കോട്ടയ്ക്കൽ.–സംസ്ഥാനത്തെ ഏറ്റവും വലിയ ചിത്രകാരസംഗമത്തിന് കോട്ടയ്ക്കൽ വേദിയായി. ”ദ്യുതി ” എന്ന പേരിൽ കേരള ചിത്രകലാ പരിഷത്താണ് ക്യാംപ് സംഘടിപ്പിച്ചത്. സംസ്ഥാന പ്രസിഡണ്ട് സിറിൽ പി.ജേക്കബ് ഉദ്ഘാടനം ചെയ്തു. ആർട്ടിസ്റ്റ് മദനൻ മുഖ്യാതിഥിയായി. വിവിധ ജില്ലകളിൽ നിന്നായി 450ൽപരം ചിത്രകാരൻമാർ പങ്കെടുത്തു.
ശശി താനൂർ, ഡോ.സിജിൻ, പ്രഭാസ് പറപ്പൂർ, അടൈകളം ആന്റണി എന്നിവരെ ആദരിച്ചു. സംസ്ഥാന ജനറൽ സെക്രട്ടറി രാജീവ് കോട്ടയ്ക്കൽ, ജില്ലാ സെക്രട്ടറി ജഷീല മാമ്പുഴ, പ്രസിഡണ്ട് ബാബുരാജ് പുൽപ്പറ്റ, ഉണ്ണി ഗ്ലോറി, സി.പി.ജയദേവൻ തുടങ്ങിയവർ പ്രസംഗിച്ചു.
– – – – – –
