സ്നേഹ സന്ദേശം
“പൊന്നൊളിതൂകി കതിരവനെത്തി
പുഞ്ചിരിതൂകി ഉണർന്നീടാം..
ഓരോദിനവും ഒരുവരദാനം
ഓർത്തുവണങ്ങാം ഈശ്വരനെ..”
ശുഭദിനം..
“സംസാരിക്കാൻ പഠിക്കുന്നത്
പോലെ നിങ്ങൾ മിണ്ടാതിരിക്കാനും
പഠിക്കണം”
– വിർജീനിയ വൂൾഫ്
“നിശ്ശബ്ദത എന്നത് ജീവിതത്തിൽ ഇടയ്ക്കൊക്കെ ഒന്ന് പ്രാവർത്തികമാക്കാൻ ശ്രമിച്ചാൽ ശബ്ദമുയർത്തുകയും അതുമൂലം നേരിടേണ്ടി വരുന്ന പ്രത്യാഘാതങ്ങളിൽ നിന്നും തുടർന്നുണ്ടായേക്കാവുന്ന ദു:ഖങ്ങളിൽ നിന്നും തീർച്ചയായും നിങ്ങൾ മോചിതരാകും..
കാരണം അത്രയും സുന്ദരമായ ഭാവമാണ് നിശ്ശബ്ദത..
ശാന്തമായ തടാകം പോലെ മോഹനമാണ് നിശ്ശബ്ദത..
നിങ്ങൾ ഒന്നും പറയാതെ തന്നെ എല്ലാം പറയാനാവുന്നത് നിശ്ശബ്ദതയിലൂടെ മാത്രമാണ് ”
നിശ്ശബ്ദതയുടെ മനോഹാരിത അറിയുകയും ജീവിതത്തിൽ പകർത്തുകയും അത് ലോകത്തിനായ് പകർന്നു നൽകുകയും ചെയ്ത മഹത്തുക്കളുടെ പത്ത് മൊഴികളിലൂടെ
ഈ പൊൻപുലരിയിൽ നമുക്ക് ശാന്തമായൊന്ന് യാത്ര ചെയ്യാം..
ഒന്ന്
“ശാന്തമായ മനസ്സ്
കിരീടത്തേക്കാൾ
സമ്പന്നമാണ്.”
റോബർട്ട് ഗ്രീൻ
രണ്ട്
“നിശ്ശബ്ദത ശ്രദ്ധിക്കുക.
അതിന് ഒരുപാട് പറയാനുണ്ട്.”
റൂമി
മൂന്ന്
“നിശ്ശബ്ദതയാണ് ചിലപ്പോൾ
ഏറ്റവും നല്ല ഉത്തരം.”
ദലൈലാമ
നാല്
“ഹൃദയമില്ലാത്ത വാക്കുകളേക്കാൾ
വാക്കുകളില്ലാത്ത ഹൃദയം
ഉണ്ടായിരിക്കുന്നതാണ് പ്രാർത്ഥനയിൽ നല്ലത് .”
മഹാത്മാ ഗാന്ധി
അഞ്ച്
“നിങ്ങൾക്ക് ഒന്നും
പറയാനില്ലാത്തപ്പോൾ
ഒന്നും പറയരുത്.”
ചാൾസ് കാലേബ് കോൾട്ടൺ
ആറ്
“നിങ്ങളുടെ സംസാരം
നിശ്ശബ്ദതയേക്കാൾ നന്നായിരിക്കട്ടെ
അല്ലെങ്കിൽ മിണ്ടാതിരിക്കുക..”
ഡയണീഷ്യസ് ഒന്നാമൻ
ഏഴ്
” നിശ്ശബ്ദതയിലും
നിങ്ങൾ ദൈവത്തെ അഭിമുഖീകരിക്കുകയാണെങ്കിൽ
ദൈവം നിങ്ങളോട് സംസാരിക്കും.
അപ്പോൾ നിങ്ങൾ ഒന്നുമല്ലെന്ന്
നിങ്ങൾ മനസ്സിലാക്കും. നിങ്ങളുടെ
ഒന്നുമില്ലായ്മയും ശൂന്യതയും
നിങ്ങൾ തിരിച്ചറിയുമ്പോൾ മാത്രമേ
ദൈവത്തിന് നിങ്ങളെ തന്നിൽ
നിറയ്ക്കാൻ കഴിയൂ.
പ്രാർത്ഥനയുടെ ആത്മാക്കൾ
വലിയ നിശ്ശബ്ദതയുടെ
ആത്മാക്കളാണ് ”
മദർ തെരേസ
എട്ട്
“നിങ്ങളുടെ നിശ്ശബ്ദത
മനസ്സിലാക്കാത്ത ഒരാൾക്ക്
നിങ്ങളുടെ വാക്കുകൾ മനസ്സിലാകില്ല.”
എൽബർട്ട് ഹബ്ബാർഡ്
ഒമ്പത്
“ശരീരത്തിന് ഏറ്റവും നല്ല
പ്രതിവിധി ശാന്തമായ മനസ്സാണ്.”
നെപ്പോളിയൻ ബോണപാർട്ട്
പത്ത്
“നിശ്ശബ്ദത ഒരു സംഭാഷണം
കൂടിയാണ്. ”
രമണ മഹർഷി
“നിങ്ങൾ ശക്തമായ വാക്കുകൾക്കും അനാവശ്യമായ തർക്കങ്ങൾക്കും
അപക്വമായ സംസാരത്തിനും മുതിരും മുമ്പ്, ചിലതെല്ലാം കേട്ട് കോപത്താൽ പ്രതികരിക്കും മുമ്പ് , കുടുംബത്തിലും സമൂഹത്തിലും
വാക്കേറുന്നതിലൂടെയുണ്ടാക്കുന്ന അശാന്തിയിലേക്ക് കാര്യങ്ങൾ
ചെന്നെത്തും മുമ്പ്’ ‘നിശ്ശബ്ദതയെന്ന ഭാവം നമുക്കും ഈ പ്രകൃതിയിലെ സകലതിനും ഈശ്വരൻ നൽകിയിട്ടുണ്ടല്ലോ…? അതിലൂടെ ഈ നിമിഷം ഒന്ന് കടന്നു പോകാം..’എന്ന് ചിന്തിക്കുവാനായാൽ എത്ര സുന്ദരമാകും പിന്നീടുള്ള നിമിഷങ്ങൾ എന്ന് മനസ്സിലാക്കാനാവും..”
നിശ്ശബ്ദതയെക്കുറിച്ച് മുകളിൽ പറഞ്ഞ മഹത്തായ ചിന്തകളെല്ലാംതന്നെ അത്രയും ലളിതമെന്നതിനാൽ കൂടുതൽ വ്യാഖ്യാനങ്ങൾക്കോ വിശദീകരണങ്ങൾക്കോ സാംഗത്യമില്ല. അതുകൊണ്ട് ഈ സന്ദേശം ഇത്രമാത്രം എഴുതി ഞാൻ നിശ്ശബ്ദമായി പിൻ വാങ്ങുന്നു .
നിശ്ശബ്ദതയെ സ്നേഹിച്ചവരുടെ ഈ മഹത്തായ മൊഴികൾ നമുക്ക് വഴിവിളക്കാവും എന്നതിൽ തർക്കമില്ല.
ഏവർക്കും നല്ല ഒരു ദിനം ആശംസിച്ചുകൊണ്ട്..
ചിന്താ പ്രഭാതം 
മലയാളി മനസ്സ് — ആരോഗ്യ വീഥി 
വാർത്തകൾ ഒറ്റനോട്ടത്തിൽ
കുട്ടീസ് കോർണർ 
സിനിമ ലോകം
സ്ട്രോബറി പാലട 
മെയ്ദിന ഓർമ്മകൾ
കാഷ്മീർത്താഴ്വര – കണ്ണീർത്താഴ്വര
♥️പിറന്നാൾ ആശംസകൾ 
—20-4-2025.
ചിരിപ്പിക്കാം!