🌹 ചിന്താ പ്രഭാതം 🌹 – 2024 | ഒക്ടോബർ 02 | ബുധൻ ✍ ബേബി മാത്യു അടിമാലി

ഇന്ന് ഒക്ടോബർ രണ്ട് ഗാന്ധിജയന്തി . ശത്രുവിനെപ്പോലും സ്നേഹിക്കണം എന്നു പഠിപ്പിച്ച മഹാത്മാവിൻ്റെ പാദാരവിന്ദങ്ങളിൽ തൊഴുകൈയ്യോടെ നമസ്ക്കരിച്ചു കോണ്ട്..
എല്ല സൗഹൃദങ്ങൾക്കും ഗാന്ധിജയന്തി ദിനാശംസകൾ 🙏

കുറേയേറെ ബന്ധങ്ങളുടെ നടുവിലാണ്‌ നമ്മുടെയൊക്കെ ജീവിതം. നന്മയേക്കാൾ ബന്ധങ്ങളിലെ പോരായ്മകളാണ്‌ പറയാനും പരസ്യപെടുത്താനും നമുക്കാവേശം.
വഴക്കുകൾ കൊണ്ടോ, അനാവശ്യ തർക്കങ്ങൾ കൊണ്ടോ, നന്ദികേടു കൊണ്ടോ, ആരോടും ക്ഷമിക്കാതിരിക്കുന്നത് കൊണ്ടോ ഇരുൾ പരത്തേണ്ടതല്ല നമ്മുടെ ജീവിതം.

ആര് എപ്പോൾ ഏതു സ്റ്റോപ്പിൽ ഇറങ്ങുമെന്നു മുൻകൂട്ടി പ്രവചിക്കാൻ ആവാത്ത യാത്രയാണ്‌ ജീവിതം. ഒരുമിച്ചുള്ള ഈ യാത്ര ഇനി അൽപദൂരം മാത്രമെന്നിരിക്കെ, എന്തിന്ന് നാം വഴക്കിടുകയും, തർക്കിക്കുകയും ചെയ്യണം.

ജീവിതം എത്ര നശ്വരമാണെന്നും, ചെറുതാണെന്നും മനസ്സിലാക്കിയാൽ ഉള്ള കാലം നമുക്ക് സന്തോഷത്തോടെ, സ്നേഹത്തോടെ, നന്ദിയോടെ, പരസ്പരം മാപ്പ് കൊടുത്തു കൊണ്ട്, തെറ്റുകൾ പൊറുത്തു കൊണ്ട് മുന്നോട്ട് പോകാനാവും.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി