🌹 ചിന്താ പ്രഭാതം 🌹 – 2024 | സെപ്റ്റംബർ 07 | ശനി ✍ ബേബി മാത്യു അടിമാലി

ജീവിതത്തിൽ ശരിയായ മൂല്യബോധമുള്ള നിലപാടുകൾ സ്വീകരിക്കുക.
നമ്മൾ ചില ചാനൽ ചർച്ചകളിലൊക്കെ കാണുന്നതുപോലെ ഏതുകാര്യത്തിലും നിഷ്പക്ഷ നിരീക്ഷകൻ്റെ മേലങ്കി അണിയാതിരിക്കുക. എതു വിഷയവും ശരിയായി പഠിക്കാൻ ശ്രമിക്കുക. അതിൽ ശരിയെന്ന് നിങ്ങൾക്ക് ഉത്തമ ബോദ്ധ്യമുള്ള നീതിയുടെ പക്ഷത്ത് നിറയുറപ്പിക്കുക. താൻ കാരണം ഓരാൾക്കും നിതി നിഷേധിക്കപ്പെടുന്നില്ല എന്ന് ഉറപ്പുവരുത്തുക.

നെരും നെറിയുമില്ലാത്ത സത്യാനന്തര വർത്തമാന കാലത്ത് സത്യത്തെ തിരിച്ചറിയാൻ ശ്രമിക്കുക. ജീവൻ പോയാലും സത്യം വിളിച്ചു പറഞ്ഞുകൊണ്ടേയിരിക്കുക. സത്യത്തെ ഭയക്കുന്നവർ അവഹേളനങ്ങളും ആക്ഷേപങ്ങളും എത്ര തന്നെ ചൊരിഞ്ഞാലും നിങ്ങൾ തളർന്നു പോകരുത്. അവർ ഉയർത്തുന്ന നുണയുടെ കൊട്ടാരങ്ങൾ എത്ര വലുതാണെങ്കിലും അവയെ ഒക്കെ തകർത്ത് സത്യം ഒരു നാൾ നിറശോഭയോടെ പുറത്തു വരിക തന്നെ ചെയ്യും.

കാഴ്ച്ചകളിൽ നിന്നും കാഴ്ചപ്പാടുകൾ ഉണ്ടാകട്ടെ അതിലൂടെ ശരിയായ ജീവിത നിലപാടുകളിലേക്ക് എത്തിച്ചേരാൻ നമുക്ക് കഴിയട്ടെ അപ്പോൾ ഓരോ പുലരികളും ഏറെ സൗന്ദര്യമുള്ളതും കൗതുകമുള്ളതുമായി നിങ്ങൾക്ക് അനുഭവപ്പെടും.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി