വി ആർ എസ് പദ്ധതി പ്രകാരം ബി എസ് എൻ എൽ ൽ നിന്ന് വിരമിച്ച പട്ടിക വർഗ്ഗ വിഭാഗത്തിൽ പെടുന്ന പെൻഷൻകാരുടെ റിട്ടയർമെന്റ് ആനുകൂല്യങ്ങൾ 5 വർഷം കഴിഞ്ഞിട്ടും ഇതുവരെ നൽകാത്തതിനെതിരെയുള്ള അഖിലേൻഡ്യാ പ്രതിഷേധ പരിപാടിയുടെ ഭാഗമായി ആൾ ഇൻഡ്യാ ബി എസ് എൻ എൽ ഡി ഒ ടി പെൻഷനേഴ്സ് അസോസിയേഷനും ബി എസ് എൻ എൽ എംപ്ലോയീസ് യൂണിയനും ചേർന്ന് തിരുവല്ല ബി എസ് എൻ എൽ ജനറൽ മാനേജരുടെ ഓഫീസിലേക്ക് മാർച്ച് നടത്തി.
എ ഐ ബി ഡി പി എ ജില്ലാ പ്രസിഡന്റ് കെ എസ് അജികുമാറിന്റെ അധ്യക്ഷതയിൽ നടന്ന വിശദീകരണ യോഗം എ ഐ ബി ഡി പി എ ദേശീയ ട്രഷറർ എം ജി എസ് കുറുപ്പ് ഉദ്ഘാടനം ചെയ്തു. എബ്രഹാം കുരുവിള ( ബി എസ് എൻ എൽ ഇ യു ), വി തങ്കച്ചൻ, പി സദാനന്ദി (എ ഐ ബി ഡിപി എ ) എന്നിവർ സംസാരിച്ചു.
