👬👫കുട്ടീസ് കോർണർ 👬👫 (അറുപത്തിനാലാം വാരം)

ഹായ് കുട്ടീസ്!!
ഈ ആഴ്ച നമുക്ക് A)തീപ്പെട്ടി ചിത്രം കണ്ടൊരു വിശദീകരണം, B(പദ ലളിതം(വാക്കുകളെ കുറിച്ചൊരു വിശദീകരണം ),
C)സ്ഥലനാമ കഥകൾ പിന്നെ കുറച്ചു D)കടംകഥകളും,
കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ കുട്ടീസ് ഒഴിവു സമയങ്ങളിൽ അവ വരച്ചു നോക്കണെ ..

എന്ന് സ്വന്തം
ശങ്കരിയാന്റി.

A) തീപ്പെട്ടി ചിത്രം (9)

ഒളിമ്പിക്സ്

ഓളിമ്പിക്സിനോടനുബന്ധിച്ചുള്ള തീപ്പെട്ടികൾ ചേർക്കുന്നു.

അന്താരാഷ്ട്ര തലത്തിൽ നടത്തെപ്പെടുന്ന ഒരു വിവിധയിന കായിക മൽസരമേളയാണ് ഒളിമ്പിക്സ് അഥവാ ഒളിമ്പിക് ഗെയിംസ്. ഇതിന് വേനൽക്കാലമേള, ശൈത്യകാലമേള എന്നിങ്ങനെ രണ്ട് വിഭാഗങ്ങളുണ്ട്. രണ്ടും നാല് വർഷം കൂടുമ്പോഴാണ് നടത്തപ്പെടുന്നത്. 1992 വരെ രണ്ടു മേളകളും ഒരേ വർഷം തന്നെയായിരുന്നു നടത്തിയിരുന്നത്. അതിനുശേഷം ഓരോന്നും രണ്ടു വർഷം ഇടവിട്ട് നടത്താനാരംഭിച്ചു.
രണ്ട് തലമുറയിലുള്ള ഒളിമ്പിക്സുകൾ ഉണ്ടായിട്ടുണ്ട്. പുരാതന ഒളിമ്പിക്സ് ആണ് ആദ്യത്തേത്. ഗ്രീസിലെ ഒളിമ്പിയയിലാണ് ഇത് നടത്തപ്പെട്ടിരുന്നത്. രണ്ടാം തലമുറ ആധുനിക ഒളിമ്പിക്സ് എന്നാണ് അറിയപ്പെടുന്നത്. 1896-ൽ ഗ്രീസിലെ ഏഥൻസിലാണ് ആദ്യ ആധുനിക ഒളിമ്പിക്സ് നടന്നത്. 1913-ൽ രൂപകൽപ്പന ചെയ്ത ഒളിമ്പിക്സ് വളയം o എന്ന ചിഹ്നം . 1920 ഒളിമ്പിക്സ് മുതലാണ് ഇത് ഉപയോഗിച്ചുതുടങ്ങിയത്.
ബി.സി. 776-ന് പുരാതന ഒളിമ്പിക്സ് ആരംഭിച്ചുവെന്നാണ് ഏറ്റവും വ്യാപകമായ വിശ്വാസം. പുരാത ഗ്രീസിൽ മുഴുവൻ വളരെ പ്രാധാന്യമുള്ള ഒന്നായി ഒളിമ്പിക്സ് വളർന്നു. ബിസി 6-5 നൂറ്റാണ്ടുകളിൽ പുരാതന ഒളിമ്പിക്സ് അതിന്റെ പാരമ്യത്തിലെത്തി. വളരെ മത പ്രാധാന്യമുള്ളതായിരുന്നു ഒളിമ്പിക്സ്. നാല് വർഷങ്ങൾ കൂടുമ്പോഴാണ് ഒളിമ്പിക്സ് നടത്തപ്പെട്ടിരുന്നത്. രണ്ട് ഒളിമ്പിക്സുകൾക്കിറ്റയിലുള്ള കാലം ഒരു ഒളിമ്പ്യാഡ് എന്നാണ് വിളിക്കപ്പെട്ടിരുന്നത്. ഗ്രീക്കുകാർ ഒളിമ്പ്യാഡ് ഒരു ഏകകമായി ഉപയോഗിച്ചിരുന്നു. റോമക്കാർ ഗ്രീസിൽ ആധിപത്യം നേടിയതോടെ ഒളിമ്പിക്സിന്റെ പ്രാധാന്യം ക്രമേണ കുറഞ്ഞ് വന്നു. എഡി 393 ചക്രവർത്തി തിയൊഡോഷ്യസ് ഒന്നാമൻ ക്രിസ്തുമതം, റോമാ സാമ്രാജ്യത്തിന്റെ ഔദ്യോഗിക മതമായിപ്രഖ്യാപിക്കുകയും പെയ്ഗൺ ആചാരനുഷ്ഠാനങ്ങൾ നിരോധിക്കുകയും ചെയ്തു. പെയ്ഗൺ ആചാരം എന്ന നിലയിൽ അതോടെ ഒളിമ്പിക്സും നിർത്തലാക്കപ്പെട്ടു. പിന്നീട് 1500 വർഷങ്ങൾക്ക് ശേഷമുണ്ടായ പുനർജന്മം വരെ ഒളിമ്പിക്സ് നടത്തപ്പെട്ടിട്ടേയില്ല.
പരസ്പരം കൊരുത്ത അഞ്ചു വളയങ്ങളാണ് ഒളിമ്പിക്സിന്റെ ചിഹ്നം. ഇവ അഞ്ചു ഭൂഖണ്ഡങ്ങളെ സൂചിപ്പിക്കുന്നു. ഇവ സൂചിപ്പിക്കുന്ന ഭൂഖണ്ഡങ്ങൾ ഇതാണ് മഞ്ഞ ഏഷ്യ ,കറുപ്പ്_ആഫ്രിക്ക, നീല-യൂറോപ്പ്,പച്ച – ഓസ്ട്രേലിയ, ചുവപ്പ് -അമേരിക്ക , വെളുപ്പു നിറമാണ് പതാകയ്ക്ക് . ഇതിൽ അഞ്ചു വളയങ്ങൾ ആലേഖനം ചെയ്തിരിക്കുന്നു. പിയറി കുബേർട്ടിനാണ് ഒളിമ്പിക്സ് വളയങ്ങൾ രൂപകൽപന ചെയ്തത് . 1920 ലെ ആന്റ്വേപ്പിൽ ഒളിമ്പിക്സ് മുതലാണ് ഇത് ഉപയോഗിച്ചുതുടങ്ങിയത്.

B) പദ ലളിതം

കാളന്‍

കാളനെന്ന പദം കേൾക്കാത്തവരും ഉപയോഗിക്കാത്തവരും ചുരുക്കം. മോര് കറിയാണല്ലോ കാളൻ. മോരുകറിയ്ക്ക് എങ്ങനെ ഈ പേര് ലഭിച്ചു.കാളുകയെന്ന പദത്തിന് ദഹിപ്പിക്കുകയെന്നർത്ഥമുണ്ട്. ഭക്ഷണം കഴിക്കുമ്പോൾ അവസാനയിനമാണല്ലോ കാളൻ. കഴിച്ച ഭക്ഷണത്തെ ദഹിപ്പിക്കുന്നവൻ.അപ്പോൾ കാളയെന്ന പദത്തെക്കുറിച്ച് ചിന്തിച്ച് നോക്കു. മോരിൽ lactic acid എന്ന ( പുളിപ്പുളള) അമ്ലം ഉണ്ട്. 1) പ്രതിരോധശക്തി കൂട്ടും. 2) Enzymes വരുത്തി ദഹനശക്തി കൂട്ടും. 3) Calcium, magnesium, copper, iron എന്നിവ വലിച്ചെടുക്കാൻ സഹായിക്കും.

C) സ്ഥലനാമ കഥകൾ

കുട്ടീസ് ഈ ആഴ്ചയിലും ചില സ്ഥലങ്ങൾക്ക് എങ്ങനെ ആ പേര് വന്നു എന്ന് കൗതുകത്തോടെ വായിച്ചറിഞ്ഞോളൂ

കാളികാവ്‌

ഈ പ്രദേശത്തെ ഭൂസമ്പത്ത് മുഴുവന്‍ പണ്ടുകാലം മുതലേ കൈവശം വെച്ചുവന്നിരുന്നത് പടിഞ്ഞാറെ കോവിലകക്കാരായിരുന്നു. പിന്നീട് കാളികാവ്് പഞ്ചായത്തിന്റെ തെക്കോട്ട് ആയിരം നാഴികയോളം വരുന്ന നീരൊഴുക്ക് പ്രദേശവും കോവിലകക്കാര്‍ ചാര്‍ത്തി വാങ്ങി കൈവശം വെച്ചുവന്നിരുന്നതായും അറിയുന്നു. പൌരാണികമായൊരു സാംസ്കാരിക ചരിത്രപശ്ചാത്തലമുള്ള ഗ്രാമമാണ് കാളികാവ്. ഈ പ്രദേശത്തിന്റെ പഴയ പേര് കണ്ണത്ത് കാളികാവ് എന്നായിരുന്നു. കരുവാരക്കുണ്ട് പഞ്ചായത്തിലെ കണ്ണത്ത് എന്ന പ്രദേശത്ത് പുരാതനകാലത്ത് നിലവിലുണ്ടായിരുന്ന ഒരു കാളീക്ഷേത്രത്തിന്റെ കാവായിരുന്നു ഇന്നത്തെ അമ്പകുന്ന് പ്രദേശം. അമ്പകുന്ന് പ്രദേശത്ത് കണ്ണത്ത് കാളിയുടെ കാവ് സ്ഥിതിചെയ്തിരുന്നതിനാല്‍ കണ്ണത്ത് കാളികാവ് എന്ന പേരില്‍ ഈ പ്രദേശം അറിയപ്പെട്ടു. കാലാന്തരത്തില്‍ കണ്ണത്ത് കാളികാവ് എന്ന പേര് ലോപിച്ച് “കാളികാവ്” എന്നായി മാറി. കാവിന് തൊട്ടടുത്തായി ഒരു കിണറും അമ്പലപറമ്പും ഉണ്ടായിരുന്നു. അതാണ് ഇന്നത്തെ “അമ്പലകുന്ന് മൈതാനം” എന്നു വിളിക്കപ്പെടുന്നത്. ജന്മിത്വം അവസാനിക്കന്നതുവരെയും ഇവിടുത്തെ അത്യധ്വാനികളായിരുന്ന കര്‍ഷകരുടെ ജീവിതം ജന്മിയുടെയും കങ്കാണിമാരുടെയും അന്യായ പിരിവുകളും പാട്ടസമ്പ്രദായവും കാരണം ഏറെ ദുരിത പൂര്‍ണ്ണമായിരുന്നു. ഒറ്റപ്പെട്ട ചോദ്യം ചെയ്യലുകളുടെയും ചെറുത്തുനില്‍പിന്റെയും പ്രതിരോധസമരങ്ങള്‍ സാമൂഹികജീവിതത്തെ പോരാട്ടസജ്ജമാക്കിയെടുത്തു. കാളികാവ് പഞ്ചായത്തിലെ പഴക്കം ചെന്ന തോട്ടമാണ് പുല്ലങ്കോട് എസ്റ്റേറ്റ്. 1906 കാലഘട്ടത്തിലാണ് ഇതിനാവശ്യമായ സ്ഥലം എടുത്തുതുടങ്ങിയത്. 1914-ല്‍ കമ്പനി ആക്ട് പ്രകാരം രജിസ്റ്റ്റര്‍ ചെയ്തതായി അറിയുന്നു. സാമ്രാജ്യത്വ-ജന്മിത്വ വിരുദ്ധ പോരാട്ടങ്ങളിലെ തീനാളമായി മാറിയ 1921-ലെ കാര്‍ഷിക കലാപത്തിന്റെ രംഗഭൂമികളായിരുന്നു ഇവിടുത്തെ മിക്ക പ്രദേശങ്ങളും. വെള്ളയൂര്‍, മഞ്ഞപെട്ടി, കല്ലാമൂല, പുല്ലങ്കോട്, ചോക്കാട്, കാളികാവ് തുടങ്ങിയ പ്രദേശങ്ങള്‍ കലാപത്തിന്റെ നിരവധി കഥ പറയുന്ന മേഖലകളാണ്.

D) കടങ്കഥകൾ (20)

1)തടയാം, നീക്കാം, ബന്ധിക്കാനൊക്കില്ല.

പുക

2)തല വെന്താലും തടി വേവില്ല.

കൽചുമരുള്ള വീട്

3)തല വട്ടിയിൽ, തടി തൊട്ടിയിൽ.

നെല്ല്

4)തലയില്ലാക്കോഴി മല കയറി കൂകി.

തോക്ക്

5)തിത്തെയ് എന്നൊരു കൊയ്ത്തരിവാൾ.

ചന്ദ്രക്കല

6)തിന്നില്ല കുടിയ്ക്കില്ല, തല്ലാതെ മിണ്ടില്ല.

ചെണ്ട

7)തിരിതിരി തിരിതിരിയമ്മതിരി തിരിതിരി തിരിതിരി മോളുതിരി.

തിരികല്ല്

8)തുടച്ചാലും തുടച്ചാലും ചേറുപോകാത്ത കണ്ണാടി.

ചന്ദ്രൻ

9)തുമ്പിക്കൈയില്ലാത്ത ആന.

കുഴിയാന

10)തെക്ക് നിന്ന് വന്ന കാളയ്ക്ക് പള്ളയ്ക്കൊരു കൊമ്പ്.

കിണ്ടി

E) എളുപ്പത്തിൽ ഒരു ചിത്രം വരയ്ക്കാം (48)

അവതരണം:

കുട്ടീസ് കോർണർ (അറുപത്തിനാലാം വാരം)

A) തീപ്പെട്ടി ചിത്രം (9)

B) പദ ലളിതം

C) സ്ഥലനാമ കഥകൾ

E) എളുപ്പത്തിൽ ഒരു ചിത്രം വരയ്ക്കാം (48)

സൈമ ശങ്കർ, മൈസൂർ

ഒന്റാരിയോ ബൈബിൾ കൺവെൻഷൻ ഓഗസ്റ്റ് 19, 20, 21 തിയ്യതികളിൽ (ഷിബു കിഴക്കേകുറ്റ്)

എം എ ബേബി ബി എ സുനിൽ വല്ലാത്തറ ഫ്ലോറിഡാ

സ്റ്റാർ എന്റർടൈൻമെന്റ് സിനി സ്റ്റാർ നൈറ്റ് 2025 ടീമിന് വിസ ലഭ്യമായി.

LEAVE A REPLY Cancel reply

Most Popular

ഒന്റാരിയോ ബൈബിൾ കൺവെൻഷൻ ഓഗസ്റ്റ് 19, 20, 21 തിയ്യതികളിൽ (ഷിബു കിഴക്കേകുറ്റ്)

മുൻ ഇന്ത്യൻ ക്രിക്കറ്റ് താരം കേദാർ ജാദവ് ബിജെപിയിൽ.

Recent Comments

EDITOR PICKS

ഒന്റാരിയോ ബൈബിൾ കൺവെൻഷൻ ഓഗസ്റ്റ് 19, 20, 21 തിയ്യതികളിൽ (ഷിബു കിഴക്കേകുറ്റ്)

മുൻ ഇന്ത്യൻ ക്രിക്കറ്റ് താരം കേദാർ ജാദവ് ബിജെപിയിൽ.

POPULAR POSTS

മുൻ ഇന്ത്യൻ ക്രിക്കറ്റ് താരം കേദാർ ജാദവ് ബിജെപിയിൽ.

ഓടിക്കൊണ്ടിരുന്ന ട്രെയിനിന്റെ ബോഗികൾ വേർപ്പെട്ടു.

POPULAR CATEGORY

ABOUT US

FOLLOW US