സ്നേഹ സന്ദേശം
“പൊന്നൊളിതൂകി കതിരവനെത്തി
പുഞ്ചിരിതൂകി ഉണർന്നീടാം..
ഓരോദിനവും ഒരുവരദാനം
ഓർത്തുവണങ്ങാം ഈശ്വരനെ..”
ശുഭദിനം..
“Living is the art of getting used
to what we did’nt expect”
– Eleanor C Wood
(ജീവിക്കുന്നത് നമ്മൾ പ്രതീക്ഷിക്കാത്ത കാര്യങ്ങളുമായി പൊരുത്തപ്പെടാനുള്ള കലയാണ് )
ജീവിതമെന്ന മനോഹരമായ കലയെ ഇത്രയേറെ സുന്ദരമായി വ്യാഖ്യാനിച്ച എലനോർ സി. വുഡിൻ്റെ ഈ വാക്കുകൾ ലോക പ്രശസ്തമാണ്.
തൻ്റെ ചുറ്റുപാടുകളോടും സഹജീവികളോടും പൊരുത്തപ്പെടാനാവാതെ വരുമ്പോൾ , ദാനമായി ഈ ഭൂമിയിൽ ലഭിച്ച ജീവിതത്തോടു പോലും സമരസപ്പെടാനും അതുമായി ഇണങ്ങി കഴിയാനും സാധിക്കാതെ വരുമ്പോൾ, ഉണർന്ന് ചിന്തിപ്പിക്കുവാൻ ഈ വാക്കുകൾ പ്രേരിപ്പിക്കും എന്നതിൽ തർക്കമില്ല.
ഇന്നേവരെ ജീവിതം തന്ന മുറിവുകൾ..
ഇന്നേവരെ ചേർന്നു നിന്നവർ തന്ന നൊമ്പരങ്ങൾ..
ഇന്നേവരെ നാം എടുത്ത തീരുമാനങ്ങളിൽ വന്നുപോയ പാകപ്പിഴകൾ..
ഇന്നേവരെ നാം താണ്ടിയ ദുരിതപാതകൾ..
എല്ലാം ഇപ്പോഴത്തെ ജീവിതത്തോട് പൊരുത്തപ്പെടാൻ ആവാത്ത വിധം മനസ്സിനെ മാറ്റിയിരിക്കാം.
തോമസ് ജെഫേഴ്സൻ അതിനുള്ള ഉത്തരം സ്വന്തം അനുഭവത്തിൽ നിന്ന് കൃത്യമായി നൽകിയിരിക്കുന്നു.
“ഭൂതകാല ചരിത്രത്തേക്കാൾ എനിക്ക് ഭാവിയുടെ സ്വപ്നങ്ങൾ ഇഷ്ടമാണ്.”
അതെ , ഭൂതകാലത്തിൻ്റെ കയ്പേറിയ ദിനങ്ങൾ മനപ്പൂർവ്വം മറന്നുകളഞ്ഞ് ഭാവിയിലെ നന്മകൾ സ്വപ്നം കാണുക എന്നതാണ് അതിനുത്തരം..!
“ദു:ഖിച്ചിരിക്കുന്ന മനസ്സേ…
നീയോർക്കുക..
നെടുവീർപ്പിടുന്ന മനസ്സേ..
നീയോർക്കുക..”
“നല്ലതാം നാളുകൾ വരുമിനിയും..
ശാന്തമാവുക…നീയൊന്നു ചിരിക്കുക..”
ഈ വരികൾ മുന്നോട്ട് നീങ്ങാൻ ശക്തി പകരും.
ആൽബർട്ട് ഐൻസ്റ്റീൻ ജീവിതത്തെ ഉപമിച്ചിരിക്കുന്നത് നോക്കുക..
“ജീവിതം സൈക്കിൾ ചവിട്ടുന്നതുപോലെയാണ്..!ബാലൻസ് തെറ്റാതിരിക്കണമെങ്കിൽ നീങ്ങികൊണ്ടേയിരിക്കണം ”
ജീവിതം മുന്നോട്ട് നീങ്ങിക്കൊണ്ടിരിക്കണം…
നിർത്താതെ..പിന്തിരിഞ്ഞു നോക്കാതെ.. മുന്നോട്ട്..
ഇനിയും മുന്നോട്ട്..
മദർ തെരേസ ജീവിതത്തെക്കുറിച്ച് എഴുതിയ വരികളിലൂടെ ഒന്ന് കണ്ണോടിച്ചാൽ, അതിൻ്റെ അർത്ഥമറിഞ്ഞ് ജീവിതത്തെ നോക്കിക്കണ്ടാൽ, ജീവിതമെന്ന ഗാനം നമുക്ക് മനോഹരമായി പാടാനാവും.
ആ വരികൾ ഇങ്ങനെയാണ്..
ജീവിതം അവസരമാണ്..
ഉപയോഗിക്കുക.
ജീവിതം സൗന്ദര്യമാണ്..
ആസ്വദിക്കുക.
ജീവിതം അനുഗ്രഹമാണ്..
അനുഭവിക്കുക.
ജീവിതം കിനാവാണ് .. സഫലീകരിക്കുക .
ജീവിതം വെല്ലുവിളിയാണ് ..
നേരിടുക.
ജീവിതം കർത്തവ്യമാണ് .. നിർവഹിക്കുക.
ജീവിതം മത്സരക്കളിയാണ് ..
കളിച്ചുതീർക്കുക.
ജീവിതം വിലയേറിതാണ് ..
ശ്രദ്ധിക്കുക.
ജീവിതം സമ്പത്താണ് ..
സംരക്ഷിക്കുക.
ജീവിതം സ്‌നേഹമാണ് ..
അനുഭവിക്കുക.
ജീവിതം നിഗൂഢരഹസ്യമാണ് ..
മനസിലാക്കുക.
ജീവിതം വാഗ്ദാനമാണ് ..
നിറവേറ്റുക.
ജീവിതം ദുഃഖമാണ് ..
കീഴടക്കുക.
ജീവിതം ഗാനമാണ് ..
ആലപിക്കുക.
ജീവിതം സമരമാണ് ..
അംഗീകരിക്കുക.
ജീവിതം ദുരന്തനാടകമാണ് ..
നേരിടുക.
ജീവിതം സാഹസമാണ് ..
അഭിമുഖീകരിക്കുക.
ജീവിതം ജീവനാണ് ..
കാത്തുരക്ഷിക്കുക.
ജീവിതം ഭാഗ്യമാണ് ..
ഭാഗഭാക്കാകുക.
ജീവിതം അനർഘമാണ് ..
നശിപ്പിക്കാതിരിക്കുക.
ജീവിതമാകുന്ന ഗാനം മനോഹരമായി പാടുവാൻ അഗതികളുടെ അമ്മ കുറിച്ചിട്ട ഈ വരികൾ എന്നും ഓർത്തുവെയ്ക്കാം
എല്ലാ പ്രിയപ്പെട്ടവർക്കും നല്ല ഒരു ദിനം ആശംസിക്കുന്നു…
പ്രൊഫസ്സർ എ.വി. ഇട്ടി, മാവേലിക്കര
ചിന്താ പ്രഭാതം 
മലയാളി മനസ്സ് — ആരോഗ്യ വീഥി 
മെയ്ദിന ഓർമ്മകൾ
♥️പിറന്നാൾ ആശംസകൾ 
—20-4-2025.
വാർത്തകൾ ഒറ്റനോട്ടത്തിൽ
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
(മേരി ജോസി മലയിൽ,
ചിരിപ്പിക്കാം!