കോട്ടയം : അമേരിക്കയിലെ പെൻസിൽവാനിയ സ്റ്റേറ്റില് നിന്നും പ്രസിദ്ധീകരിക്കുന്ന ഓണ്ലൈന് പത്രമായ “മലയാളി മനസ്സിന്റെ ” അഞ്ചാം വാർഷികവും കുടുംബ സംഗമവും കോട്ടയം ഞാലിയാകുഴി മാർ ഗ്രിഗോറിയോസ് ഓർത്തഡോക്സ് പള്ളിയിലെ കുര്യൻ മെമ്മോറിയൽ ഓഡിറ്റോറിയത്തില് വെച്ച് നിറഞ്ഞ സദസ്സില് വിശിഷ്ട അതിഥികളുടെ സാന്നിധ്യത്തില് നടന്നു .
വാര്ഷിക ആഘോക്ഷം സിനിമ / സീരിയൽ നടൻ റഷീദ് കാരാപ്പുഴ ഉദ്ഘാടനം ചെയ്തു .
ആന്റോ ആന്റണി എം പി ആശംസകള് അര്പ്പിച്ചു കൊണ്ട് മുഖ്യ സന്ദേശം നല്കി . പഞ്ചായത്ത് പ്രസിഡന്റ് രമേശ് നടരാജൻ അധ്യക്ഷത വഹിച്ചു . ചീഫ് എഡിറ്റര് രാജു ശങ്കരത്തില് സ്വാഗതം പറഞ്ഞു .
രാവിലെ പത്തിന് ചേര്ന്ന സാഹിത്യ സമ്മേളനത്തില് സാഹിത്യകാരെ ആദരിക്കൽ, പുസ്തക പ്രകാശനം, മംഗളപത്ര സമർപ്പണം, മത്സരാർത്ഥികൾക്കുള്ള സമ്മാനദാനം എന്നിവ നടന്നു .വിരൽ ചിത്രങ്ങൾ,കലാ ജ്യോതി ഇടുക്കി അവതരിപ്പിച്ച നൃത്തം വിവിധ കലാപരിപാടികള് എന്നിവ നടന്നു .
വാര്ഷിക ആഘോക്ഷ പൊതു സമ്മേളനത്തില് വെച്ച് വിവിധ മേഖലയിലെ പ്രമുഖര് ആശംസകള് നേര്ന്നു . മലയാളിമനസ്സിന്റെ സ്ഥിരം എഴുത്തുകാർക്കുള്ള ആദരവും അവാർഡ് ദാനവും നടന്നു .നൂറുകണക്കിന് മഹത് വ്യക്തിത്വങ്ങള് പങ്കെടുത്തു .
പ്രവാസി മലയാളികളുടെ ,പ്രത്യേകിച്ച് അമേരിക്കന് മലയാളികളുടെ പ്രമുഖ പത്രമായി “മലയാളി മനസ്സ് “മാറിയെന്ന് ആന്റോ ആന്റണി എം പി മുഖ്യ സന്ദേശത്തില് പറഞ്ഞു .
വാര്ത്തകള്ക്ക് ഒപ്പം തന്നെ ജീവകാരുണ്യ മേഖലയില് സജീവ സാന്നിധ്യമാണ് “മലയാളി മനസ്സ് ” എന്നും വളരെയേറെ മുന്നേറുവാന് മലയാളി മനസ്സിന് കഴിയട്ടെ എന്നും എം പി ആശംസിച്ചു .
മാനേജിങ് എഡിറ്റര് മാത്യൂ ശങ്കരത്തിൽ റസിഡന്റ് എഡിറ്റര് ജോൺ ശങ്കരത്തിൽ കോർ എപ്പീസ്കോപ്പാ എന്നിവര് ആമുഖ സന്ദേശം കൈമാറി . സാമൂഹിക സാംസ്കാരിക സാഹിത്യ രംഗത്തെ പ്രമുഖര് സംസാരിച്ചു.
