“പൊന്നൊളിതൂകി കതിരവനെത്തി
പുഞ്ചിരിതൂകി ഉണർന്നീടാം..
ഓരോദിനവും ഒരുവരദാനം
ഓർത്തുവണങ്ങാം ഈശ്വരനെ..”
ശുഭദിനം..
“ഒരു പാത്രം വെള്ളത്തിൽ തിളവരുന്നത് ശ്രദ്ധിച്ച് ഇരുന്നാൽ ആദ്യം ഒരു കുമിള പൊന്തിവരുന്നത് കാണാം. പിന്നെ ഒന്ന്, പിന്നെ ഒന്ന്, അങ്ങനെ പല കുമിളകൾ ഒന്നിച്ചു പൊന്തിവന്ന് വെള്ളം മുഴുവനായും തിളച്ചു മറിയുന്നു. ഈ ലോകവും അതുപോലെയാണ്. ഓരോ മനുഷ്യർ ഓരോ കുമിള .! ഓരോ രാജ്യക്കാർ അനേകം കുമിളകൾ..! ക്രമത്തിൽ ഈ രാജ്യക്കാരെല്ലാം യോജിക്കുന്നു. ഇന്നു കാണുന്ന ഭിന്നിപ്പുകൾ ഇല്ലാതായി സർവ്വൈക ലക്ഷ്യമായ ഏകത വരുമെന്ന് എനിക്കുറപ്പുണ്ട്.”
– സ്വാമി വിവേകാനന്ദൻ
ലോകർ മുഴുവനും ഒന്നാണെന്നും ഭിന്നതകൾ എല്ലാം മാറി ഐക്യത്തിൽ ആയിരിക്കണം മനുഷ്യജീവിതമെന്നുമുള്ള ആഹ്വാനവും നാം അപ്രകാരം ആയിത്തീരുമെന്ന പ്രതീക്ഷയും നൽകുന്ന സ്വാമി വിവേകാനന്ദൻ്റെ പ്രസിദ്ധമായ മൊഴികൾ..
ബഹുസ്വരതയുടെ വഴികൾതേടി ഇന്നും ലോകം അലയുമ്പോൾ ഭാരതദർശനത്തിൽ സാഹോദര്യത്തിൻ്റെ മധുരം ചാലിച്ച പുണ്യ പ്രഭാവൻ്റെ ചിന്തകളിൽ കാലങ്ങൾക്ക് മുമ്പെ വിടർന്ന സ്നേഹ വസന്തമായ ദർശനങ്ങൾ..
”നീർക്കുമിളകളായ നമ്മൾ…”
”അഹങ്കരിക്കാനൊന്നുമില്ലാത്ത നമ്മൾ…”
കേവലം ഒരു ശ്വാസം മാത്രമായ നമ്മളേവരും ഒരുപോലെ.
അഹങ്കാരത്താൽ നിലംപരിശായ ശക്തമായ കഥാപാത്രങ്ങൾ ഇതിഹാസങ്ങളിൽ അനേകം നമുക്ക് കാണാം..
വിജയിക്കാമെന്നറിഞ്ഞിട്ടും; അഹങ്കാരത്തിൻ്റെ കണികപോലും ഇല്ലാതെ; വിനയാന്വിതനായിരുന്ന ശ്രീരാമനേയും നമുക്ക് കാണാം.
ചാപം കുലയ്ക്കാൻ അഹങ്കാരത്തോടെ തന്നെ വെല്ലുവിളിച്ച പരശുരാമനോട് ശ്രീരാമൻ പറയുന്ന മറുപടി ഇങ്ങനെ..
” വില്ലിങ്ങു തന്നാലും ഞാനാകിലോ കുലച്ചീടാ-
മല്ലെങ്കിലതിരുവുള്ളക്കേടുമുണ്ടാകവേണ്ട..”
സാദ്ധ്യമെന്നറിഞ്ഞിട്ടും ശ്രീരാമൻ നൽകിയ മറുപടിയും തുടർന്നുള്ള വിജയവും ഏവർക്കും പരിചിതം..
അഹം +കാര എന്ന സംസ്കൃത പദത്തിൻ്റെ അർത്ഥം തന്നെപ്പറ്റിത്തന്നെയുള്ള അതിരുകടന്ന മതിപ്പ്, ഗർവ്വം, ദുരഭിമാനം, അഹന്ത എന്നിങ്ങനെയാണ് .
“When pride comes, then comes dishonor,
But with the humble is wisdom.”
(അഹങ്കാരം വരുമ്പോൾ ലജ്ജയും വരുന്നു; എളിയവരുടെ പക്കലോ ജ്ഞാനമുണ്ട് )
“ദൈവം അഹങ്കാരികളെ ചെറുക്കുന്നു എന്നാൽ എളിമയുള്ളവർക്ക് കൃപ നൽകുന്നു”
എന്നിങ്ങനെ വി. ബൈബിൾ സാക്ഷിക്കുന്നു.
“കാണും സഹചരിൽ
ചെറിയവരില്ലാരും..
സാഹചര്യങ്ങളിലന്തരം
കാണാമതു നൂനം”
ജീവിതസാഹചര്യങ്ങൾ വ്യത്യസ്തമെങ്കിലും ഏവരും ഒരുപോലെ. നീയും ഞാനും ഓരോ നീർക്കുമിള മാത്രമെന്ന സത്യം ചിന്തയിലും വാക്കിലും പ്രവൃത്തിയിലും കാത്തുസൂക്ഷിച്ച് ജീവിതയാത്ര തുടരാം…
എല്ലാ പ്രിയപ്പെട്ടവർക്കും നല്ല ഒരു ശുഭദിനം ആശംസിക്കുന്നു.
സ്നേഹപൂർവ്വം
മലയാളി മനസ്സ് — ആരോഗ്യ വീഥി 
വാർത്തകൾ ഒറ്റനോട്ടത്തിൽ
കുട്ടീസ് കോർണർ 
സിനിമ ലോകം
സ്ട്രോബറി പാലട 
മെയ്ദിന ഓർമ്മകൾ
♥️പിറന്നാൾ ആശംസകൾ 
—20-4-2025.
(മേരി ജോസി മലയിൽ,
ചിരിപ്പിക്കാം!