🌹 ചിന്താ പ്രഭാതം 🌹 – 2024 | ജൂലൈ 19 | വെള്ളി ✍ ബേബി മാത്യു അടിമാലി

സ്ഥായിയായ വെറുപ്പും വിരോധവും ആരോടും ഒന്നിനോടും എല്ലാ കാലവും വെച്ചു പുലർത്തരുത്.

അകറ്റി നിർത്തിയതിന്റേയും, മുഖം തിരിച്ചതിന്റേയും കാരണങ്ങൾ കാലക്രമത്തിൽ അപ്രത്യക്ഷമാകും, പിന്നെ ശേഷിക്കുന്നത് അപ്രസക്തമായ ശത്രുത മാത്രമായിരിക്കും.
ഇന്നത്തെ ശത്രു നാളത്തെ മിത്രവും, ഇന്നത്തെ മിത്രം നാളത്തെ ശത്രുവുമാകാൻ സാധ്യതയുണ്ട്.

ആരും എല്ലാവരുടെയും ശത്രുവാകുന്നില്ല, ഒരാളുടെ ശത്രു മറ്റൊരാൾക്ക് പ്രിയപ്പെട്ട ആളായിരിക്കും.

സഹജീവികൾക്ക് സന്തോഷകരമായ സ്മരണകൾ നൽകുന്ന ചില നിമിഷങ്ങളെങ്കിലും സമ്മാനിച്ചില്ലെങ്കിൽ ആ ജീവിതം കൊണ്ട് എന്ത് അർത്ഥമാണുള്ളത് ?
ഓരോരുത്തരും തന്റെ ജീവിതമാണോ, അതോ മരണമാണോ സഹജീവികളെ സന്തോഷിപ്പിക്കുക എന്നു സ്വയം വിലയിരുത്തിയാൽ തിരുത്തലോടു കൂടിയ പുതിയ ജീവിതത്തിനുള്ള സാധ്യത തെളിയും.

ചിലയാളുകളുടെ ജീവിതം, എങ്ങനെ ജീവിക്കണം എന്നതിനുള്ള പാഠമാണ്., ചിലരുടേത് എങ്ങനെ ജീവിക്കരുത് എന്നതിന്റെ നേർരേഖയും. മരണശേഷം ആർക്കും വിശുദ്ധരാകാൻ കഴിയില്ല.

കൊണ്ടു പോകാൻ ഒന്നുമില്ലാത്ത ജീവിതത്തിൽ കൊടുത്തു പോകാം ചില സ്നേഹ സ്മരണകൾ .

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍