം ചെയ്യാനിരുന്നത്. സച്ചിയുടെ വിയോഗത്തെ തുടര്‍ന്ന് പൃഥ്വിരാജിനെ നായകനാക്കി ജയന്‍ നമ്പ്യാരാണ് ചിത്രം സംവിധാനം ചെയ്യുന്നത്. ‘രണ്ടുവര്‍ഷം, ഏറെ പരിക്കുകള്‍. ഒടുവില്‍ ഡബിള്‍ മോഹനന് ഫൈനല്‍ റാപ്പായിരിക്കുന്നു’ എന്ന കുറിപ്പോടെ പൃഥ്വിരാജ് തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. ചിത്രത്തിന്റെ ഷൂട്ടിംഗിനിടെ പൃഥ്വിരാജിന് പരിക്ക് പറ്റുകയും തുടര്‍ന്ന് മൂന്ന് മാസം വിശ്രമം ആവശ്യമായി വന്നതിനാല്‍ സിനിമ താത്കാലികമായി നിര്‍ത്തിവെക്കുകയും ചെയ്തിരുന്നു.ഡബിള്‍ മോഹനന്‍ എന്ന കഥാപാത്രമായാണ് വിലായത്ത് ബുദ്ധയില്‍ പൃഥ്വിരാജ് എത്തുന്നത്. സൗദി വെള്ളക്കയ്ക്ക് ശേഷം സന്ദീപ് സേനനാണ് നിര്‍മ്മാണം. ഉര്‍വശി തിയറ്റേഴ്സിന്റെ ബാനറില്‍ ഒരുങ്ങുന്ന ബിഗ് ബജറ്റ് ആക്ഷന്‍ ത്രില്ലര്‍ കൂടിയാണ് ചിത്രം. പ്രിയംവദ കൃഷ്ണനാണ് നായിക.

സംഗീത് പ്രതാപ് നായകനായെത്തുന്ന
‘മെഡിക്കല്‍ മിറാക്കിൾ’

മലയാളികളുടെ പ്രിയപ്പെട്ട നടന്‍ സംഗീത് പ്രതാപ് ആദ്യമായി നായകനായെത്തുന്ന ചിത്രം ‘മെഡിക്കല്‍ മിറാക്കിളി’ന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. പോസ്റ്ററില്‍ ഒരു ഹോസ്പിറ്റലിന്റെ ചുറ്റുപാട് സൂചിപ്പിക്കുന്ന തരത്തില്‍ ഒരു ഗ്ലാസ്സ് ഡോറിലൂടെ നേരെ നോക്കുന്ന തരത്തില്‍ സംഗീതിന്റെ ഫോട്ടോയാണ് ഉള്ളത്. ഒരു മനുഷ്യനും കുരങ്ങും ചേര്‍ന്ന പോലെയുള്ള വ്യത്യസ്ഥമായ പോസ്റ്റര്‍. മിഡില്‍ ക്ലാസ് മെമ്പേഴ്സ് എന്ന ബാനറില്‍ അനിരുദ്ധ് നിര്‍മ്മിക്കുന്ന ഈ ചിത്രത്തിന്റെ സംവിധാനം ശ്യാമിന്‍ ഗിരീഷും, കഥയും തിരക്കഥയും നിര്‍വ്വഹിക്കുന്നത് നിലീന്‍ സാന്ദ്രയാണ്, മലയാളികള്‍ ഈ ഇടെ ഏറെ നെഞ്ചിലേറ്റിയ സാമര്‍ത്ഥ്യ ശാസ്ത്രമെന്ന ഹിറ്റ് വെബ്സീരിന്‍സിന്റെ സംവിധാനവും തിരക്കഥയും നിര്‍വ്വഹിച്ചതും ഇവര്‍ തന്നെയാണ്. മുജീബ് മജീദാണ് സംഗീത സംവിധാനം. സിനു താഹിറിന്റെയാണ് സിനിമാറ്റോഗ്രാഫി. ചമ്മന്‍ ചാക്കോയുടേതാണ് എഡിറ്റിംഗ്. നിലവില്‍ മുഖ്യധാരയിലെ ഏറ്റവും ഡിമാന്റുള്ള, കഴിവുള്ള ഒരു ടെക്നിക്കല്‍ ടീമാണ് ഈ ചിത്രത്തിന്റെ അണിയറയിലുള്ളത്.

ജഗദീഷ്, ഇന്ദ്രന്‍സ് എന്നിവരെ പ്രധാന കഥാപാത്രങ്ങളാകുന്ന
‘പരിവാര്‍’

ജഗദീഷ്, ഇന്ദ്രന്‍സ് എന്നിവരെ പ്രധാന കഥാപാത്രങ്ങളാക്കി ഉത്സവ് രാജീവ്, ഫഹദ് നന്ദു തിരക്കഥയെഴുതി സംവിധാനം ചെയ്യുന്ന ‘പരിവാര്‍’ എന്ന ചിത്രത്തിന്റെ ട്രെയിലര്‍ റിലീസ് ചെയ്തു. ഫ്രാഗ്രന്റ് നേച്ചര്‍ ഫിലിം ക്രിയേഷന്‍സിന്റെ ബാനറില്‍ ആന്‍ സജീവ്, സജീവ് പി.കെ എന്നിവരാണ് ചിത്രത്തിന്റെ നിര്‍മാണം. ഒരു മുഴുനീള കോമഡി ചിത്രമായാണ് പരിവാര്‍ ഒരുങ്ങുന്നതെന്ന് ട്രൈലറില്‍ തന്നെ വ്യക്തമാക്കുന്നുണ്ട്. കേരളത്തില്‍ അടുത്ത് കണ്ട് വരുന്ന വയലന്‍സ് വാര്‍ത്തകളില്‍ നിന്നും വയലന്‍സ് സിനിമകളില്‍ നിന്നും ഒരു വലിയ മോചനം പരിവാര്‍ എന്ന കോമഡി ചിത്രത്തില്‍ നിന്ന് ലഭിക്കുമെന്ന് നമ്മുക്ക് ഉറപ്പിക്കാം. ഒരു മുഴു നീള കോമഡി കുടുംബ ചിത്രമയാണ് പരിവാര്‍ വരുന്നത്. ജഗദീഷിനും ഇന്ദ്രന്‍സിനും പുറമെ പ്രശാന്ത് അലക്സാണ്ടര്‍, മീനരാജ്, ഭാഗ്യ, ഋഷികേശ്, സോഹന്‍ സീനുലാല്‍, പ്രമോദ് വെളിയനാട്, ഉണ്ണി നായര്‍, ഷാബു പ്രൗദീന്‍, ആല്‍വിന്‍ മുകുന്ദ്, വൈഷ്ണവ്, അശ്വത്ത് ലാല്‍, ഹില്‍ഡ സാജു, ഉണ്ണിമായ നാലപ്പാടം, ഷൈനി വിജയന്‍, ശോഭന വെട്ടിയാര്‍ എന്നിവരാണ് മറ്റു താരങ്ങള്‍.

അജിത് നായകനായെത്തുന്ന
‘ഗുഡ് ബാഡ് അഗ്ലി’

അജിത് നായകനായെത്തുന്ന ഗുഡ് ബാഡ് അഗ്ലി എന്ന ചിത്രത്തിന്റെ ടീസര്‍ പുറത്തെത്തി. ആദിക് രവിചന്ദ്രന്‍ സംവിധാനം ചെയ്യുന്ന ചിത്രത്തില്‍ വ്യത്യസ്ത ഗെറ്റപ്പുകളിലാണ് അജിത് എത്തുന്നത്. അജിത്തിന്റെ ‘ആക്ഷന്‍ ഷോ’ തന്നെയായിരിക്കും ചിത്രമെന്നാണ് ടീസര്‍ നല്‍കുന്ന സൂചന. വിടാമുയര്‍ച്ചി നേരിട്ട കനത്ത പരാജയത്തിന്റെ ക്ഷീണം ‘ഗുഡ് ബാഡ് അഗ്ലി’ തീര്‍ക്കുമെന്ന പ്രതീക്ഷയിലാണ് ആരാധകരും. അജിത്തിന്റെ കരിയറിലെ 63-ാമത് ചിത്രം കൂടിയാണ് ഗുഡ് ബാഡ് അഗ്ലി. തൃഷ നായികയാവുന്ന ചിത്രത്തില്‍ സുനില്‍, പ്രസന്ന, അര്‍ജുന്‍ ദാസ് തുടങ്ങിയവരും പ്രധാന വേഷങ്ങളില്‍ എത്തുന്നുണ്ട്. ജി വി പ്രകാശ്കുമാര്‍ ആണ് സംഗീത സംവിധായകന്‍. മൈത്രി മൂവി മേക്കേഴ്സ് ആണ് ഗുഡ് ബാഡ് അഗ്ലി നിര്‍മിക്കുന്നത്. ഏപ്രില്‍ 10 ന് ചിത്രം തിയറ്ററുകളിലെത്തും. മാര്‍ക്ക് ആന്റണിയുടെ വിജയത്തിന് ശേഷം ആദിക് രവിചന്ദ്രന്റെ സംവിധാനത്തില്‍ എത്തുന്ന ചിത്രമെന്ന നിലയിലും ഈ ചിത്രത്തിന് ഹൈപ്പ് ഉണ്ട്. ഛായാഗ്രഹണം അഭിനന്ദന്‍ രാമാനുജമാണ്.

സിനിമ ലോകം സജു വർഗീസ് (ലെൻസ്മാൻ)

ദുല്‍ഖര്‍ സല്‍മാന്റെ പുതിയ മലയാള ചിത്രം
‘ഐ ആം ഗെയിം’

ഷെയിന്‍ നിഗം നായകനായെത്തുന്ന ‘ഹാല്‍’
ഏപ്രില്‍ 24 ന്

ആസിഫ് അലി ചിത്രം
‘ആഭ്യന്തര കുറ്റവാളി’ യുടെ ടീസര്‍

റിയോ രാജ്, ഗോപിക രമേശ് എന്നിവർ പ്രധാന കഥാപാത്രങ്ങളാകുന്ന
‘സ്വീറ്റ്ഹാര്‍ട്ട്’

ജി. ആര്‍ ഇന്ദുഗോപന്റെ നോവൽ ‘വിലായത്ത് ബുദ്ധ’ സിനിമയാവുന്നു. നായകൻ – പൃഥ്വിരാജ്

സംഗീത് പ്രതാപ് നായകനായെത്തുന്ന
‘മെഡിക്കല്‍ മിറാക്കിൾ’

ജഗദീഷ്, ഇന്ദ്രന്‍സ് എന്നിവരെ പ്രധാന കഥാപാത്രങ്ങളാകുന്ന
‘പരിവാര്‍’

അജിത് നായകനായെത്തുന്ന
‘ഗുഡ് ബാഡ് അഗ്ലി’

സജു വർഗീസ് (ലെൻസ്മാൻ)

വാർത്തകൾ ഒറ്റനോട്ടത്തിൽ – 2025 | ഏപ്രിൽ 12 | ശനി കപിൽ ശങ്കർ

1 COMMENT

LEAVE A REPLY Cancel reply

Most Popular

മഹാരാഷ്ട്രയിലെ നാഗ്‌പൂരിലുള്ള അലുമിനിയം ഫോയിൽ ഫാക്ടറിയിലുണ്ടായ സ്ഫോടനത്തിൽ അഞ്ച് പേർ മരിച്ചു

കോഴിക്കോട് രൂപത ഇനി അതിരൂപത: ബിഷപ്പ് ഡോക്ടർ വർഗീസ് ചക്കാലക്കലിനെ വത്തിക്കാൻ ആർച്ച് ബിഷപ്പായി ഉയർത്തി

വാർത്തകൾ ഒറ്റനോട്ടത്തിൽ – 2025 | ഏപ്രിൽ 12 | ശനി കപിൽ ശങ്കർ

Recent Comments

EDITOR PICKS

മഹാരാഷ്ട്രയിലെ നാഗ്‌പൂരിലുള്ള അലുമിനിയം ഫോയിൽ ഫാക്ടറിയിലുണ്ടായ സ്ഫോടനത്തിൽ അഞ്ച് പേർ മരിച്ചു

കോഴിക്കോട് രൂപത ഇനി അതിരൂപത: ബിഷപ്പ് ഡോക്ടർ വർഗീസ് ചക്കാലക്കലിനെ വത്തിക്കാൻ ആർച്ച് ബിഷപ്പായി ഉയർത്തി

POPULAR POSTS

മഹാരാഷ്ട്രയിലെ നാഗ്‌പൂരിലുള്ള അലുമിനിയം ഫോയിൽ ഫാക്ടറിയിലുണ്ടായ സ്ഫോടനത്തിൽ അഞ്ച് പേർ മരിച്ചു

തടികൂടുതലെന്നും കറുപ്പു നിറമെന്നും പറഞ്ഞ് കളിയാക്കി; പ്ലസ്ടു വിദ്യാർഥി അമ്മയുടെ കൺമുന്നിൽ ജീവനൊടുക്കി.

POPULAR CATEGORY

ABOUT US

FOLLOW US

സിനിമ ലോകം സജു വർഗീസ് (ലെൻസ്മാൻ)

ദുല്‍ഖര്‍ സല്‍മാന്റെ പുതിയ മലയാള ചിത്രം ‘ഐ ആം ഗെയിം’

ഷെയിന്‍ നിഗം നായകനായെത്തുന്ന ‘ഹാല്‍’ ഏപ്രില്‍ 24 ന്

ആസിഫ് അലി ചിത്രം ‘ആഭ്യന്തര കുറ്റവാളി’ യുടെ ടീസര്‍

റിയോ രാജ്, ഗോപിക രമേശ് എന്നിവർ പ്രധാന കഥാപാത്രങ്ങളാകുന്ന ‘സ്വീറ്റ്ഹാര്‍ട്ട്’

ജി. ആര്‍ ഇന്ദുഗോപന്റെ നോവൽ ‘വിലായത്ത് ബുദ്ധ’ സിനിമയാവുന്നു. നായകൻ – പൃഥ്വിരാജ്

സംഗീത് പ്രതാപ് നായകനായെത്തുന്ന ‘മെഡിക്കല്‍ മിറാക്കിൾ’

ജഗദീഷ്, ഇന്ദ്രന്‍സ് എന്നിവരെ പ്രധാന കഥാപാത്രങ്ങളാകുന്ന ‘പരിവാര്‍’

അജിത് നായകനായെത്തുന്ന ‘ഗുഡ് ബാഡ് അഗ്ലി’

സജു വർഗീസ് (ലെൻസ്മാൻ)

1 COMMENT

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

ദുല്‍ഖര്‍ സല്‍മാന്റെ പുതിയ മലയാള ചിത്രം
‘ഐ ആം ഗെയിം’

ഷെയിന്‍ നിഗം നായകനായെത്തുന്ന ‘ഹാല്‍’
ഏപ്രില്‍ 24 ന്

ആസിഫ് അലി ചിത്രം
‘ആഭ്യന്തര കുറ്റവാളി’ യുടെ ടീസര്‍

റിയോ രാജ്, ഗോപിക രമേശ് എന്നിവർ പ്രധാന കഥാപാത്രങ്ങളാകുന്ന
‘സ്വീറ്റ്ഹാര്‍ട്ട്’

സംഗീത് പ്രതാപ് നായകനായെത്തുന്ന
‘മെഡിക്കല്‍ മിറാക്കിൾ’

ജഗദീഷ്, ഇന്ദ്രന്‍സ് എന്നിവരെ പ്രധാന കഥാപാത്രങ്ങളാകുന്ന
‘പരിവാര്‍’

അജിത് നായകനായെത്തുന്ന
‘ഗുഡ് ബാഡ് അഗ്ലി’