സംസ്ഥാന യുവജന ക്ഷേമബോര്ഡ് ‘മണിനാദം’ എന്ന പേരില് കലാഭവന് മണിയുടെ ഓര്മയ്ക്കായി നാടന്പാട്ട് മത്സരം സംഘടിപ്പിക്കുന്നു.
ജില്ലയിലെ ഒന്നാം സ്ഥാനക്കാര്ക്ക് തൃശൂരില് നടക്കുന്ന സംസ്ഥാനതല മത്സരത്തില് പങ്കെടുക്കുവാന് അവസരം ലഭിക്കും. യുവജന ക്ഷേമബോര്ഡില് അഫിലിയേറ്റ് ചെയ്ത യൂത്ത്/യുവ/യുവതീ ക്ലബ്ബുകളിലെ 18നും 40നും മധ്യേ പ്രായമുള്ള 10 പേരടങ്ങുന്ന ടീമിന് പങ്കെടുക്കാം.
പരമാവധി സമയം 10 മിനിറ്റ്. ജില്ലാതലത്തില് ആദ്യ മൂന്ന് സ്ഥാനം നേടുന്നവര്ക്ക് 25,000 , 10,000, 5,000 രൂപ വീതവും സംസ്ഥാന തലത്തില് 1,00,000, 75,000, 50,000 രൂപ വീതവും ലഭിക്കും.
ജനുവരി 15 ന് വൈകിട്ട് അഞ്ചിന് മുമ്പ് പങ്കെടുക്കുന്നവരുടെ പേര് , വിലാസം , ജനന തീയതി, ഫോണ് നമ്പര് എന്നിവ സഹിതം ജില്ല യൂത്ത് പ്രോഗ്രാം ഓഫീസര്, കേരള സംസ്ഥാന യുവജന ക്ഷേമ ബോര്ഡ്, ജില്ലായുവജന കേന്ദ്രം, പുത്തന്പാലത്ത് ബില്ഡിംഗ്, കളക്ട്രേറ്റിനു സമീപം, പത്തനംതിട്ട-689645 വിലാസത്തിലോ ptaksywb@gmail.com മെയിലിലോ അപേക്ഷിക്കണം. ഫോണ് : 0468 2231938, 9496260067.
