🌹 ചിന്താ പ്രഭാതം 🌹 – 2024 | ഒക്ടോബർ 11 | വെള്ളി ✍ ബേബി മാത്യു അടിമാലി

വിജയം നമ്മുടെ മടിയിൽ വന്നു വീഴുന്നതല്ല നാമതിന്റെ പിന്നാലെ കുതിക്കുകയാണ് വേണ്ടത്. അലസത ബാധിച്ചാൽ പ്രവർത്തനത്തിനുള്ള ഉത്സാഹവും ചേതനയും നഷ്ടപ്പെടും എന്നോർക്കുക. പരാജയം നമ്മെ നിരാശരോ നിഷ്ക്രിയരോ ആക്കാൻ അനുവദിച്ചുകൂടാ നമ്മുടെ പ്രതീക്ഷകൾ മങ്ങിപ്പോകാൻ ഒരിക്കലും ഇടയാക്കരുത്.

നമ്മുടെ ഇച്ഛാശക്തി പ്രയോഗക്ഷമമാക്കുക തീക്ഷ്ണമായ ആഗ്രഹവും തീവ്രമായ ഇച്ഛാശക്തിയും പരാജയങ്ങളെ അതിജീവിച്ചു മുന്നേറാനുള്ള ചാലകശക്തിയാണ്.

വിജയത്തെ നാം ദർശിക്കുകയും സ്വപ്നം കാണുകയും ചെയ്യണം. വിജയത്തെക്കുറിച്ചുള്ള ദർശനവും‌ തീവ്രമായ ചിന്തയുമാണ് പ്രവർത്തിക്കാനുള്ള ഊർജ്ജം നമുക്കു പകരുന്നത്. നിങ്ങൾക്ക് ചെയ്യാനിഷ്ടമില്ലാത്ത ഒരു കാര്യത്തിന് ആരെങ്കിലും നിർബന്ധിച്ചാൽ ദൃഢമായ രീതിയിൽ ഇല്ല എന്നുതന്നെ പറയാൻ ശീലിക്കണം..

നിങ്ങൾക്ക് ചെയ്യാനാഗ്രഹമുള്ളതും ഏന്നാൽ തല്ക്കാലം സാധ്യമല്ലാത്തതുമാണ് കാര്യമെങ്കിൽ ഞാനത് ഇഷ്ടപെടുന്നു പക്ഷെ ഇപ്പോൾ എനിക്കത് ചെയ്യാൻ സാധ്യമല്ല ,പിന്നീട് ചെയ്യാം എന്ന് പറയുക.

ഉറച്ച തീരുമാനത്തിന്റെ അഭാവം, ആളുകളെ നിരസിക്കാനുള്ള ഭയം, അയഞ്ഞ സമീപന രീതി ഇതെല്ലാം നമുക്ക് അവസരങ്ങൾ നഷ്ടപെടുത്തുന്നതാണ് എന്ന് മനസിലാക്കുക.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി