സുരേഷ് ഗോപിക്ക് എതിരെ പരാതിയുമായി ബിജെപി നേതാവ്. പാര്‍ട്ടി പ്രവര്‍ത്തകരെ സുരേഷ് ഗോപി അപമാനിച്ചു. മെമ്മോറാണ്ടം നല്‍കാന്‍ വന്നവരെ നിങ്ങളുടെ എം.പിയല്ലെന്ന് പറഞ്ഞ് അധിക്ഷേപിച്ചു. ചങ്ങനാശ്ശേരി നിയോജക മണ്ഡലം ജനറല്‍ സെക്രട്ടറി കണ്ണന്‍ പായിപ്പാടാണ് പ്രധാനമന്ത്രിക്ക് പരാതി അയച്ചത്.
സുരേഷ് ഗോപി പ്രവര്‍ത്തകരെ കളിയാക്കിയെന്നും ബിജെപിയെ അപമാനിച്ചുവെന്നും പരാതിയില്‍ പറയുന്നു. ഇത് ആവര്‍ത്തിക്കാതിരിക്കാന്‍ പ്രധാനമന്ത്രി ഇടപെടണമെന്ന് പരാതിയില്‍ പറയുന്നു.
