ജയ്പുർ: മഹാ കുംഭമേളയ്ക്കിടെ വൈറലായ ‘ഐഐടി ബാബ’ എന്നറിയപ്പെടുന്ന അഭയ് സിങ് കഞ്ചാവുമായി രാജസ്ഥാനിലെ ജയ്പുരിൽ നിന്നാണ് പിടിച്ചത്. കഞ്ചാവ് കൈവശം വെച്ചതിന് എൻഡിപിഎസ് വകുപ്പ് ചുമത്തിയാണ് പോലീസ് അഭയ് സിങ്ങിനെ അറസ്റ്റ് ചെയ്തത്. കുറഞ്ഞ അളവിലുള്ള കഞ്ചാവായതിനാൽ അഭയ് സിങ്ങിനെ പോലീസ് ജാമ്യത്തിൽ വിട്ടു.
ജയ്പുരിലെ ഹോട്ടലിൽ നിന്നാണ് പോലീസ് അഭയ് സിങ്ങിനെ കസ്റ്റഡിയിലെടുത്തത്. അഭയ് സിങ് ഹോട്ടലിൽ ഉണ്ടെന്നും ആത്മഹത്യ ചെയ്തേക്കുമെന്ന വിവരത്തിൻ്റെ അടിസ്ഥാനത്തിൽ ഷിപ്രപഥ് പോലീസ് സ്റ്റേഷൻ എസ്എച്ച്ഒ ഉൾപ്പെട്ട സംഘം ഹോട്ടലിലേക്ക് ഉടൻ എത്തുകയായിരുന്നു. പോലീസ് എത്തിയപ്പോഴേക്കും താൻ കഞ്ചാവ് കഴിച്ചിട്ടുണ്ടെന്നും തൻ്റെ പക്കൽ കഞ്ചാവുണ്ടെന്നും അഭയ് സിങ് പറഞ്ഞുവെന്ന് എസ്എച്ച്ഒ വ്യക്തമാക്കി.
കഞ്ചാവ് കൈവശം വെക്കുന്നത് എൻഡിപിഎസ് വകുപ്പ് പ്രകാരം കുറ്റകരമായതിനാൽ അഭയ് സിങ്ങിനെ അറസ്റ്റ് ചെയ്തതായി എസ്എച്ച്ഒ അറിയിച്ചു. കഞ്ചാവിൻ്റെ അളവ് കുറവായതിനാൽ ചോദ്യംചെയ്യലിന് ശേഷം ജാമ്യത്തിൽ വിട്ടു. അഭയ് സിങ് സോഷ്യൽ മീഡിയയിൽ ചില പോസ്റ്റുകൾ പങ്കുവെച്ചതിനെ തുടർന്ന് അനുയായികളാണ് അദ്ദേഹം ആത്മഹത്യ ചെയ്തേക്കുമെന്ന് പോലീസിനെ വിളിച്ചറിയിച്ചതെന്നും ആവശ്യമുണ്ടെങ്കിൽ അഭയ് സിങ്ങിനെ വീണ്ടും ചോദ്യം ചെയ്യുമെന്നും എസ്എച്ച്ഒ കൂട്ടിച്ചേർത്തു.
അതേസമയം പോലീസ് തനിക്ക് ജാമ്യം അനുവദിച്ചുവെന്ന് അഭയ് സിങ് പറഞ്ഞു. മൂന്ന് വ്യാജ വാർത്തകൾ പ്രചരിക്കുന്നുണ്ട്. അതിൽ ഒന്ന് തൻ്റെ ആത്മഹത്യയെക്കുറിച്ചണ്. മറ്റൊന്ന് തൻ്റെ അറസ്റ്റിനെക്കുറിച്ചും. തൻ്റെ കൈവശം ഉണ്ടായിരുന്നത് കുറഞ്ഞ അളവിലുള്ള കഞ്ചാവായിരുന്നതിനാൽ ജാമ്യം ലഭിച്ചുവെന്നും അഭയ് സിങ് വ്യക്തമാക്കി.
നോയിഡയിൽ സ്വകാര്യ ചാനൽ ചർച്ചയ്ക്കിടെ ഒരു സംഘം ആളുകൾ തനിക്കുനേരെ അതിക്രമം നടത്തിയെന്ന അഭയ് സിങ്ങിൻ്റെ പരാതിക്ക് പിന്നാലെയാണ് അടുത്ത സംഭവം. കാവി വസ്ത്രധാരികളായ ചിലർ ന്യൂസ് റൂമിൽ കയറി തന്നോട് അപമര്യാദയായി പെരുമാറിയെന്നും വടികൊണ്ട് മർദിച്ചുവെന്നുമാണ് അഭയ് സിങ് കഴിഞ്ഞ ദിവസം പോലീസിൽ പരാതിപ്പെട്ടത്.
ഐഐടി ബോംബയിൽനിന്ന് എയറോസ്പേസ് എഞ്ചിനീയറിങ് ബിരുധദാരിയാണെന്നാണ് അഭയ് സിങ്ങിന്റെ അവകാശവാദം. മഹാ കുംഭമേളയ്ക്കിടെ ജുന അഖാരയുടെ കാമ്പിൽ അഭയ് സിങ്ങിന് വിലക്കേർപ്പെടുത്തിയിരുന്നു. അഭയ് സിങ് സന്യാസി അല്ലെന്നും സന്യാസി ചമഞ്ഞ് കറങ്ങിനടക്കുകയാണെന്നുമായിരുന്നു ജുന അഖാര വക്താവ് പ്രതികരിച്ചത്. അഭയ് സിങ് സ്വന്തം ഗുരുവിനെ അധിക്ഷേപിച്ചുവെന്നും ജുന അഖാര പറഞ്ഞിരുന്നു.
ശ്രീ മിഥില
കാഷ്മീർത്താഴ്വര – കണ്ണീർത്താഴ്വര
മലയാളി മനസ്സ് — ആരോഗ്യ വീഥി 
ചിന്താ പ്രഭാതം 
♥️പിറന്നാൾ ആശംസകൾ 
—20-4-2025.
വാർത്തകൾ ഒറ്റനോട്ടത്തിൽ
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
(മേരി ജോസി മലയിൽ,
ചിരിപ്പിക്കാം!