കേരള സംസ്ഥാന പിന്നാക്ക വിഭാഗ വികസന കോർപ്പറേഷൻ, മറ്റ് സർക്കാർ ധനകാര്യ സ്ഥാപനങ്ങൾ അല്ലെങ്കിൽ പൊതുമേഖലാ ബാങ്കുകൾ എന്നിവ മുഖേന വിദ്യാഭ്യാസ വായ്പ എടുത്ത് വിദേശ പഠനം നടത്തുന്ന ഒ.ബി.സി വിഭാഗം വിദ്യാർത്ഥികൾക്ക് ഓവർസീസ് സ്കോളർഷിപ്പ് പദ്ധതി പ്രകാരം പലിശയിളവ് അനുവദിക്കുന്നു.
വിദേശ പഠനത്തിന് വിദ്യാഭ്യാസ വായ്പ എടുത്തിട്ടുള്ള അർഹരായ 50 വിദ്യാർത്ഥിൾക്ക് ആകെ പലിശയുടെ 75 ശതമാനം അല്ലെങ്കിൽ പരമാവധി 1 ലക്ഷം രൂപ വരെയാണ് പലിശയിളവ് അനുവദിയ്ക്കുന്നത്.
ഈ സ്ഥാപനങ്ങളിൽ നിന്നും അർഹരായവരുടെ പട്ടിക പിന്നാക്ക വിഭാഗ വികസന വകുപ്പിൽ ശേഖരിച്ചാണ് സബ്സിഡി നൽകുന്നത്. വായ്പയെടുത്തിട്ടുള്ള വിദ്യാർത്ഥികൾ പലിശയിളവ് അനുവദിക്കുന്നതിനുള്ള പട്ടികയിൽ ഉൾപ്പെട്ടിട്ടുണ്ടെന്ന് അതത് ധനകാര്യ സ്ഥാപനങ്ങളിൽ ബന്ധപ്പെട്ട് ഉറപ്പ് വരുത്തണം.
