കൊല്ലം: അവധിക്കാല സ്പെഷൽ ട്രെയിനുകളിൽ ചിലതിന്‍റെ കാലാവധി ദീർഘിപ്പിച്ച് റെയിൽവേ. 06012 നാഗർകോവിൽ താംബരം പ്രതിവാര ( ഞായർ) സ്പെഷൽ ഏഴു മുതൽ 21 വരെയുള്ള ദിവസങ്ങളിൽ സർവീസ് നടത്തും. 06011 താംബരം -നാഗർകോവിൽ പ്രതിവാര ( തിങ്കൾ ) ട്രെയിന്‍റെ എട്ടു മുതൽ 22 വരെയും നീട്ടി.
063035 താംബരം – കൊച്ചുവേളി ദ്വൈവാര ( വ്യാഴം, ശനി) എക്സ്പ്രസിന്‍റെ സർവീസ് നാലു മുതൽ 20 വരെയും ദീർഘിപ്പിച്ചു. 06036 കൊച്ചുവേളി – താംബരം ദ്വൈവാര ( വെള്ളി, ഞായർ) എക്സ്പ്രസ് അഞ്ചു മുതൽ 21 വരെയും നീട്ടി.
ഈ വണ്ടികളുടെ കോച്ച് കോമ്പോസിഷൻ, സമയക്രമം, സ്റ്റോപ്പുകൾ എന്നിവയിൽ മാറ്റമൊന്നുമില്ല. അതേ സമയം 06043 ചെന്നൈ സെൻട്രൽ – കൊച്ചുവേളി എക്സ്പ്രസ് സ്പെഷൽ മൂന്നിനും 06044 കൊച്ചുവേളി – ചെന്നൈ സെൻട്രൽ എക്സ്പ്രസ് സ്പെഷൽ നാലിനും സാങ്കേതിക കാരണങ്ങളാൽ റദ്ദ് ചെയ്തതായും ദക്ഷിണ റെയിൽവേ അധികൃതർ അറിയിച്ചു.
➖️➖️➖️➖️➖️➖️➖️➖️
