പെട്ടെന്ന് തയ്യാറാക്കാൻ പറ്റുന്ന ഒരു നാലുമണി പലഹാരമായ “എഗ്ഗ് ബോൾസ്” ന്റെ റെസിപ്പിയാണ് ഞാൻ ഇന്ന് പരിചയപ്പെടുത്തുന്നത്. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ പലഹാരം എല്ലാവരും തയ്യാറാക്കി നോക്കണേ. ഇനി ഇത് തയ്യാറാക്കുന്നത് എങ്ങനെ എന്ന് നോക്കാം.
ആവശ്യമായ ചേരുവകൾ
🌿🌶️🧅🫚🧄🫑🥚🫛🥚🥣🧉🫙
🥚 മുട്ട – 4
🧅 സവാള – 1
🌶️ പച്ചമുളക് – 2
🧂 ഉപ്പ് – പാകത്തിന്
🌶️ മുളകുപൊടി – അര ടീസ്പൂൺ
🫚 മഞ്ഞൾപൊടി – കാൽ ടീസ്പൂൺ
🫛 കടലമാവ് – ഒരു കപ്പ്
🫑 ഗരം മസാല – കാൽ ടീസ്പൂൺ
🍞 ബ്രഡ് ക്രംസ് – അര കപ്പ്
🌿 കറിവേപ്പില -1 തണ്ട്
തയ്യാറാക്കുന്ന വിധം
🧉🥣♨️u🥄🍴🍽️🫗🛢️
🥚ആദ്യമായി മൂന്ന് മുട്ട പുഴുങ്ങി തോട് കളഞ്ഞു ഗ്രേറ്റ് ചെയ്ത് വെക്കുക.
🧅സവാള, പച്ചമുളക്, കറിവേപ്പില ഇവ പൊടിയായി അരിഞ്ഞതും കടലമാവ്,മുളകുപൊടി, മഞ്ഞൾപ്പൊടി, ഉപ്പ്, ഗരം മസാല എന്നിവയും ഗ്രേറ്റ് ചെയ്ത് വെച്ച മുട്ടയിലേക്ക് ചേർത്ത് ഇളക്കി ബോൾസ് ആക്കി മാറ്റിവയ്ക്കുക.
🥣ഒരു ബൗളിൽ ഒരു മുട്ട പൊട്ടിച്ചൊഴിച്ച് ഒരു വിസ്ക് ഉപയോഗിച്ച് നന്നായി അടിച്ച് മാറ്റിവെക്കുക.
🧫മറ്റൊരു പാത്രത്തിൽ ബ്രഡ് ക്രംസ് എടുത്തു വയ്ക്കുക.
🍚ഓരോ ഉരുളകളും ആദ്യം മുട്ടയിലും പിന്നീട് ബ്രഡ് ക്രംസിലും പുരട്ടി ചൂടായ എണ്ണയിൽ കരിഞ്ഞു പോകാതെ വറുത്ത് എടുക്കുക.
🥚നല്ല രുചിയുള്ള ഈ പലഹാരം ചൂടോടുകൂടി ചായക്കൊപ്പം കഴിച്ചു നോക്കൂ. ഇഷ്ടപ്പെട്ടാൽ ലൈക്കും ഷെയറും കമന്റും തരാൻ മറക്കല്ലേ…
തയ്യാറാക്കിയത്: റീന നൈനാൻ,
(മാജിക്കൽ ഫ്ലേവേഴ്സ്, വാകത്താനം)
Yummy 😋
സൂപ്പർ