ഉഷാചന്ദ്രൻ
പ്രണയത്തിന്റെ സൂത്രവാക്യങ്ങൾ
കളങ്കപ്പെടാറുണ്ട്
ചിലയിടങ്ങളിലെങ്കിലും,
എത്ര ക്രിയ ചെയ്താലും
ശരിയാവാതെ.
മനക്കണക്കാണ്‌ ജയിക്കാനെളുപ്പം,
വഴിയറിയാമെങ്കിൽ!
നേരായവഴി കണ്ടുപിടിക്കാൻ
മനസ്സിരുത്തിയേ പറ്റൂ!
ഒറ്റയടിക്ക് കണക്കു തീർക്കാനുള്ള
ദുര മൂത്ത്;
ഉത്തരം കണ്ടെത്താൻ
വഴിക്കണക്ക് നോക്കുന്നവർ,
യുക്തിയും തത്ത്വവും വിളമ്പി,
ഗണിത-ജനിതകശാസ്ത്രത്തെയും
ദർശനങ്ങളെയും കൂട്ടുപിടിച്ച്,
കുറുക്കുവഴിയിലൂടെ നടക്കുന്നത്,
അത് തോൽവിയിലേക്കുള്ള
യാത്രയാണെന്നറിയാതെയാണ് .
മാനവികതയാണ്, മനസ്സാക്ഷിയാണ്
മുഖ്യം എന്നുറക്കെപ്പറഞ്ഞ്,
ആർദ്രതയുടെ ഇടവഴികളിൽ ഊഷ്മള
സ്നേഹം നിരത്തിവച്ചു മനസ്സെന്ന
സർവ്വജ്ഞൻ നിലകൊള്ളുമ്പോൾ,
പ്രണയത്തിന്റെ ലോകത്തുനിന്ന്
നിങ്ങൾ തോറ്റു മടങ്ങിയേ മതിയാവൂ!
ചിന്താ പ്രഭാതം 
മലയാളി മനസ്സ് — ആരോഗ്യ വീഥി 
മെയ്ദിന ഓർമ്മകൾ
കാഷ്മീർത്താഴ്വര – കണ്ണീർത്താഴ്വര
♥️പിറന്നാൾ ആശംസകൾ 
—20-4-2025.
വാർത്തകൾ ഒറ്റനോട്ടത്തിൽ
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
(മേരി ജോസി മലയിൽ,
ചിരിപ്പിക്കാം!