🌹 ചിന്താ പ്രഭാതം 🌹 2024 | ഏപ്രിൽ 11 | വ്യാഴം ✍ബേബി മാത്യു അടിമാലി

ജീവിതത്തിൽ വിധിയെ മാത്രം ആശ്രയിച്ചു ജീവിക്കുന്നവർ അലസതയുടെ പ്രതീകങ്ങളാണ്. പായ്ക്കപ്പൽ കാറ്റിനെ ആശ്രയിച്ചാണ് സഞ്ചരിക്കുന്നത്.
പക്ഷെ കാറ്റിന്റെ ദിശയിലല്ല, മറിച്ചു അത് കെട്ടിയിരിക്കുന്ന പായുടെ ദിശയിലാണ് നീങ്ങുന്നത്.അതുപോലെ വിജയികൾ വിധിയുടെ ദിശയിലല്ല , മറിച്ചു സാഹചര്യങ്ങളെ വരുതിയിലാക്കിക്കൊണ്ട് അവർ വിജയം നേടും.

ചിത പോലെയാണ് മനുഷ്യർ.കത്തുന്നതും, കത്തിയാളുന്നതും കാണാൻ ഒരുപാട് പേരുണ്ടാകും. നീറിപുകയുന്നത് കാണാൻ ആരുമുണ്ടാകില്ല. ശരിയല്ലേ

ഒരു പോരായ്മയും സംഭവിക്കാത്ത ഒരു ദിനവും ഉണ്ടാകില്ല . ഒരു നേട്ടവും സംഭവിക്കാതെ ഒരു ദിവസവും കടന്നുപോകില്ല. അവ കണ്ടെത്താനും ഫലപ്രദമായി ഉപയോഗിക്കാനും കഴിയുന്നതിലാണ് കാര്യം.

പ്രയാസങ്ങളും പരീക്ഷണങ്ങളും ഇല്ലാത്ത ജീവിതം ആർക്കും ഈ ഭൂമിയിൽ കിട്ടിയിട്ടില്ല. ഈ തിരിച്ചറിവ് ഉണ്ടായാൽ മാത്രം മതി ജീവിതത്തിലേ ഓരോ നിമിഷവും കൂടുതൽ ആസ്വദിക്കാൻ.

തളർത്താൻ പത്ത് പേര് കാണും. പുച്ഛിക്കാൻ നൂറ് പേര് കാണും.പക്ഷേ ഏത് പ്രതിസന്ധിയിലും സന്തോഷത്തോടെ ജീവിക്കും എന്ന് നമ്മൾ മാത്രം വിചാരിച്ചാൽ മതി. വിധിയിലല്ല സ്വന്തം ഇച്ഛാശക്തിയിൽ വിശ്വാസമർപ്പിച്ചു ജീവിക്കു.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍