കോട്ടയ്ക്കൽ.–റമസാൻ മാസം മുഴുവൻ കോട്ടൂർ സലഫി മസ്ജിദിൽ ഇമാമായിരുന്ന ബീഹാർ സ്വദേശിക്ക് സ്നേഹോഷ്മളമായ യാത്രയയപ്പ്. അബൂദുജാലൻ എന്ന ഇരുപത്തിരണ്ടുകാരനെയാണ് മസ്ജിദ് കമ്മിറ്റി ഭാരവാഹികൾ നാട്ടിലേക്കു യാത്രയാക്കിയത്. ഖുർആൻ മന:പാഠമാക്കിയ ഈ യുവാവാണ് ഖുർആൻ പാരായണത്തിനും നമസ്കാരത്തിനും നേതൃത്വം നൽകിയത്. വി.പി.മൊയ്തുപ്പ ഹാജി, മലായി കുഞ്ഞാൻ ഹാജി, മുഹമ്മദ്കുട്ടി തറവാട്ടിങ്ങൽ, പി.ടി.മമ്മു ഹാജി, കോരൻതിരുത്തി അഹമ്മദ് കുട്ടി തുടങ്ങിയവരുടെ നേതൃത്വത്തിലാണ് യാത്രയയപ്പ് നൽകിയത്.
— – – – – – – – – –
ബീഹാർ സ്വദേശിയായ യുവാവിന് യാത്രയയപ്പ്
