ഫിലഡൽഫിയ: രണ്ടായിരത്തി ഒൻപതിൽ ഫിലഡൽഫിയയിൽ തുടക്കം കുറിച്ച് ഇന്ന് ലോകത്തിന്റെ വിവിധ ഭാഗങ്ങളിൽ പടർന്നു പന്തലിച്ചിരിക്കുന്ന ഓർമ ഇൻ്റർനാഷണലിന് പുതിയ ഗ്ലോബൽ വൈസ് പ്രസിഡൻ്റുമാർ.
സി. എ അനു എവിലിൻ (അബു ദാബി), ജോർജ് ഫിലിപ്പ് (ന്യൂസിലാന്റ്റ), ടോജു അഗസ്റ്റിൻ (ഓസ്ട്രേലിയ), മനോജ് വട്ടക്കാട്ട് (കാനഡ), അറ്റോർണി ജേക്കബ് കല്ലൂരാൻ (അമേരിക്ക), നവീൻഷാജി (ദുബായ്), ജെയിംസ് കരീക്കക്കുന്നേൽ (സൗദി അറേബ്യ), ബേബി മാത്യു (തായ്ലൻഡ്), സഞ്ജു സാംസൺ (സിംഗപ്പൂർ), ചെസ്സിൽ ചെറിയാൻ (കുവൈറ്റ്), മാത്യു അലക്സാർ (യൂ. കെ), കെ ജെ ജോസഫ് (ഇന്ത്യ), എന്നിവരാണ് ഗ്ലോബൽ വൈസ് പ്രസിഡന്റുമാർ.
പുതിയ വൈസ് പ്രസിഡന്റുമാരെ ഓർമ്മ ഇന്റർനാഷണൽ പ്രസിഡൻ്റ്, സജി സെബാസ്റ്റ്യൻ . സെക്രട്ടറി ക്രിസ്റ്റി എബ്രഹാം, ട്രെഷറർ റോഷിൻ പ്ലാമൂട്ടിൽ, ട്രസ്റ്റീ ബോർഡ് ചെയർമാൻ ജോസ് ആറ്റുപുറം, ജോസ് തോമസ് ( ടാലെന്റ്റ് ഫോറം ) വിൻസെൻ്റ് ഇമ്മാനുവേൽ (പബ്ലിക് അഫേഴ്‌സ് ) ജോസ് കുന്നേൽ (ലീഗൽ സെൽ ) അരുൺ കോവാട്ട് ( മീഡിയ സെൽ) ജോർജ് നടവയൽ ( മുൻ പ്രസിഡൻ്റ) ഷാജി ആറ്റുപുറം ( ഫിനാൻസ് ഓഫീസർ ) എന്നിവർ അഭിനന്ദിച്ചു സംസാരിച്ചു.
വിദേശ മലയാളികൾക്ക് സാംസ്കാരിക വേദികൾ ഒരുക്കികൊണ്ടും, അവരുടെ സാമൂഹിക പ്രശ്നങ്ങളിൽ ശക്തമായി ഇടപെട്ടുകൊണ്ടും, കുടുംബ മൂല്യങ്ങൾക്ക് പ്രാധാന്യം നൽകികൊണ്ട് അവരെ ഒരു കുടകീഴിൽ അണിനിരുത്തുകയാണ് ഓവർസീസ് റസിഡൻ്റ് മലയാളി അസ്സോസിയേഷൻ അഥവാ, ഓർമ ചെയ്യുന്നത്. ഓർമ അന്താരാഷ്ട്ര പ്രസംഗമത്സരത്തിലൂടെ ലോകമെമ്പാടുമുള്ള മലയാളികളുടെ മനസ്സിൽ കുടിയേറിയ ഒരു മലയാളി സംഘടനയാണ് ഓർമ ഇന്റർനാഷണൽ. പത്തുലക്ഷം രൂപയുടെ സമ്മാനങ്ങളോടൊപ്പം, പലഘട്ടങ്ങളിലായി, പബ്ലിക് സ്പീക്കിംഗ് പരിശീലന പരമ്പര നൽകിക്കൊണ്ടു പ്രസംഗം മത്സരം നടത്തുന്ന ആദ്യത്തെ സംഘടനയെന്ന ബഹുമതിയും ഓർമ്മയ്ക്ക് മാത്രം അവകാശപ്പെടാവുന്നതാണ്.
ഒന്നാം സീസണിൽ 428 പേരും, രണ്ടാം സീസണിൽ 1467 പേരും പങ്കെടുത്ത, മൂന്നു ഘട്ടങ്ങളിലായി നടക്കുന്ന മത്സരങ്ങളുടെ വിജയികൾക്കായി മൂന്നാം സീസണിലും പത്ത് ലക്ഷം രൂപയുടെ ക്യാഷ് അവാർഡുകളാണ് കാത്തിരിക്കുന്നത്. 2025 ജനുവരി 26 മുതൽ ഓഗസ്റ്റ് 9 വരെ മൂന്ന് ഘട്ടങ്ങളിലായാണ് മത്സരം നടക്കുന്നത്. ഓഗസ്റ്റ് 8,9 തീയതികളിൽ പാലായിൽ വെച്ച് ഗ്രാൻഡ് ഫിനാലെ നടത്തപ്പെടും. ഒന്നാം റൗണ്ടിൽ തിരഞ്ഞെടുക്കപ്പെടുന്ന മുഴുവൻ മത്സരാർത്ഥികൾക്കും പ്രസംഗ പരിശീലനം നൽകിയതിനു ശേഷം മത്സരത്തിനു തയ്യാറാക്കുന്ന മറ്റൊരു സംഘടന ഇല്ലെന്നു തന്നെ പറയാം. വിജയികൾക്കു സിവിൽ സർവ്വീസ് പരിശീലനം ലഭിക്കുന്നതിനായുള്ള സ്കോളർഷിപ്പും ഓർമ്മയുടെ സംഘാടകർ ഇന്ത്യയിലെ തന്നെ പ്രശസ്തമായ വേദിക് സിവിൽ സർവ്വീസ് ട്രെയിനിംഗ് അക്കാദമി വഴി ഒരുക്കി നൽകുന്നു. ജനുവരി 26 മുതൽ മാർച്ച് 26 വരെ നീണ്ടുനിൽക്കുന്ന ആദ്യഘട്ട മത്സരങ്ങളിൽ മികച്ച പ്രകടനം കാഴ്ച്‌ച വെക്കുന്ന ജൂനിയർ – സീനിയർ ക്യാറ്റഗറികളിലെ ഇംഗ്ലീഷ് – മലയാളം വിഭാഗം വിദ്യാർത്ഥികളിൽ നിന്നുമായി തിരഞ്ഞെടുക്കപ്പെടുന്ന 25 വീതം വിദ്യാർത്ഥികൾക്ക് രണ്ടാം ഘട്ട മത്സരത്തിൽ പങ്കെടുക്കാം.
മത്സരവും പരിശീലന പരിപാടികളും തികച്ചും സൗജന്യമാണ്. കഴിഞ്ഞ സീസണുകളിൽ ചെയ്തിരുന്നതു പോലെ ഗൂഗിൾ രജിസ്ട്രേഷൻ ഫോം പൂരിപ്പിച്ചയക്കുകയാണ് മത്സരത്തിൽ പങ്കെടുക്കുന്നതിനുള്ള ആദ്യപടി. രജിസ്റ്റർ ചെയ്യുന്ന അവസരത്തിൽ തന്നെ സീനിയർ, ജൂനിയർ, ഇംഗ്ലീഷ്, മലയാളം മത്സരാർത്ഥികൾ ലോക സമാധാനം(World Peace) എന്ന വിഷയത്തെക്കുറിച്ച് മൂന്നു മിനിറ്റൽ കവിയാത്ത പ്രസംഗത്തിൻ്റെ വീഡിയോ ഗൂഗിൾഫോമിലൂടെ അപ്ലോഡ് ചെയ്യണം. ഗൂഗിൾ ഫോമിൽ വീഡിയോ അപ് ലോഡ് ചെയ്യാൻ സാധിക്കാത്ത പക്ഷം ormaspeech@gmail.com എന്ന ഈമെയിലിൽ അയച്ചു നൽകാവുന്നതാണ്. വീഡിയോയുടെ തുടക്കത്തിൽ തന്നെ മത്സരാർത്ഥി പേര് കൃത്യമായി പറയണം. കൂടുതൽ വിവരങ്ങൾക്കു www.ormaspeech.org എന്ന വെബ്സൈറ്റ് സന്ദർശിക്കുക.
എം. തങ്കച്ചൻ ജോസഫ്
വാർത്തകൾ ഒറ്റനോട്ടത്തിൽ
ഒരു ബാലവിവാഹം 
മലയാളി മനസ്സ് — ആരോഗ്യ വീഥി 
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
ഹോളി -2025 – മാർച്ച് 14.
(മേരി ജോസി മലയിൽ,
മഹോത്സവം മാർച്ച് 13-2025. (മേരി ജോസി മലയിൽ 
ചിരിപ്പിക്കാം!