തെന്നൂർ രാമചന്ദ്രൻ
അകാരമാം അക്ഷരമുത്തു നൽകുവാൻ
സകാരരൂപം തെളിയുന്നു സ്വാത്മനി
അകത്തളത്തിൽ ഉണരുന്ന ശാക്തിക –
പ്രകാശമേ വ്യാപനശീലയാണു നീ
( 1 )
പ്രദീപമോങ്കാരസദാ സമുന്നതം
വിദേഹ മാർഗ്ഗം തെളിയുന്നു സത്യമായ്
പ്രദീപനാളം ശിവദപ്രസാദമായ്
മുദാ വിളഞ്ഞീടുമതീവസാന്ദ്രമായ്
( 2 )
വിരാജിത പ്രേയസു നേടിടാനഹം
പ്രരാഗമോടേ തളിരിട്ടു ശാദ്വലം
അപാര ധന്യാത്മികയായ് വിളങ്ങുമാ –
നഭോ തലത്തിൽ ധ്രുവ താരകയെന്ന പോൽ
( 3 )
സ്വജീവിതാനന്ദ സപര്യ തേടുവാൻ
സജീവമായ് ജ്ഞാന വിഭാതമെത്തണം
പ്രദക്ഷിണം ചെയ്യുമനേക ദീക്ഷിതർ
സുദക്ഷിണാമൂർത്തികളുണ്ടു ചുറ്റിലും
( 4 )
പ്രമേയ ധന്യാത്മക വാജപേയമാം
സമർപ്പണം ചെയ്യുകയാണു മാനവർ
പ്രശാന്തിവേണം ചിരിതൂകണം , പ്രിയം –
വദിച്ചു നാമന്യരെ ശാന്തരാക്കണം
( 5 )
കപോല സിന്ദൂരമനന്ത രാഗമായ്
ശുഭോദയപ്രീതിദമായ് വരേണമേ
ഋതം നിറച്ചെത്ര രസാംശമേകിനാം
ഋതംഭരാ സന്നിധി തന്നിലെത്തുവാൻ
( 6 )
കവേ മഹാതത്ത്വ
സമീക്ഷണങ്ങളാൽ
വിവേക ചൂഢാമണി
യുള്ളിലെത്തണം
ഭവാൻ ഭവത് കീർത്തന മാല ചൊല്ലിയാൽ
പ്രവാഹ സംഗീതമയം പ്രകീർത്തനം
( 7 )
പ്രയാഗപോലെത്ര മനോജ്ഞ ഭൂമികാ –
നിയോഗമീ പാരിലുദാത്ത മംഗളം
വിതച്ചു വിത്തം വളരുന്നു നിത്യം
ചിദാശ്വമേധത്തിനുപോൽ ബലം തരാൻ
( 8 )
നിരാശരാകാതെ തപോ ശരണ്യരായ്
വരേണ്യ മന്ത്രാക്ഷര സാരമോതിടാൻ
തരേണമെന്നും ഗുരുവാണി സൂക്തകം
പിറന്ന മണ്ണിൻ മഹിതാഭയൊക്കെയും
( 9 )
എന്റെയച്ഛൻ 
മലയാളി മനസ്സ് — ആരോഗ്യ വീഥി 
വാർത്തകൾ ഒറ്റനോട്ടത്തിൽ
കുട്ടീസ് കോർണർ 
സിനിമ ലോകം
സ്ട്രോബറി പാലട 
മെയ്ദിന ഓർമ്മകൾ
കാഷ്മീർത്താഴ്വര – കണ്ണീർത്താഴ്വര
♥️പിറന്നാൾ ആശംസകൾ 
—20-4-2025.
(മേരി ജോസി മലയിൽ,
ചിരിപ്പിക്കാം!
നല്ല രചന