ഹൂസ്റ്റൺ: ഗ്രേറ്റർ ഹൂസ്റ്റൺ മലയാളി അസോസിയേഷന്റെ (MAGH) 2026-ലേക്കുള്ള ഭരണസമിതി തിരഞ്ഞെടുപ്പിൽ, റോയ് മാത്യു നയിക്കുന്ന ‘ടീം യുണൈറ്റഡ്’ (Team United) പാനലിൽ നിന്ന് യുവജന പ്രതിനിധിയായി (Youth Representative) മൈക്കിൾ ജോയ് ജനവിധി തേടുന്നു.
ഓയിൽ ആൻഡ് ഗ്യാസ് മേഖലയിൽ ക്വാളിറ്റി എൻജിനീയറായി ജോലി ചെയ്യുന്ന മൈക്കിൾ ജോയ്, റിയൽ എസ്റ്റേറ്റ് രംഗത്തും സജീവമാണ്. വ്യക്തികൾക്കും നിക്ഷേപകർക്കും അവരുടെ സ്വപ്ന ഭവനങ്ങൾ കണ്ടെത്തുന്നതിന് സഹായിക്കുന്ന ഒരു പാഷനേറ്റ് റിയൽറ്റർ കൂടിയാണദ്ദേഹം.
കായിക രംഗത്തെ സംഘാടക മികവാണ് മൈക്കിളിനെ യുവജനങ്ങൾക്കിടയിൽ ശ്രദ്ധേയനാക്കുന്നത്. ഹൂസ്റ്റൺ സെന്റ് ജോസഫ് സിറോ മലബാർ പള്ളിയിലെ സ്പോർട്സ് കോർഡിനേറ്ററായി കഴിഞ്ഞ 3 വർഷമായി സ്തുത്യർഹമായ സേവനമനുഷ്ഠിക്കുന്നു. 2018 മുതൽ ചർച്ച് സ്പോർട്സ് ഇവന്റുകളിൽ സജീവ സാന്നിധ്യമാണ്. കൂടാതെ, മാഗ് സ്പോർട്സ് ഇവന്റുകൾ ഏകോപിപ്പിക്കുന്നതിലും സഹായിക്കുന്നതിലും അദ്ദേഹം നിർണ്ണായക പങ്ക് വഹിച്ചിട്ടുണ്ട്.
വിഭവങ്ങളെ ഫലപ്രദമായി ഉപയോഗിക്കാനുള്ള കഴിവ് (Resourceful), തന്ത്രപരമായ സമീപനം (Strategic), സേവന സന്നദ്ധത (Service Oriented) എന്നിവയാണ് മൈക്കിൾ ജോയിയുടെ മുഖമുദ്ര. യുവജനങ്ങളെ സംഘടനയിലേക്ക് ആകർഷിക്കാനും അവരുടെ കഴിവുകൾ വളർത്താനും മൈക്കിളിന്റെ നേതൃത്വം സഹായിക്കുമെന്ന് ‘ടീം യുണൈറ്റഡ്’ ഉറച്ചു വിശ്വസിക്കുന്നു.
തിരഞ്ഞെടുപ്പ് വിവരങ്ങൾ: റോയ് മാത്യു (പ്രസിഡന്റ്), ക്ലാരമ്മ മാത്യൂസ് (ട്രസ്റ്റി ബോർഡ്) എന്നിവർ നേതൃത്വം നൽകുന്ന പാനലിൽ വിനോദ് ചെറിയാൻ, സന്തോഷ് ആറ്റുപുറം, ഡോ. സുബിൻ ബാലകൃഷ്ണൻ, ജീവൻ സൈമൺ, സാജൻ ജോൺ, ഷിനു എബ്രഹാം, സുനിൽ തങ്കപ്പൻ, അനില സന്ദീപ്, അമ്പിളി ആന്റണി, ബിജു ശിവൻ, ബനീജ ചെറു, ജിൻസ് മാത്യു, ഡെന്നിസ് മാത്യു തുടങ്ങിയ പ്രഗത്ഭർ അണിനിരക്കുന്നു. . 2025 ഡിസംബർ 13-ന് ശനിയാഴ്ച സ്റ്റാഫോർഡ് സെന്റ് തോമസ് ഓർത്തഡോക്സ് ചർച്ച് ഹാളിൽ (2411 5th St, Stafford, TX 77477) വെച്ചാണ് തിരഞ്ഞെടുപ്പ് നടക്കുന്നത്.
