Logo Below Image
Tuesday, August 19, 2025
Logo Below Image
Homeഅമേരിക്കപെട്ടന്ന് തയ്യാറാക്കാൻ പറ്റുന്ന അച്ചപ്പം ✍ റീന നൈനാൻ, മാജിക്കൽ ഫ്ലേവേഴ്സ്

പെട്ടന്ന് തയ്യാറാക്കാൻ പറ്റുന്ന അച്ചപ്പം ✍ റീന നൈനാൻ, മാജിക്കൽ ഫ്ലേവേഴ്സ്

റീന നൈനാൻ, മാജിക്കൽ ഫ്ലേവേഴ്സ്

ഇന്ന് ഞാൻ പരിചയപ്പെടുത്തുന്നത് എല്ലാവർക്കും അറിയാവുന്നതും, പെട്ടന്ന് തയ്യാറാക്കാൻ പറ്റുന്നതുമായ അച്ചപ്പത്തിന്റെ റെസിപ്പി ആണ്. ഇത് എങ്ങനെയാണ് തയ്യാറാക്കുന്നത് എന്ന് നമുക്ക് നോക്കാം.

ആവശ്യമായ ചേരുവകൾ
🥥🌾🧂🥛🫗🧂🍚🍚🥥🥥🌾

1️⃣ വറുത്ത അരിപ്പൊടി (പത്തിരി, ഇടിയപ്പം ഒക്കെ ഉണ്ടാക്കുന്ന പൊടി )- 3 കപ്പ്‌
2️⃣ തേങ്ങാപാൽ (നല്ല കട്ടി പാൽ )- രണ്ടേകാൽ കപ്പ്
3️⃣ പഞ്ചസാര – അര കപ്പ്‌
4️⃣ എള്ള് – ഒന്നേകാൽ ടീസ്പൂൺ
5️⃣ മുട്ട – 2 എണ്ണം
6️⃣ വെളിച്ചെണ്ണ – ആവശ്യത്തിന്
7️⃣ ഉപ്പ് – 2 നുള്ള്

തയ്യാറാക്കുന്ന വിധം
♨️🫕♨️🍲♨️🫕♨️🍲♨️

⏺️ ഒരു മിക്സിയിൽ മുട്ട, പഞ്ചസാര, ഉപ്പ്, തേങ്ങാ പാൽ ഇത്രയും നന്നായി അടിച്ച് ഒരു പാത്രത്തിലേക്ക് മാറ്റി അരിപ്പൊടി കുറേശ്ശെ ആയി ചേർത്ത് നന്നായി ഇളക്കുക (കട്ട ഒന്നും ഇല്ലാതെ). ദോശ മാവിലും കുറച്ചു മാത്രം അയച്ചു വേണം ബാറ്റർ തയ്യാറാക്കാൻ. ഇതിലേക്ക് എള്ള് ചേർത്ത് നന്നായി ഇളക്കി കൊടുത്ത് 10 മിനിറ്റ് മാറ്റി വെക്കുക.

⏺️ ചുവട് കട്ടിയുള്ള ചീനച്ചട്ടി അടുപ്പിൽ വെച്ച് ചൂടാകുമ്പോൾ എണ്ണ ഒഴിച്ച് നന്നായി ചൂടാകുമ്പോൾ അച്ചപ്പത്തിനുള്ള അച്ച് എണ്ണയിൽ മുക്കി ഇടുക. (ബാറ്റർ അച്ചിൽ പിടിച്ചാൽ മാത്രമേ അച്ചപ്പം ഉണ്ടാക്കാൻ പറ്റുകയുള്ളു. അതുകൊണ്ടാണ് അച്ച് എണ്ണയിൽ മുക്കി എപ്പോഴും ഇടുന്നത്.)

⏺️ ഇനി നല്ല ചൂടോടുകൂടിയ അച്ചിന്റെ മുക്കാൽ ഭാഗം മാവിൽ മുക്കി എണ്ണയിൽ വെക്കുക. അല്പം കഴിയുമ്പോൾ അച്ചിൽ നിന്നും അച്ചപ്പം എണ്ണയിലേക്ക്‌ വീഴും. ഇല്ലെങ്കിൽ പതുക്കെ അച്ച് ഒന്ന് തട്ടികൊടുക്കുക. എന്നിട്ട് തിരിച്ചും മറിച്ചും ഇട്ട് കരിഞ്ഞുപോകാതെ മുഴുവനും വറുത്തെടുക്കുക. ഓരോ പ്രാവശ്യവും മാവ് ഇളക്കിയിട്ടു വേണം അച്ച് മാവിൽ മുക്കാൻ.

⏹️ രുചികരമായ പ്രത്യേകിച്ചും നാലുമണി പലഹാരം ആയി കഴിക്കാൻ പറ്റുന്ന ഈ അച്ചപ്പം എല്ലാവരും ഉണ്ടാക്കി നോക്കണേ…

റീന നൈനാൻ, മാജിക്കൽ ഫ്ലേവേഴ്സ്

RELATED ARTICLES

9 COMMENTS

  1. ഈ recipe ക്ക് വേണ്ടി നോക്കിയിരിക്കെയായിരുന്നു. അച്ച് വാങ്ങീട്ട് ആറ് മാസമായി 😆 thank you for sharing this easy recipe.

Leave a Reply to Cicy Binoy Cancel reply

Please enter your comment!
Please enter your name here

അസ്വീകാര്യമായ, നിയമവിരുദ്ധമായ, അപകീര്‍ത്തികരമായ വാക്കുകൾ ഉപയോഗിക്കുക പാടില്ല. വ്യക്തിഗത ആക്രമണങ്ങളും ഉണ്ടാകരുത്. ഇത്തരത്തിലുള്ള പ്രവർത്തനങ്ങൾ സൈബർ നിയമപ്രകാരം കുറ്റമായിരിക്കും. എഴുതുന്നവരുടെ സ്വകാര്യ അഭിപ്രായങ്ങളാണ്.

Most Popular

Recent Comments

അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ
WP2Social Auto Publish Powered By : XYZScripts.com