സഫേൺ (ന്യൂയോർക്ക്): ഫാമിലി & യൂത്ത് കോൺഫറൻസിൻറെ ഒരു പ്രതിനിധി സംഘം നവംബർ 17 ഞായറാഴ്ച, സെൻ്റ് മേരീസ് ഇന്ത്യൻ ഓർത്തഡോക്സ് ഇടവക സന്ദർശിച്ചു.
വികാരി റവ. ഡോ. രാജു വർഗീസ് വർഷങ്ങളായി ഫാമിലി യൂത്ത് കോൺഫറൻസിലൂടെ ലഭ്യമായ ആനുകൂല്യങ്ങളെക്കുറിച്ച് സംസാരിക്കുകയും കോൺഫറൻസ് ടീമിനെ സംസാരിക്കാൻ ക്ഷണിക്കുകയും ചെയ്തു. കോൺഫറൻസ് തീം, വേദി, രജിസ്ട്രേഷൻ എന്നിവയുടെ വിശദാംശങ്ങളെക്കുറിച്ച് കോൺഫറൻസ് സെക്രട്ടറി ജെയ്‌സൺ തോമസ് സംസാരിച്ചു. യൂത്ത്, സൺഡേ സ്കൂൾ, ഫോക്കസ് ഗ്രൂപ്പുകൾക്കുള്ള പ്രത്യേക സെഷനുകളെക്കുറിച്ച് അദ്ദേഹം പരാമർശിക്കുകയും പ്രാസംഗികരെപ്പറ്റി ഒരു ലഘുവിവരണം നൽകുകയും ചെയ്തു. ഫിനാൻസ് കോർഡിനേറ്റർ ഫിലിപ്പ് തങ്കച്ചൻ സ്പോൺസർഷിപ്പ് വിശദാംശങ്ങളെക്കുറിച്ച് സംസാരിച്ചു. ഫാമിലി കോൺഫറൻസ് പോലുള്ള പരിപാടികളിൽ യുവാക്കൾ ഇടപഴകേണ്ടതിൻ്റെ പ്രാധാന്യത്തെക്കുറിച്ച് അദ്ദേഹം ഊന്നിപ്പറഞ്ഞു.
ഫിനാൻസ് കമ്മിറ്റി അംഗം ബിന്ദു റിനു കോൺഫറൻസിനോട് അനുബന്ധിച്ചു പ്രസിദ്ധീകരിക്കുന്ന സുവനീറിനെ കുറിച്ച് സംസാരിച്ചു. വ്യക്തിഗത, ബിസിനസ് പരസ്യങ്ങളുടെ വിശദാംശങ്ങളും നോർത്ത് ഈസ്റ്റ് അമേരിക്കൻ ഭദ്രാസനത്തിലെ എല്ലാ വീടുകളിലും സുവനീർ എത്തിച്ചേരുന്നതും ബിന്ദു റിനു ഓർമ്മിപ്പിച്ചു. രജിസ്ട്രേഷൻ കമ്മിറ്റിയുടെ ഭാഗമായ അജു എബ്രഹാം കോൺഫറൻസിലെ അനുഭവങ്ങൾ സംസാരിച്ചു. എന്റർടൈൻമെന്റ് സെഷൻ്റെ വിശദാംശങ്ങളും അദ്ദേഹം നൽകി.
ഇടവകയിലെ രജിസ്ട്രേഷന് ഫാ. ഡോ. രാജു വർഗീസ് തന്നെ തുടക്കമിട്ടു. ഇതിനെത്തുടർന്ന് നിരവധി സ്പോൺസർഷിപ്പുകളും രജിസ്ട്രേഷനുകളും ലഭിച്ചു. ഗോൾഡ് സ്പോൺസർമാരായി സജി എം പോത്തൻ (മുൻ ഭദ്രാസന കൗൺസിൽ അംഗo), എബ്രഹാം പോത്തൻ (ഇടവക ട്രസ്റ്റി & ഘോഷയാത്ര കമ്മിറ്റി അംഗം), ഫിലിപ്പോസ് ഫിലിപ്പ് (മലങ്കര സഭ മുൻ മാനേജിംഗ് കമ്മിറ്റി അംഗം) ജീമോൻ വർഗീസ് (മുൻ കോൺഫറൻസ് ട്രഷറർ & ഫിനാൻസ് കമ്മിറ്റിഅംഗo ) എന്നിവർ പിന്തുണ അറിയിച്ചു. ഗ്രാൻഡ് സ്പോൺസർമാരായി സാജു ജോർജ്, ജോൺ ജേക്കബ് (സൺഡേ സ്കൂൾ ഭദ്രാസന ട്രഷറർ) എന്നിവരും പിന്തുണ വാഗ്ദാനം നൽകി.
മുൻ കോൺഫറൻസ് സെക്രട്ടറി കൂടിയായ സൂസൻ വർഗീസ് (കൊച്ചമ്മ) യുവാക്കൾക്കിടയിൽ നേതൃത്വത്തെ വളർത്തുന്നതിൽ കോൺഫറൻസ് വഹിച്ച സുപ്രധാന പങ്കിനെക്കുറിച്ച് പരാമർശിച്ചു. ജെറമിയ ജെയിംസ് (ഇടവക സെക്രട്ടറി), സാജു വർഗീസ് (ഇടവക ജോയിൻ്റ് സെക്രട്ടറി), അജിത് എബ്രഹാം (ഇടവക ജോയിൻ്റ് ട്രസ്റ്റി), ജോൺ വർഗീസ് (കോൺഫറൻസ് ഘോഷയാത്ര കമ്മിറ്റി അംഗം ), ബെന്നി കുര്യൻ (മുൻ സുവനീർ എഡിറ്റർ), ലിസി ഫിലിപ്പ് (ഭദ്രാസന എംഎംവിഎസ് ഓഡിറ്റർ) എന്നിവരും വേദിയിൽ ഉണ്ടായിരുന്നു.
2025 ജൂലൈ 9 മുതൽ 12 വരെ കണക്ടിക്കട് ഹിൽട്ടൺ സ്റ്റാംഫർഡ് ഹോട്ടൽ & എക്‌സിക്യൂട്ടീവ് മീറ്റിംഗ് സെൻ്ററിലാണ് കോൺഫറൻസ് നടക്കുന്നത്. റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം ജനറൽ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ) , റവ. ഡീക്കൻ ജോൺ (ജോഷ്വ) വർഗീസ്, (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ), റവ. ഡീക്കൻ അന്തോണിയോസ് (റോബി) ആൻ്റണി (ടാൽമീഡോ- നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് മുഖ്യ പ്രാസംഗികർ. “നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു”(ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിൻ്റെ പ്രമേയം. ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.
FYC/Registration link: www.fycnead.org
കൂടുതൽ വിവരങ്ങൾക്ക്, ഫാ. അബു വർഗീസ് പീറ്റർ, കോൺഫറൻസ് കോർഡിനേറ്റർ (ഫോൺ: 914-806-4595), ജെയ്‌സൺ തോമസ്, കോൺഫറൻസ്സെക്രട്ടറി (ഫോൺ: 917.612.8832), ജോൺ താമരവേലിൽ, കോൺഫറൻസ് ട്രഷറർ) (ഫോൺ: 917.533.3566) എന്നിവരുമായി ബന്ധപ്പെടുക.
