🌹 ചിന്താ പ്രഭാതം 🌹 – 2024 | നവംബർ 10 | ഞായർ ✍ ബേബി മാത്യു അടിമാലി

ജീവിതം സുഖ ദു:ഖ സമ്മിശ്രമാണ് . പ്രശ്നങ്ങളും പ്രതിസന്ധികളും നിരന്തരം ഉണ്ടായിക്കൊണ്ടിരിക്കും. അവയോടുള്ള നമ്മുടെ സമീപനം എങ്ങനെയാണ് എന്നുള്ളതാണ് പ്രധാനം.

എന്തിനെയും പോസിറ്റീവ് ആയി മാത്രം കാണാൻ ശ്രമിക്കുക. നന്നായി ശ്രമിച്ചാൽ നമുക്കതിന് കഴിയും.

ചിലപ്പോൾ നമ്മളെ അത്യധികം വേദനിപ്പിക്കുന്ന ഒരു സംഭവം ജീവിതത്തിൽ നടന്നിരിക്കാം. ആ സമയത്ത് ആ സംഭവം നമ്മുടെ ജീവിത്തെ തന്നെ മാറ്റിമറിച്ചിരിക്കാം. ജീവിതം അവസാനിപ്പിക്കുന്നതിനെ കുറിച്ചു പോലും അന്ന് ചിന്തിച്ചിരിക്കാം എന്നാൽ കുറേ കാലം കഴിഞ്ഞു തിരിഞ്ഞു നോക്കുമ്പോൾ മിക്കപ്പോഴും ആ ദുഃഖ സാഹചര്യങ്ങൾ ആകും നമ്മുടെ വിജയത്തിന്റെ കാരണമായി മാറിയിട്ടുണ്ടാവുക.

“സംഭവിച്ചതെല്ലാം നല്ലതിന്, ഇപ്പോൾ സംഭവിക്കുന്നതും നല്ലതിന്.. ഇനി സംഭവിക്കാൻ പോകുന്നതും നല്ലതിന് .” എന്ന് ചിന്തിച്ച് മുന്നോട്ട് പോവുക. . ഈ ലോകം എന്തെന്നും എങ്ങിനെയെന്നും നമ്മളെ അറിയിക്കാനും നമ്മളെ കൂടുതൽ കരുത്തരും നല്ലവരാക്കാനുമാകും കാലം നമുക്ക് കൂടുതൽ കൂടുതൽ ദുഃഖ അനുഭവങ്ങളെ മനസ്സിലാക്കി തരുന്നത്.

ആ ദുഖത്തിലൂടെ കടന്നുവരുന്ന ഒരുവന് ജീവിതം എന്തെന്ന് എളുപ്പത്തിൽ മനസ്സിലാക്കാനാകും. നമുക്കുള്ളിലെ നന്മയെ കൂടുതൽ തിരിച്ചറിയാനാകും.

എത് കൂരിരുട്ടിനുമപ്പുറം പ്രതീക്ഷയുടെ പുതിയ പുലരികൾ നമ്മെ കാത്തിരിക്കുന്നുണ്ടെന്ന് ഓർക്കുക.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി