കൊളോണ്‍: യൂറോ കപ്പ് ഗ്രൂപ്പ് എയിലെ സ്‌കോട്ട്‌ലന്‍ഡ് – സ്വിറ്റ്‌സര്‍ലന്‍ഡ് മത്സരം സമനിലയില്‍. ഇരു ടീമും ഓരോ ഗോള്‍വീതം നേടി.
13-ാം മിനിറ്റില്‍ സ്‌കോട്ട് മക്ടോമിനായുടെ ഗോളിലൂടെ സ്കോട്ട്ലൻഡാണ് ആദ്യം ലീഡ് നേടിയത്. 26-ാം മിനിറ്റില്‍ ഷെര്‍ദാന്‍ ഷാക്കിരിയിലൂടെയായിരുന്നു സ്വിറ്റ്‌സര്‍ലന്‍ഡ് തിരിച്ചടിച്ചത്.
പിന്നീട് ഇരു ടീമുകളും നിരവധി അവസരങ്ങള്‍ നഷ്ടപ്പെടുത്തി. രണ്ടു കളികളില്‍ നിന്ന് നാലു പോയിന്‍റുമായി സ്വിറ്റ്‌സര്‍ലന്‍ഡ് ഗ്രൂപ്പില്‍ രണ്ടാമത് തുടരുന്നു. മൂന്നാം സ്ഥാനത്തുള്ള സ്‌കോട്ട്‌ലന്‍ഡിന് ഒരു പോയിന്‍റാണുള്ളത്.
