👬👫കുട്ടീസ് കോർണർ 👬👫 (എഴുപത്തിനാലാം വാരം) ✍അവതരണം: സൈമ ശങ്കർ, മൈസൂർ

ഹായ് കുട്ടീസ്!!
ഈ ആഴ്ച നമുക്ക് A) തീപ്പെട്ടി ചിത്രം കണ്ടൊരു വിശദീകരണം, B) പദ ലളിതം (വാക്കുകളെ കുറിച്ചൊരു വിശദീകരണം), C) സ്ഥലനാമ കഥകൾ പിന്നെ കുറച്ചു D) കടംകഥകളും, കൂടാതെ ഈ ആഴ്ചയും എളുപ്പത്തിൽ (E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ കുട്ടീസ് ഒഴിവു സമയങ്ങളിൽ അവ വരച്ചു നോക്കുണ്ടല്ലോ… അല്ലെ .

എന്ന് സ്വന്തം
ശങ്കരിയാന്റി.

A) തീപ്പെട്ടി ചിത്രം (19)

പാരച്യൂട്ട്

പാരച്യൂട്ടിന്റെ ചിത്രമുള്ള തീപ്പെട്ടി ചേർക്കുന്നു.

വായുവിനെതിരേ തടസ്സം സൃഷ്ടിച്ച് അന്തരീക്ഷത്തിലൂടെ സഞ്ചരിക്കുന്ന ഒരു വസ്തുവിന്റെ വേഗത കുറയ്ക്കാൻ ഉപയോഗിക്കുന്ന ഒരു ഉപകരണമാണ് പാരച്യൂട്ട്. ഒരു വസ്തുവിന്റെ ടെർമിനൽ വേഗത എഴുപത്തിയഞ്ച് ശതമാനം കുറയ്ക്കാൻ കഴിയുന്ന ഉപകരണതിനെയാണ് പാരച്യൂട്ട് എന്ന് വിളിക്കാറുള്ളത്.പാരച്യൂട്ടുകൾ വളരെ കനം കുറഞ്ഞതും ശക്തിയുള്ളതുമായ തുണി ഉപയോഗിച്ചാണ്നിർമ്മിക്കുന്നത്. നൈലോണാണ് സാധാരണയായി പാരച്യൂട്ടുകൾ നിർമ്മിക്കാൻ ഉപയോഗിക്കുന്നത്. ആളുകളെയോ ഭക്ഷണമോ ഉപകരണങ്ങളോ ബഹിരാകാശ വാഹനങ്ങളോ വളരെ പതുക്കെ അന്തരീക്ഷത്തിലൂടെ താഴെയെത്തിക്കാനാണ് പാരച്യൂട്ടുകൾ പ്രധാനമായും ഉപയോഗിക്കുന്നത്.

പാരച്യൂട്ടിൻറെ സഹായത്തോടെ ആകാശത്തുനിന്നു താഴേക്ക് ചാടുന്ന കായിക വിനോദമാണ്‌ പാരച്യൂട്ടിംഗ് അഥവാ സ്കൈ ഡൈവിംഗ്. കായിക വിനോദമായ പാരച്യൂട്ടിംഗ് അതിൻറെ അപകടസാധ്യത കണക്കിലെടുത്ത്‌ അതികഠിന കായികവിനോദമായാണ് കണക്കാക്കപ്പെടുന്നത്. ആധുനിക സൈന്യങ്ങൾ വ്യോമസേനയ്ക്ക് വേണ്ടി പാരച്യൂട്ടിംഗ് ഉപയോഗിക്കുന്നു. ചിലപ്പോൾ കാട്ടുതീ അണയ്ക്കാനും പാരച്യൂട്ടിംഗ് ഉപയോഗപ്പെടുത്താറുണ്ട്.

B) പദ ലളിതം

കവി

ആരാണ് കവി.ഇന്ന് കവിതയെഴുതുന്നവനാണല്ലോ കവി. പണ്ട് സാഹിത്യരചയിതാവ് എന്നായിരുന്നു പദത്തിന്റെ അർത്ഥം.യഥാർത്ഥത്തിൽ കവിഞ്ഞു പറയുന്നവനാണ് കവി. കവിഞ്ഞു പറയുകയെന്നു വച്ചാൽ ഒരു കാര്യം സൗന്തര്യാത്മകമായി അവതരിപ്പിക്കുക.അതിന് ഉചിതമായ മാർഗം അവലംബിക്കുക .അതാണ് സാധാരണക്കാരും കവികളും തമ്മിലുള്ള വ്യത്യാസം.അപ്പോൾ ഒരു കാര്യം .ഇന്ന് കവിതയെഴുതുന്നവർ എല്ലാം കവികളോ?

C) സ്ഥലനാമ കഥകൾ

കുട്ടീസ്
ഈ ആഴ്ചയിലും ചില സ്ഥലങ്ങൾക്ക് എങ്ങനെ ആ പേര് വന്നു എന്ന് കൗതുകത്തോടെ വായിച്ചറിഞ്ഞോളൂ

പള്ളിക്കൽ

പത്തനംതിട്ടയിൽ പലയിടത്തും കൊല്ലം ജില്ലയിലും പള്ളിക്കലെന്ന സ്ഥലമോ പള്ളിയെന്ന പദം ചേർന്ന സ്ഥലനാമോ കാണാറുണ്ട്. എങ്ങനെ ഈ പേര് ഉണ്ടായിയെന്നു ചിന്തിച്ചിട്ടുണ്ടോ?. പള്ളി ബുദ്ധമതവുമായി ബന്ധപ്പെട്ട പേരാണ്. ബുദ്ധമത കാലത്ത് കുട്ടികൾക്ക് വിദ്യാഭ്യാസം നൽകിയിരുന്ന കേന്ദ്രങ്ങൾ ആണ് പള്ളികൾ. അപ്പോൾ പള്ളികളുടെ അടുത്ത സ്ഥലമാണ് പള്ളിക്കൽ. കൽ എന്ന പദത്തിന് അടുത്ത് എന്നാണ് അർത്ഥം. കേരളത്തിൽ പലയിടത്തും ഉള്ള പള്ളികൾ ചേർന്നുവരുന്ന സ്ഥലനാമങ്ങളെ കുറിച്ച് നമുക്ക് ചിന്തിക്കാവുന്നതെയുള്ളൂ.

D) കടങ്കഥകൾ (30)

1)നട്ടാൽ മുളക്കൂല, വേലീമ്മൽ പടരൂല, നാട്ടിലെല്ലാടത്തും കറി.

ഉപ്പ്

2)നാവൂരി പാലുകൊണ്ട് നാടാകെ കല്യാണം.

ട്യൂബ്‌ലൈറ്റ്, നിലാവ്

3)നാലുകാലുണ്ട്, നടുവുണ്ട്, നായക്കു തിന്നാൻ ഇറച്ചിയില്ല.

കസേര

4)നാലുകാലുള്ളൊരു നങ്ങേലിപ്പെണ്ണിനെ കോലുനാരായണൻ കട്ടുകൊണ്ടുപോയി.

പാമ്പ് തവളയെ പിടിക്കുന്നത്

5)നാലുപേരും കൂടി ഒരുവഴിക്ക് പോയി, മടങ്ങിവന്നപ്പോൾ ഒരാൾ.

മുറുക്കാൻ

6)നിലം കീറി പൊന്നെടുത്തു.