തിരുവനന്തപുരം: 2025ലെ കേരള പുരസ്കാരങ്ങൾ പ്രഖ്യാപിച്ചു. കേരള ജ്യോതി പുരസ്കാരത്തിന് ഡോ. എം ആർ രാഘവ വാര്യർ അർഹനായി. വിദ്യാഭ്യാസ മേഖലയിലെ സംഭാവനകൾ കണക്കിലെടുത്താണ് പുരസ്കാരം.
കാർഷിക മേഖലയിലെ സംഭാവനകൾക്ക് പി ബി അനീഷും കലാരംഗത്തെ സംഭാവനകൾക്ക് രാജശ്രീ വാര്യര്ക്കും കേരള പ്രഭ പുരസ്കാരം ലഭിച്ചു. മാധ്യമ പ്രവർത്തനരംഗത്തെ സംഭാവനയ്ക്ക് ശശികുമാറും വിദ്യാഭ്യാസ രംഗത്തെ സംഭാവനയ്ക്ക് ടി കെ എം ട്രസ്റ്റ് ചെയർമാൻ ഷഹൽ ഹസൻ മുസലിയാർ, സ്റ്റാർട്ടപ്പ് രംഗത്തുനിന്ന് എം കെ വിമൽ ഗോവിന്ദ്, വിവിധ മേഖലകളിലെ പ്രവർത്തനങ്ങളിൽ ജിലുമോൾ മാരിയറ്റ് തോമസ്, കായിക രംഗത്തെ സംഭാവനയ്ക്കായി അഭിലാഷ് ടോമി എന്നിവർക്കും കേരള ശ്രീ പുരസ്കാരം ലഭിച്ചു
വിവിധ മേഖലകളിൽ സമൂഹത്തിന് നൽകിയ സമഗ്ര സംഭാവനകൾ പരിഗണിച്ചാണ് കേരള സർക്കാർ കേരള ജ്യോതി, കേരള പ്രഭ, കേരള ശ്രീ പുരസ്കാരങ്ങൾ ഓരോ വർഷവും നൽകുന്നത്. പത്മ പുരസ്കാര മാതൃകയിലാണ് കേരള സർക്കാർ ഈ പുരസ്കാരങ്ങൾ നൽകാറുള്ളത്. കേരള ജ്യോതി പുരസ്കാരം ഒരാൾക്കും കേരള പ്രഭ രണ്ടുപേർക്കും കേരള ശ്രീ അഞ്ച് പേർക്കുമാണ് നൽകി വരാറുള്ളത്
